Maariko 16:16 - Eriiraghano Eriihë

¹⁶ Omooto wowoose uno aghokumi na kubhatiisu, naghotooribhu. Amare, omooto wowoose uno akwanga ghokumi, naghoteneru ekiina.

Maariko 16:16 Referans Kwoze

Yohana 3:36

Omooto wowoose uno akomokumi Omoona o Ryobha naanyi no obhuhöru bho miishe ghyose. Amare omooto wowoose uno akomwanga taanyi no obhuhöru, gho kubha ghukarara kwo Waryobha ngokwëndërëra kubha ighoro yaache.

Amaköri gha Bhatomu 2:38

Bheetero akabhabhoorera akabhugha, “Omooto woose atuukuunere amasari ghaache, na abhatiisu kwo riina re Yesu Kirisito, kubha amwabhërë na kuhaabhu Akörö Ahörëëru.

Yohana 5:24

“Mahëënë ˆnekabhabhoorera, abhaato bhoose bhano bhaghoghooghu amangʼana ghaane na korekumi Eryobha rino rentomiri mbaanyi no obhuhöru bho miishe ghyose. Bhataaghoteneru ekiina kwo masari ghaabho, amare mbatëënyiri koru mo‑roko na ghusöha mo‑bhuhöru bho miishe ghyose.

Yohana 8:24

Nikyo ghighëriri ˆnekabhabhoorera kubha mooghoku gho ghiri e masari ghaanyu. Mbe, moraanga ghokumi kubha ‘Eni Niwe’, mooghoku mo‑masari ghaanyu.”

Yohana 6:29

Yesu akabhagharokeri akabhugha, “Emeremo ghino Eryobha rekwënda mukörë nighyo ghino, ghonkumi eni, uno netomuru naryo.”

Yohana 3:5

Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru kwo manche na gho Akörö e Ryobha.

Amaköri gha Bhatomu 10:43

Yesu uyo, abharööti bhoose ꞉mbaasiikiire ighoro yaache kubha, omooto wowoose uno akomokumi nakwabhëru amasari ghaache kwo riina reeche.”

Yohana 20:31

Amare ebhyërëkërëri bhino bheenyi mo‑ghitabhu kino bhyandëkuru motore ghokumi kubha Yesu niwe Kirisito, Omoona o Ryobha, na gho komokumi mubhönë obhuhöru bho miishe ghyose kwo riina reeche.

Obhohunyurëru 20:15

No omooto wowoose uno eriina reeche retaandëkuru mo‑Ghitabhu ke Bhuhöru, woose narëkiiru mo‑nyancha e mororo.

Yohana 6:35

Yesu akabhagharokeri akabhugha, “Eni neeni ekiinyakurë kino ghekobhaha abhaato obhuhöru. Omooto wowoose uno akuucha ghokoone, taakooghu anchëra inkongʼorimu, wiiki uno aghonkumi taakooghu anyööta naabha.

1 Bheetero 3:21

Amanche ghayo n‑eghetuubhaani ke bhubhatiiso, bhuno bhoghototoori, taanyi gho koruusi eriiku mo‑mobhere, amare n‑eriiraghano re mënda meero kwo Waryobha. Amangʼana ghayo, ngaakubha gho kohetera koryoka kwo Yesu Kirisito.

Maariko 1:15

Eriibhagha are araraghani, naare arabhugha, “Eriibhagha rino rirööturu, ˆrekahika. Wiiki, obhutëmi bho Ryobha ˆbhoghatingʼi. Mbe, motuukuunere amasari ghaanyu, na koyekumi Angʼana Anchömu iyo.”

Amaköri gha Bhatomu 22:16

Ibheere neke oghughanya? Imeerera! Ubhatiisu, usabhe Eryobha reghotoori, rekwabhërë amasari ghaacho.’

Yohana 6:40

Amiigha gha Taata n‑ghano, omooto woose uno akumënya kubha eni n‑Omoona waache na ghonkumi, abhe no obhuhöru bho miishe ghyose. Eni nekuucha komoryoki mo‑rosiko ro ntenero.”

1 Bheetero 1:21

Kohetera gho Kirisito, mokorekumi Eryobha, rino remoryokiri koru mo‑bhaku na komuha obhokumi obhokoro. Gho ghayo, mokomokumi na koriitëngʼëra Eryobha.

Amaköri gha Bhatomu 2:41

Abhaato ekirëngërë ke bheku bhitato (3,000) bhaghaghakumi amangʼana ghayo gha Bheetero, bhakabhatiisu, bhaghaghöötana na abhaghëndi abhande bha Yesu orosiko ruyo.

Ruuka 8:12

Chambusuru chino ꞉cheeghweriire mo‑nchëra, nchekwërëki abhaato bhano bhakooghu angʼana e Ryobha. Hayo hayo, Erishambu riicha reyeruusi mo‑metema gheebho, bhataacha ghokumi bhatooribhu.

Mataayo 28:19

Mbe, mughëndë kwo bhaato bha matöngö ghoose na kobhaköra kubha abhaanabheegha bhaane. Mobhakörë bhabhe abhaanabheegha bhaane gho kobhabhatiisa, kwo riina re Taata, na re Moona na re Akörö Ahörëëru.

Obhohunyurëru 21:8

Amare abhatiini, na bhano bhataakorekumi Eryobha, na bhano bhakorikarari Eryobha, na abhiiti, na abhataari, na abhaturutumbi, na abhasëngëri bha misambu, na abharöngö, bhayo bhoose ahaghiro haabho n‑anyancha e mororo muhaari chwee. Na ruyo niro oroko ro kabhere.”

Amaköri gha Bhatomu 13:39

Gho kohetera iwe, omooto woose uno akomokumi Yesu nakubhareru obhuhëënë. Angʼana ino tehikeriine gho ghughööta emeghiro ghe Musa.

Abharuumi 4:24

amare ngaandëkuru koru gho ghiri yiito bhoose. Amangʼana ghayo ngaghotobhoorera kubha torarekumi Eryobha rino remoryokiri Yesu Omutëmi wiito koru mo‑bhaku, niho koru itu tokubhareru kubha bhano toonyi no obhuhëënë ambërë e Ryobha.

2 Abhatesaronike 2:12

Niho bhoose bhano bhataaghokumi obhuhëënë, na ghuchömëru na amasari, mbaghoteneru ekiina.

2 Abhatesaronike 1:8

Yesu niwe akobharööna bhoose bhano bhakoryanga Eryobha na bhano bhataaghosooka Angʼana yaache Anchömu.

Amaköri gha Bhatomu 13:46

Koru hangʼu, Bhawuro na Bharinaabha bhakabhagharokeri Abhayahuuti bhayo kwo bhosubhesubhe bharabhugha, “Angʼana e Ryobha ꞉yëëndiiru imënyu ghokoonyu inyu Abhayahuuti singa. Amare mumööhërëri! Gho kubha moyaangiri, na motirooche kubha mokurëngʼaanera obhuhöru bho miishe ghyose, ntokobhatigha na ghwigharurera abhaato bha matöngö.

Abharuumi 3:6

Tiyaanyi! Nengabheere hangʼu, nibhu Eryobha rengabheere no obhuhëënë bho ghotenera ekiina abhaato bha mo‑se ino?