Maariko 6:12 - Eriiraghano Eriihë

¹² Abhaanabheegha bhaare bhaghatanura, bhaghasëëma kobharaghaneri abhaato kubha bhatuukuune na ghotigha amasari ghaabho.

Maariko 6:12 Referans Kwoze

Mataayo 4:17

Korwera eriibhagha riyo, Yesu nasëëmiri kuraghani arabhugha, “Motuukuune amasari ghaanyu, gho kubha obhutëmi bho Mwishaaro ˆbhoghatingʼi.”

Amaköri gha Bhatomu 20:21

Neere nerabhabhoorera Abhayahuuti haghirohamu na abhaato bha matöngö kubha bhatuukuunere amasari ghaabho kwo Waryobha, wiiki bhamokumi Omutëmi wiito Yesu Kirisito.

Amaköri gha Bhatomu 11:18

Hano Abhayahuuti bhayo bhooghwire ghayo, bhataare na re ghugharokeri. Bhakaritöghösi Eryobha bhakabhugha, “Kana, Eryobha ndebhaheere abhaato bha matöngö aghande omweya o ghotuukuunera amasari ghaabho, kubha bhabhönë obhuhöru bho miishe ghyose!”

Amaköri gha Bhatomu 2:38

Bheetero akabhabhoorera akabhugha, “Omooto woose atuukuunere amasari ghaache, na abhatiisu kwo riina re Yesu Kirisito, kubha amwabhërë na kuhaabhu Akörö Ahörëëru.

Ruuka 13:3

ˆNekabhabhoorera taanyi hangʼu! Moraanga ghotuukuunera amasari ghaanyu, hangʼu hangʼu koru inyu moghosireekerera bhoose.

Ruuka 11:32

“Wiiki, orosiko ro ghoteneru ekiina abhaato bha moghya o Ninaawi mbakwimeerera haghirohamu na abhaato bha rwibhoro runo na kobhatenera ekiina kubha m‑bhaköri bha masari moonyi. Neekubha hangʼu gho kubha, abhaato bha Ninaawi ꞉mbaatuukuuniire amasari ghaabho hano bhooghwire Yoona araraghani angʼana e Ryobha. Amare ˆnekabhabhoorera inyu kubha, hano naanyi‑ho umu omokoro ghokera Yoona.

Mataayo 3:8

Mbe, mukörë amaköri ghano ghakwërëki kubha, motuukuuniri amasari ghaanyu.

Mataayo 3:2

“Motuukuune amasari ghaanyu, gho kubha obhutëmi bho Mwishaaro ˆbhoghatingʼi.”

Amaköri gha Bhatomu 26:20

Neghasëëma kweghi abhaato bha iyo Tamaasiko kubha, bhatuukuunere amasari ghaabho, bhiigharurere Eryobha. Bhabhe bharaköra amaköri machömu ghano ghakwërëki kubha mbatuukuuniri amasari ghaabho. Nekamara nekeeghi amangʼana ghayo ghayo mo‑bhaato bha Yerusareemu, na bha mukööwa o Yuteya, na mo‑bhaato bha matöngö.

Amaköri gha Bhatomu 3:19

Ibheere, motuukuune amasari ghaanyu, na moriigharurere Eryobha, rebhaabhërë. Ghaache amabhagha gha koweera gho kubha‑ho Omutëmi,

Ruuka 24:47

Na abhaato bha matöngö ghoose, korwera Yerusareemu, mbakuraghaneru kwo riina reeche kubha, mbakwëndëru bhatuukuunere amasari ghaabho, bhaabhëru.

Ruuka 15:10

“ˆNekabhabhoorera, hangʼu hangʼu, Eryobha ndeghuchömëru chwee ambërë e bhamarayika bhaache, hano omooto umu o masari akubha atuukuuniire amasari ghaache.”

Ruuka 15:7

“ˆNekabhabhoorera, hangʼu hangʼu ngookubha na ghuchömëru kwaru Mwishaaro, eriibhagha omooto umu o masari aratuukuunera amasari ghaache. Ghuchömëru kuyo, ngookubha ghokoro ghokera kuure kwo bhaato abhachömu miröngö kende na kende, bhano bhataanyi na amënda gha ghotuukuuna.

Ruuka 13:5

ˆNekabhabhoorera tiyaanyi! Moraanga ghotuukuunera amasari ghaanyu, hangʼu hangʼu inyu bhoose moghosireekerera!”

Maariko 1:15

Eriibhagha are araraghani, naare arabhugha, “Eriibhagha rino rirööturu, ˆrekahika. Wiiki, obhutëmi bho Ryobha ˆbhoghatingʼi. Mbe, motuukuunere amasari ghaanyu, na koyekumi Angʼana Anchömu iyo.”

Mataayo 11:20

Mbe, Yesu aghasëëma kobhatëma amasörö abhaato bha meghya ghino aköriri ebheroghooro bhyaru gho kubha mbaangiri ghotuukuunera amasari ghaabho, akabhugha,

Mataayo 9:13

Mbe, moghi mweghe amangʼana gha Ryobha mo‑Mandëkö Amatööbhiyu ghano ghakobhugha kubha, ‘Nekwënda möbhëërëki abhaato abhande changori, ghokera konduuseri amaruusi.’ Mbe, eni ntiichiri kobhabherekera bhano bhakwirighi kubha m-bhahëënë ambërë e Ryobha! Amare niichiri kobhabherekera bhano bhaanyi na amasari.”

Ruuka 9:6

Niho abhatomu bhayo, bhaaghaye bharahetera mo‑bhyaro. Mbaare bharabharaghaneri abhaato Angʼana Anchömu, na kuhöri abhabhabharu haghirohamu na kuhëëbha emisambu ahaghiro hoose hano bhaghiire.

Maariko 1:3

“Omutamishi waane uyo, naakubha araraghani mwibhara kwo riiraka ikoro arabhugha, ‘Mukörë anchëra e Mutëmi, mughöröröki chanchëra chino akohetera!’”

Mataayo 11:1

Hano Yesu amariri kobharaghereri abhaanabheegha bhaache ikomi na bhabhere, akaru hayo. Aghaye mo‑meghya ghe Ghariraaya kuraghani na kobheeghi abhaato angʼana e Ryobha.