42 Bhoose bhakaraaghëra, bhaghiighota.
Abhaato bhayo bhoose bhakaraaghëra, bhaghiighota. Bhaghakoma amatigho gha bhiinyakurë bhino bhisaaghiri, bhaghiichori ebhetonga ikomi na bhibhere.
Hano abhaato bhoose bhiighotiri, Yesu akabhabhoorera abhaanabheegha bhaache akabhugha, “Mokome amatigho gha bhiinyakurë bhyose bhino bhisaaghiri, ghetabhora egheteneka ghyokyose.”
Yesu akiimoki emighaate etaano na chaasu ibhere, aghagharaamereri Mwishaaro, aghiitabheri Eryobha. Aghaghesuura emighaate ghiire, akabhaha abhaanabheegha bhaache kubha bhabhahööhi abhaato. Akabhaha na chaasu chiire ibhere bhabhahööhi.
Abhaanabheegha bhaache bhaghakoma amatigho gha mighaate na chaasu, bhaghiichori ebhetonga ikomi na bhibhere.
