Maariko 16:12 - Eriiraghano Eriihë

¹² Orosiko ruyo ruyo, Yesu akabharwera bhabhere ghate e bhaanabheegha bhaache. Abhaanabheegha bhayo mbaare mo‑nchëra, bharaghe mo‑meghondo. Bhataatoriri komumënya, gho kubha naare ne eghisösö ekende.

Maariko 16:12 Referans Kwoze

Yohana 21:14

Iyo neere mara e ghatato Yesu kobharwera abhaanabheegha bhaache, korwera hano Eryobha remoryokiri koru mo‑bhaku.

Yohana 21:1

Hano ghayo ghahetiri, Yesu akabharwera wiiki abhaanabheegha bhaache rubhareka ro nyancha e Tibheeriya.

Maariko 16:14

Antenero, Yesu ˆakabharwera abhaanabheegha bhaache ikomi na umwa, hano bhaare haghirohamu, bhararaaghëra. Akabhahiinya gho ghiri e bhuköngʼu bho metema gheebho, gho kubha ꞉mbaangiri ghoghakumi amangʼana gha bhaghëndi bhaabho bhano bhamorooche Yesu hano ꞉aryokiibhu mo‑bhaku.

Ruuka 9:29

Hano ahikiri mo‑gheghoro, aghasëëma ghusabha Eryobha. Hano are arasabha, eghisösö ke bhosho bhooche gheghiigharura. Amaghööti ghaache, ghaakabha meero chayi, ghararëngaari chwee.

Amaköri gha Bhatomu 1:3

Kwo riibhagha re chaasiko miröngö ene achekumara koryoka, akabha ariyëërëkani kwo bhatomu bhaache mara kaaru, kubha bhakumi iwe m‑muhöru. Wiiki akabha arabheeghi amangʼana ighoro e bhutëmi bho Ryobha.