Maariko 13:10 - Eriiraghano Eriihë

¹⁰ Angʼana Anchömu nekwëndëru kuraghanu singa mo‑bhaato bha chaase choose.

Maariko 13:10 Referans Kwoze

Mataayo 24:14

Wiiki Angʼana Anchömu e bhutëmi bho Mwishaaro nekuraghanibhu mo‑matöngö ghoose kubha abhaato bhoose bhayimënyë. Kwo riibhagha riyo, niho antenero e se ekuucha.

Abhakorosaayi 1:23

Amare mokwëndëru kwëndërëra koyekumi Angʼana Anchömu, mubhe muköngʼiiri na kubha na changuru. Motiishereri ghotigha eriitëngʼërö rino ꞉moobhwine hano mooghwire Ngʼana Anchömu. Angʼana Anchömu iyo eni Bhawuro nibheere omutamishi waache, wiiki ꞉niiraghiinu mo‑bhaato bhoose bha hano mo‑se.

Obhohunyurëru 14:6

Nekamara, nekarighi marayika owonde arituumuka ghateghate e riighoro. Marayika uyo naare na Angʼana Anchömu e miishe ghyose e kuraghaneri abhaato bhano bhiikeere mo‑se, kwo bhaato bha chaase choose, na amatöngö ghoose, ne ebhighambo bhyose na abhahiiri bhoose mo‑se ingima.

Abhakorosaayi 1:6

Angʼana Anchömu ino ꞉ehikiri bhowaanyu, nisanchiri mo‑se ingima. Nekobhagharura abhaato kinya ꞉ebhagharwire inyu korwera orosiko runo ꞉mooghwire na kumënya aghareeya e Ryobha no obhuhëënë bho ghareeya yaache kebhuno enyi.

Abharuumi 10:18

Mbe, aribha hangʼu keenyi, tigha nebhoori eribhoori. Kana, Abhiisiraeri bhataamara kooghu angʼana iyo? M‑mahëënë kubha mbooghwire, gho kubha Amandëkö Amatööbhiyu ngakobhugha kubha, “Eriiraka reebho ndyoghwiru mo‑se yoose, na amangʼana ghaabho ngahikiri mbagha hano ase irëngiire.”

Maariko 16:15

Niho akabhabhoorera akabhugha, “Mughëndë mo‑se yoose, muraghani Angʼana Anchömu kwo bhaato bhoose.

Abharuumi 15:19

꞉Mbaaruturu koresooka, gho kubha kohetera ghokoone mbarooche changuru che Kirisito mo‑bhyërëkërëri ne ebhiraghe. ꞉Neetoriri ghoghaköra gho changuru che Körö e Ryobha. Gho ghayo, ꞉niinaariri ahaghiro hoose kuraghani Angʼana Anchömu ighoro e Kirisito, korwera mo‑moghya o Yerusareemu mbagha mo‑mukööwa o Iririiko.

Abharuumi 1:8

Nisëëmë gho kobhugha kubha, nekoriitabheri Eryobha kohetera kwo Yesu Kirisito, gho ghiri yaanyu bhoose, gho kubha amangʼana ighoro e bhokumi bhoonyu ngamënyuru mo‑se yoose.

Mataayo 12:41

Orosiko ro ghotena ekiina, abhaato bha moghya o Ninaawi mbakwimeerera haghirohamu na abhaato bha rwibhoro runo na kobhatenera ekiina. Neekubha hangʼu gho kubha, abhaato bha Ninaawi ꞉mbaatuukuuniire amasari ghaabho eriibhagha bhooghwire Yoona araraghani angʼana e Ryobha. Mutëghëërërë, hano haanyi no omokoro ghokera Yoona!