Maariko 6:41 - Eriiraghano Eriihë

⁴¹ Yesu akiimoki emighaate etaano na chaasu ibhere, aghagharaamereri Mwishaaro, aghiitabheri Eryobha. Aghaghesuura emighaate ghiire, akabhaha abhaanabheegha bhaache kubha bhabhahööhi abhaato. Akabhaha na chaasu chiire ibhere bhabhahööhi.

Maariko 6:41 Referans Kwoze

Mataayo 14:19

Niho akahatëka abhaato bhayo kubha, bhiikare haase mo‑manyaaki. Akiimoki emighaate ghiire etaano na chaasu chiire ibhere, aghagharaamereri Mwishaaro, akariitabheri Eryobha. Akamara aghaghesuura emighaate, akabhaha abhaanabheegha bhaache haghirohamu na chaasu, nabho bhakabhahööhi abhaato.

Maariko 7:34

Aghagharaamereri Mwishaaro, aghiiki omwika, akamobhoorera akabhugha, “Ebhata,” egheteemoro keeche, “Ighoka.”

Ruuka 24:30

Ibheere hano bhiikeere kuraaghëra, Yesu akiimoki omughaate, akawiitabheri, akawosuura, akabhaha.

Ruuka 9:16

Yesu akiimoki chaasu chiyo ibhere, ne emighaate ghiyo etaano. Aghagharaamereri Mwishaaro, akabhugha, “ˆOghachömi Waryobha.” Niho aghaghesuura, akabhaha bhaghëndi bhaache, bhabhahë abhaato.

1 Abhakorinto 10:31

Mbe, ibheere, ghyokyose kino moghuköra, ibhe n‑kurë, hamu kunyo, hande koru ghuköra egheghiro ghyokyose, mukörë gho ghiri e koreghongi Eryobha.

Yohana 17:1

Hano Yesu amariri ghosiikëra ghayo ghoose, aghagharaamereri Mwishaaro, aghasabha akabhugha, “Oo Taata, eriibhagha reene ˆrekahika. Obhëërëki abhaato obhokumi bhoone obhokoro, eni Omoona waacho, kubha na neeni nëbhëërëki obhokumi bhoocho obhokoro kebhuno bhoonyi.

Yohana 11:41

Mbe, bhakareruusi eriibhohe riyo. Yesu aghagharaamereri Mwishaaro, aghasabha Eryobha akabhugha, “Oo Taata, neghoghwitabheri gho kubha nooghwire amasabhi ghaane.

Maariko 14:22

Hano ꞉bhaare bhararaaghëra, Yesu akiimoki omughaate, aghiitabheri Eryobha. Akawosuura, akabhaha abhaanabheegha bhaache, akabhugha, “Mwimoki mori, uno niwe omobhere waane.”

Abhakorosaayi 3:17

Gho ghoose ghano moghosiikëra, hamu ghuköra, mukörë kwo riina re Mutëmi Yesu, na komwitabheri Taata Waryobha kohetera ghokooche.

Abharuumi 14:6

Omooto uno akorighi kubha orosiko nyarebhe ndoonyi no obhwëra ghokera chaasiko echende, naghuköra hangʼu kubha amuchömëri Omutëmi Yesu. Omooto uno akurë ghyokyose kiire, naghuköra hangʼu kubha amuchömëri Omutëmi Yesu, gho kubha naakurë gho koriitabheri Eryobha. Owonde uno akurë chaanyi echeene, naghuköra hangʼu gho kubha nakwënda ghuchömëri Omutëmi Yesu. Uyo woose nakoriitabheri Eryobha.

Yohana 6:23

Abhaato abhande bhakaacha na amaato aghande koru mo‑moghya o Tibheeriya, bhakahika hano erikinda re bhaato ꞉bhaare bhariire emighaate, hano Omutëmi Yesu aritabhiiri Eryobha.]

Yohana 6:11

Niho Yesu akiimoki emighaate ghiire, aghiitabheri Eryobha, aghaghesuura, akabhahööhi abhaato bhoose bhano ꞉bhaare hayo. Aghaköra hangʼu hangʼu ne ebhesu bhiire. Omooto woose akabhöna kebhuno are arëënda.

Mataayo 26:26

Hano bhaare mo‑ndaaghëra, Yesu akiimoki omughaate, aghiitabheri Eryobha, akawosuura, akabhaha abhaanabheegha bhaache, akabhabhoorera akabhugha, “Mwimoki mori, uno niwe omobhere waane.”

Mataayo 15:36

Akiimoki emighaate ghiire mohungate ne ebhesu bhiire, aghiitabheri Eryobha, aghasuura, akabha arabhaha abhaanabheegha bhaache, nabho bhakabhahööhi abhaato bhayo.

Amaköri gha Bhatomu 27:35

Hano Bhawuro amariri ghosiikëra ghayo, akiimoki omughaate ambërë yaabho bhoose akabhugha, ˆoghachömi Waryobha, akawosuura aghasëëma kurë.

Maariko 6:40

Bhaghiikara amakinda, abhande amaghana amaghana, abhande miröngö etaano etaano.

Maariko 6:42

Bhoose bhakaraaghëra, bhaghiighota.

Maariko 8:19

Eriibhagha riire hano nesuuriri emighaate ghiire etaano na kobhaha abhaato ghokera ebheku bhitaano (5,000), ꞉mookomiri ebhetonga bhirenge bhe bhiinyakurë bhino bhisaaghiri?” Bhakamugharokeri bhakabhugha, “꞉Ntookomiri ebhetonga ikomi na bhibhere.”