Maariko 12:12 - Eriiraghano Eriihë

¹² Abhakoro bha bhachaama, na abheeghi bha meghiro na abhagharuka bha Bhayahuuti bhakamënya kubha eghetuubhaani kiyo, nibho gheghosiikërëra. Niho bhakëënda komughööta, amare bhaghatiina erikinda re bhaato, bhakamotigha, bhaghatanura.

Maariko 12:12 Referans Kwoze

Maariko 11:18

Hano abhakoro bha bhachaama na abheeghi bha meghiro bhooghwire ghayo, bhaghasëëma ghutabhara anchëra e komwita, gho kubha, mbaare bharamotiina, abhaato bhoose mbaare bhararoghooru na ameeghi ghaache.

Yohana 7:44

Abhamu ꞉mbëëndiri komughööta, amare taare‑ho omooto uno asakiri komughööta.

Yohana 7:30

Niho bhaghatabhara komughööta, amare taare‑ho omooto uno atoriri komughööta, gho kubha eriibhagha reeche ndeere rekeere kohika.

Yohana 7:25

Mbe, abhaato abhande bha Yerusareemu bhaakabha bharabhoorani bharabhugha, “Kana, omooto uno taanyi uno abhakangati bhaghutabhara komwita?

Maariko 11:32

Amare, torabhugha kubha, ‘꞉Mbooruure mo‑bhaato,’ abhaato mbaghotukararera.” Mbaare bharatiina erikinda re bhaato bhano, gho kubha bhoose mbaanyi no obhuhëënë kubha Yohana m‑murööti are.

Mataayo 22:22

Hano bhooghwire amagharokeri gha Yesu, bhakaroghoora chwee. Niho bhakamotigha hayo, bhaghatanura.

Ruuka 20:19

Abheeghi bhayo bha meghiro na abhakoro bha bhachaama, bhakamënya kubha eghetuubhaani kino n‑ghekeebho keere. Ibheere bhakëënda komughööta hayo hayo, amare bhaghatiina obhoyo bho bhaato.

Ruuka 20:6

Wiiki toragharokeri kubha ꞉mbooruure mo‑bhaato, abhaato bhano bhoose mbaghoturasa amabhohe, gho kubha mbaanyi no obhuhëënë kubha Yohana m‑murööti are.”

Mataayo 21:26

Wiiki, aribha toragharokeri kubha ꞉mbooruure mo‑bhaato, ntoghotiina erikinda re bhaato bhano, gho kubha bhoose mbaanyi no obhuhëënë kubha Yohana m‑murööti are.”