Maariko 13:11 - Eriiraghano Eriihë

¹¹ Hano abhaato bhayo bhakobhaghööta na kobhahira mo‑mabharacha na ghoteneru ekiina, motiinyaaki ighoro e ghano moghosiikëra. Mosiikërë ryoryose rino mokuhaabhu ne Eryobha eriibhagha riyo riyo. Taanyi inyu abheene moghosiikëra, amare n‑Akörö Ahörëëru ino enyi moose yaanyu niyo eghosiikëra.

Maariko 13:11 Referans Kwoze

Amaköri gha Bhatomu 6:10

amare bhataatoriri komokinda gho kubha naare na amangʼiini kwo bhotoro bho Körö Ahörëëru ino ꞉emukangatiri hano are arasiikëra.

1 Bheetero 1:12

Eryobha ndebhahunyuriire abharööti bhayo kubha, amangʼana ghano ꞉bhaare bhararööta, ghataare ghaghaabho abheene, amare n‑gho ghiri yaanyu. Amangʼana ghano ꞉bhaabhughiri, nigho muraghaniiru na abhaato bhano bhabharëëtiire Angʼana Anchömu ighoro e Yesu Kirisito kwo bhotoro bho Akörö Ahörëëru ino etomuru koru Mwishaaro. Amangʼana ghayo, koru bhamarayika mbaghwighomba chwee ghoghamënya.

1 Abhakorinto 2:13

Wiiki totaaghosiikëra amangʼana ghano tweghuru na amangʼiini gha bhaato, amare ntoghosiikëra ghano tweghuru na Akörö e Ryobha. Ntokobhabhoorera amangʼana gha Körö e Ryobha abhaato bhano bhaanyi na Akörö iyo.

Yakobho 1:5

Amare uno aghosuuheru na amangʼiini, nakwëndëru arisabhe Eryobha naryo ndekomuha, gho kubha ndehaabhaha abhaato bhoose, kwo bhosiighi, koru iryo retaanyi na anyaanyi.

Abhaebheeso 3:5

Ekebhisere kiyo retaabhamënyiri abhaato bha kare, amare ibheere ndebhahunyuriire abhatööbhiyu bhaache abhatomu na abharööti gho nchëra e Körö yaache.

Amaköri gha Bhatomu 4:31

Hano bhamariri ghusabha Eryobha, anyumba ino ꞉bhaare bhatëmëëraniire‑mu eghasingisu. Bhoose bhayo bhaghiichoribhu Akörö Ahörëëru, bhaghasëëma kweghi abhaato angʼana e Ryobha kwo bhosubhesubhe.

Amaköri gha Bhatomu 2:4

Abhaato bhayo bhoose bhaghiichoribhu Akörö Ahörëëru, bhaghasëëma ghosiikëra mo‑bhighambo haghare haghare, kinya bhuure Akörö Ahörëëru ꞉ëbhëërëkëriiri.

Amaköri gha Bhatomu 3:13

Eryobha re bhasookoro bhiito, Abhurahamu, Isaka, na Yakobho, ꞉ndeemoghongiri omutamishi waache Yesu. Wiiki Yesu niwe uno inyu momoruusiri ateneru ekiina aku! Koru hano Bhiraato ëndiri abhiighorere Yesu, ꞉mwaangiri,

Yohana 3:27

Yohana akabhagharokeri akabhugha, “Omooto taaghotora kubhöna egheghiro ghyokyose, aribha Eryobha retamoheere.

Maariko 13:9

“Amare inyu, mubhe miisho chwee. Abhaato mbakobhahira mo‑mabharacha na kobhatëma kobhe mo‑masinaghooghi ghaabho. Mbakobhahira mo‑bhakangati bha se na mo‑bhatëmi, gho kubha monsongʼaaniri eni. Riyo ndeekubha eriibhagha re ghughambera Angʼana Anchömu ghokoobho.

Mataayo 10:17

Mubhe miisho na abhaato, gho kubha mbakobhahira mo‑mabharacha, wiiki mbakobhatëma mo‑masinaghooghi ghaabho.

Amaköri gha Bhatomu 7:55

Eriibhagha riyo, Siteebhano akabha ichoriibhu Akörö Ahörëëru, akamööhi ighoro Mwishaaro, akarighi obhokumi obhokoro bho Ryobha, na Yesu imeeriire eribhaara re kwiro re Ryobha.

Amaköri gha Bhatomu 6:15

Abhaato bhoose bhano ꞉bhaare mo‑riibharacha riyo, bhakamoomeri amiisho Siteebhano, bhakarighi obhosho bhooche bhorarëngaari kinya bho marayika.

Maariko 13:12

“Kwo riibhagha riyo, omohiiri nakomwigharurani omohiiri waache na komuhaana mo‑mabhökö gha bhabhisa, kubha itu. Wiiki, omwibhori nakomuhaana omoona waache mo‑mabhökö gha bhabhisa kubha itu. Abhaana nabho mbakobhiigharurani abhiibhori bhaabho na ghughëri bhiitu.

Ruuka 21:12

“Amare, hano ghaakubha ghayo ghoose ghakeere kwiyërëkani, abhaato mbakobhaghööta na kobhahira mo‑masinaghooghi, na mbakobhabhöha mo‑maghërëcha, bharabhanyaaki. Wiiki mokohiru ambërë e bhatëmi na abhakangati, gho kubha inyu m‑bhaghëndi bhaane moonyi.