Maariko 2:15 - Eriiraghano Eriihë

¹⁵ Bhakamara Yesu na abhaanabheegha bhaache bhaaghaye kuraaghëra o‑Raawi. Abhatöbhi bha righööti na abhaköri bha masari bhaaru mbaare bharamutambana, bhaaru ghate yaabho bhaghiikara mo‑ndaaghëra haghirohamu na Yesu na abhaanabheegha bhaache.

Maariko 2:15 Referans Kwoze

Ruuka 15:1

Orosiko rumu, abhatöbhi bha righööti bhaaru na abhaato abhande bha masari, bhakamutambana Yesu, bhamutëghëërërë.

Ruuka 6:17

Yesu aghiika mo‑gheghoro, haghirohamu na abhaanabheegha bhaache. Hano ahikiri ahaghiro hano haanyi ne ekibhara, akiimeerera‑ho. Ahaghiro hayo, ꞉mbaatiimaaniri abhaghëndi bhaache bhaaru chwee. ꞉Haare‑ho wiiki erikinda ikoro re bhaato abhande ꞉bhaare bharuure mo‑mukööwa woose o Yuteya, koru mo‑moghya o Yerusareemu, na koru mo‑meghya ghe Tiiro na Sitooni ghino gheere haghuhe na anyancha.

Mataayo 5:46

Aribha morasiigha bhano bhabhasiighiri abheene, mokubhöna bhwëra ke? Koru abhatöbhi bha righööti mbahaasiigha bhano bhabhasiighiri abheene!

Maariko 2:14

Akamara aghatanura koru hayo, na mo‑nchëra akamorighi Raawi mwërëëti o Arubhaayo. Naare ikeere mo‑kebhuru keeche ghe ghutöbhëri erighööti. Yesu akamobhoorera akabhugha, “Nuntambane.” Raawi akiimeerera, akamutambana.

Maariko 2:16

Mbe, abheeghi bha meghiro bhano ꞉bhaare Amabharisaayo hano bhamorooche Yesu araraaghëra haghirohamu na abhatöbhi bha righööti na abhaköri bha masari, bhakabhabhoori abhaanabheegha bhaache bharabhugha, “Kana nakuraaghëra haghirohamu na abhatöbhi bha righööti na abhaköri bha masari?”