Maariko 9:2 - Eriiraghano Eriihë

² Hano chehetiri chaasiko ishaasabhe, Yesu akabhiimoki Bheetero, na Yakobho, na Yohana, aghatiira nabho mo‑gheghoro kire, ahaghiro hano abhaato bhataanyi. Hano bhaare iyo, Yesu aghiigharura eghisösö keeche ambërë yaabho.

Maariko 9:2 Referans Kwoze

Maariko 5:37

Yesu akabharëki abhaato abhande kubha bhataghöötana nawe. Aghaye na Bheetero, na Yakobho na Yohana ömööbhö Yakobho.

Maariko 14:33

Akabhiimoki Bheetero, na Yakobho na Yohana, aghaye nabho kurë hasuuhu, aghasëëma kubha na amacheeche chwee na kunyaaka mo‑körö.

2 Abhakorinto 13:1

Ino neekubha mara e ghatato kuucha bhowaanyu. Amandëkö Amatööbhiyu ngakobhugha kubha, “Kira eriisari reteneru ekiina kwo bhwibhateri bho bhaato bhabhere hamu bhatato.”

Obhohunyurëru 20:11

Nekamara, nekarighi Eryobha riikeere mo‑ghetumbe kyero eghekoro ghe ghitëmi. Erishaaro na ase bhekangʼösa ambërë yaache na bhetaaroochiibhu wiiki.

Maariko 16:12

Orosiko ruyo ruyo, Yesu akabharwera bhabhere ghate e bhaanabheegha bhaache. Abhaanabheegha bhayo mbaare mo‑nchëra, bharaghe mo‑meghondo. Bhataatoriri komumënya, gho kubha naare ne eghisösö ekende.

Abhabhiribhi 3:21

Iwe naanyi na changuru che ghotoora ebheghiro bhyose bhibhe haase e bhukangati bhooche. Gho nchëra e changuru chiyo, naghugharura emebhere ghiito ghe bhutöbhu, ghibhe no obhokumi obhokoro kinya omobhere waache onyi.

Abharuumi 12:2

Moteegha chaasughara che bhaato bha mo‑se ino, amare motighe Eryobha righarure emetema gheenyu, kubha mubhe na amiihëëbhö amahë. Hayo niho mokwegha kumënya kebhuno Eryobha rekwënda mukörë. Mokumënya n‑amangʼana ghaahë ghano ghaanyi amachömu, na ghano ghakoretegheri, wiiki na ghano ghahikeriine.

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Ruuka 6:12

Orosiko rumu, Yesu aghaye ghusabha Eryobha a‑gheghoro, aghasabha obhotiko bhoghima.

Mataayo 14:13

Hano Yesu oghwire ghayo ghoose, aghatanura hayo no obhwato, aghaye ahaghiro hano abhaato bhataanyi. Amare hano abhaato bhooghwire hayi anyi, bhaakaru mo‑meghya gheebho, bhaaghaye bharaghënda kwo maghoro komutambana Yesu.