Maariko 9:41 - Eriiraghano Eriihë

⁴¹ Mahëënë ˆnekabhabhoorera kubha, omooto wowoose uno akobhaha eghisënchö ke manche gha kunyo gho kubha inyu n‑abhaato bha Kirisito moonyi, Eryobha ndekomoreha atuho yaache.”

Maariko 9:41 Referans Kwoze

Mataayo 10:42

Mahëënë ˆnekabhabhoorera kubha wowoose uno akomuha eghisënchö ke manche amamititu umu o bhano bhaanyi abhasuuhu gho kubha na abhaanabheegha bhaane, Eryobha ndekomoreha atuho yaache.”

Mataayo 25:40

Niho eni uno neenyi Omutëmi nekobhagharokeri nebhughe, ‘Mahëënë ˆnekabhabhoorera, ghyokyose kino muköriire umu mo‑bhakumi bhano bhakorighibhu bhataanyi no obhwëra, mbe, neeni muköriire.’

2 Abhakorinto 10:7

Mumööhërëri amangʼana ghano ghaanyi ambërë e miisho ghaanyu. Omooto wowoose uno akwirighi kubha iwe n‑o Kirisito, amënyë kubha itu bhoose n‑abhaato bha Kirisito toonyi, kinya iwe.

1 Abhakorinto 15:23

Amare omooto woose nakoryokibhu kwo riibhagha reeche, Kirisito niwe o mumbërë koryoka, na bharamara mbakoryokibhu abhaato bhaache, eriibhagha rino akuucha.

Abharuumi 14:15

Gho ghayo, aribha iye gho kurë ekiinyakurë nyarebhe ngoghughëri omokumi mughëndi waacho abhe na amacheeche mo‑motema waache, hayo nookubha otaanyi no obhosiighi kwo mughëndi waacho. Mbe, otiishereri kubha, gho nchëra e kiinyakurë keecho, omobhori omooto uno Kirisito akweriire!

Abharuumi 8:9

Amare ibheere, inyu motaaghukangatu na simoka yaanyu e masari, amare moghukangatu na Akörö e Ryobha, gho kubha neghwikara moose yaanyu. Omooto wowoose uno ataanyi na Akörö e Kirisito, uyo taanyi omooto o Kirisito.

Abhagharatiya 5:24

Abhaato bhano bhaghöötiine na Kirisito Yesu, bhatahakangatu na simoka yaabho e masari haghirohamu na amiigha ghaabho amabhe. N‑kinya bhamambiri simoka yaabho e masari mo‑musarabha o Yesu.

Abhagharatiya 3:29

Erabha inyu na abhaato bha Kirisito moonyi, mbe, m‑bha rwibhoro ro Abhurahamu moonyi, na mokubhöna aghabho ino Eryobha ꞉riiraghiri.

1 Abhakorinto 3:23

Amare inyu, m‑bha Kirisito, nawe Kirisito n‑o Ryobha.

Maariko 4:10

Hano erikinda re bhaato ritanwire, Yesu aghasaagha na abhaanabheegha bhaache ikomi na bhabhere na abhaghëndi abhande. Niho bhakamobhoori ighoro e gheteemoro ke bhetuubhaani bheeche.