Maariko 5:13 - Eriiraghano Eriihë

¹³ Yesu aghaghiisherereri. Mbe, emisambu ghiyo gheekamoru omooto uyo, gheghasöhërëra chambeechi. Erikinda ryose re chambeechi rekahiringita rerahe mo‑mohiringito muhaari o gheghoro kiire, reghasöha mo‑nyancha, reghaku. Omubharo o chambeechi chiyo noore kinya ebheku bhibhere (2,000).

Maariko 5:13 Referans Kwoze

Obhohunyurëru 20:7

Hano emeeka egheku kimu gheghosira, Erishambu ndeghotighooroku koru mo‑kibhöhö keeche.

Obhohunyurëru 9:11

Ncheere no omutëmi uno are marayika omokoro o rirooma re mashambu. Marayika uyo gho Kebhuraaniya nakobherekeru Abhatooni na gho Keyunaani nakobherekeru Abhoriyooni, egheteemoro keeche “n‑Omosireekereri.”

1 Bheetero 3:22

Iwe naghiire Mwishaaro, ni ibheere niikeere okubhökö gho kwiro kwo Waryobha, ahaghiro ha sooko chwee. Naghukangata bhamarayika, ne ebhetyenyi bhyose bhe bhotoro, na bhe changuru.

Yohana 8:44

Inyu n‑abhaana bhi iso waanyu Erishambu, wiiki mokwënda ghuköra ghano taata waanyu aghwighomba. Erishambu n‑diiti korwera kare, wiiki retasiighiri kwimeerera mo‑bhuhëënë gho kubha, obhuhëënë bhotaanyi mo‑motema waache. Aribha Erishambu rekobhugha obhuröngö, iyo n‑atëëmö yaache gho kubha iryo n‑iröngö wiiki n‑taata o bharöngö bhoose.

Mataayo 8:32

Yesu akabhabhoorera akabhugha, “Mughëndë!” Mbe, emisambu gheekaru mo‑bhaato bhayo, gheeghaye gheghasöha gho changuru mo‑chambeechi chiire. Hayo hayo erikinda riire ryose rekahiringita rerahe rekiihöngörëra mo‑nyancha, reghakwera‑mu ryose.

Mataayo 7:6

“Motaha chaseese ebheghiro ebhitööbhiyu, hande kurëkërëra chambeechi ebheghiro bhe riighori ikoro. Aribha moraköra hangʼu, nchekobhetiitacha cheramara nchekobhiigharurani na kobharööna.

Maariko 5:12

Niho emisambu ghiyo ghekamusasaama Yesu kubha, “Ntoghoghusabha kubha otwisherereri, tusöhë mo‑chambeechi chiire.”

Maariko 5:14

Abhariishi bha chambeechi bhayo bhakayaara, bhaaghaye mo‑moghya na mo‑bhyaro bhe haghuhe na hayo. Hohoose hano bhahikiri, mbaare bharabhabhoorera abhaato amangʼana ghayo. Abhaato bhakaacha, kubha bhiirigheri abheene ghano ghaköruru.