Maariko 9:43 - Eriiraghano Eriihë

⁴³ Wiiki, okubhökö koocho koraghëri ukörë amasari, okonunge. N‑ngʼoni usöhë mo‑bhuhöru bho miishe ghyose otaanyi no okubhökö kumu, ghokera kubha na amabhökö abhere na ghuye mwiribha hano omororo otaakorima. [

Maariko 9:43 Referans Kwoze

Mataayo 25:41

“Niho nekobhabhoorera bhaare bhaanyi okubhökö koone gho kumosi nebhughe, ‘Mondwere hano inyu bhano Eryobha riihiimiri! Moghi mo‑mororo o miishe ghyose uno Eryobha riisëëmiri gho ghiri e Rishambu na bhamarayika bhaache.

Abheebhuraaniya 12:1

Mbe, gho kubha ntoonyi ne erikinda ikoro re bhiibhateri bhano bhatwinariiri, tobheruusi bhyose bhino bheghotuhööchërëra, wiiki toghatighe amasari ghano ghaghotoghwishi. Wiiki toyaare ahönta ino Eryobha retooriri ambërë yiito kwo bhoghumereri.

Mataayo 5:22

Amare eni nekobhabhoorera, wowoose uno akomukararera mughëndi waache naghoteneru ekiina. Wiiki uno akomotoka mughëndi waache kubha mughëëghë, nakwëndëru ahiru mwibharacha. Uno akobherekera mughëndi waache kubha m‑muraghaanu nakurëngʼaanera ghusöha mwiribha re mororo.

Abhagharatiya 5:24

Abhaato bhano bhaghöötiine na Kirisito Yesu, bhatahakangatu na simoka yaabho e masari haghirohamu na amiigha ghaabho amabhe. N‑kinya bhamambiri simoka yaabho e masari mo‑musarabha o Yesu.

Mataayo 3:12

Ibheere Kirisito nakuucha, kwahukani abhaato bhano bhatuukuniri, na bhano bhaanyi na amasari, kinya omooto uno aghöötëriire orohongo mo‑mabhökö ghaache. Angano iyo nakoyekomera mo‑ghitara keeche, amare omokoonyo nakowute mo‑mororo, no omororo uyo tookorima naabha!”

Tiito 2:12

Aghareeya iyo, neghotweghi kwanga amabhe na amiigha gha mo‑se. Gho ghayo, eriibhagha tokeere mo‑se ino, tubhe ne ekirëngërë, na abhahëënë, na tubhe abhaato bhano bhamanyiri eriimanya rino Eryobha rekwënda.

Abhakorosaayi 3:5

Mbe, mute kurë amangʼana gha mo‑se ino ghano ghaanyi moose yaanyu, kinya obhutaari, no obhoghonchu, no omuraka, na amiihëëbhö amabhe, no oghwighomba ebheghiro. Obhwighombi bhonga hangʼu, n‑kinya ghusëngëra asanaamu taanyi Eryobha.

Abharuumi 8:13

Aribha moramanya gho ghukangatu na simoka e masari, mooghoku. Amare, moraanga kimu gho changuru che Körö Ahörëëru ghuköra amangʼana ghano simoka yaanyu e masari ekwënda mukörë, mokumanya emiishe ghyose.

Ruuka 14:13

“Mbe, örëënda kobhakörëra abhaato obhughëni, uraghani abhahabhe, na abharëma, na abhabhëëru, na abhahuku.

1 Bheetero 2:1

Mbe, motighe obhobhe bhoose, no obhuröngö bho manga ghoose, na amangʼana amabhe ne eriihari, koru kobhiiherana.

1 Abhakorinto 9:27

Amare nekowunyaaki na kowunari omobhere waane ghoghumereri, kubha ndamara kobharaghaneri abhaato Angʼana Anchömu, eni omwene netaacha kwangu ambërë e Ryobha.

Ruuka 14:21

“Omusësë uyo aghagharuka, akamobhoorera omutëmi waache ghayo ghoose. Niho omutëmi waache aghakarara chwee, akamobhoorera omusësë waache, ‘Nooghi ibheerebheere, mo‑nchëra ankoro na mo‑chanchëra chansuuhu che moghya uno, obharëëtë hano abhahabhe, na abharëma, na abhahuku, na abhabhëëru.’

Mataayo 17:27

Amare totaacha kobhakarari abhaato bhano, nooghi mo‑nyancha uröbhi. Asu a yimbërë ino oghughööti, oyisënë mo‑monu, nokubhöna‑mu chambiiri, oghi orehe erighööti reene na re reecho.”

Maariko 9:44

Iyo niho chaangʼunyu cheeche chetaaghoku, no omororo waache tookorima.]

Ruuka 3:17

Iwe Kirisito nakuucha, kwahukani abhaato bhano bhatuukuniri, na bhano bhaanyi na amasari, kinya omooto uno aghöötëriire orohongo mo‑mabhökö ghaache. Angano iyo nakoyekomera mo‑ghitara keeche, amare omokoonyo nakowute mo‑mororo, no omororo uyo tookorima naabha!”