Maariko 6:6 - Eriiraghano Eriihë

⁶ Akaroghoora chwee gho kubha bhataare no obhokumi koru hasuuhu. Akamara Yesu akabha ariinaara mo‑bhyaro bhe haghuhe kobheeghi abhaato.

Maariko 6:6 Referans Kwoze

Mataayo 9:35

Mbe, Yesu naare araheta mo‑meghya ghyose na mo‑bhyaro. Hohoose hano ahetiri, ꞉naasöhiri mo‑masinaghooghi ghaabho, naare areeghi abhaato, na kuraghani Angʼana Anchömu e bhutëmi bho Mwishaaro na kuhöri amabhabharu ghoose gha manga maaru.

Mataayo 8:10

Hano Yesu oghwire amangʼana ghayo, akaroghoora chwee. Akabhabhoorera bhano ꞉bhaare bharamutambana akabhugha, “Mahëënë ˆnekabhabhoorera, ghate e Abhiisiraeri bhoose, ntiimara ndighi omooto wowoose uno anyi no obhokumi bhokoro bhonga bhuno!

Ruuka 13:22

Hano Yesu are mo‑rughëndö ro ghuye Yerusareemu, akabha areeghi abhaato mo‑meghya na mo‑bhyaro bhino ꞉ahetiire.

Amaköri gha Bhatomu 10:38

Mweche kubha, Eryobha ꞉ndeemwahwire Yesu o Nasareeti gho komuha Akörö Ahörëëru no obhotoro. Yesu ꞉naaghiire ino na ino, araköra amachömu na kuhöri bhoose bhano ꞉bhaare bharanyaakibhu na changuru che Rishambu, gho kubha Eryobha ndeere haghirohamu nawe.

Yohana 9:30

Akabhagharokeri akabhugha, “Eni ˆnekaroghoora chwee! Inyu moteeche hano aruure, amare iwe nahöriri amiisho ghaane!

Mataayo 4:23

Yesu ꞉niinaariri Ghariraaya yoose, areeghi mo‑masinaghooghi ghaabho, na kuraghani Angʼana Anchömu e bhutëmi bho Mwishaaro, na kobhahöri amabhabharu ghaabho ghoose.

Ruuka 4:44

Niho, Yesu aghaye gho kohetera mo‑mukööwa o Ghariraaya, arasanchi angʼana e Ryobha mo‑masinaghooghi gha iyo.

Ruuka 4:31

Akamara, Yesu aghaye mo‑moghya o Kabherenawumu, mo‑mukööwa o Ghariraaya. Orosiko ro Riikane, aghasöha mo‑risinaghooghi, aghasëëma kweghi abhaato.

Maariko 1:39

Niho aghaye mo‑mukööwa woose o Ghariraaya na kuraghani mo‑masinaghooghi ghaabho, na kobharuusi abhaato emisambu.

Maariko 10:1

Niho Yesu na abhaanabheegha bhaache bhaghatanura iyo Kabherenawumu, bhaaghaye mo‑mukööwa o Yuteya. Bhakaheta na ghutëënya amwambuko e rooche ro Yorotaani. Amakinda maaru gha bhaato ghaakabha gharamwikomanera wiiki, na naare arabheeghi kinya bhuno are anariri.