Maariko 12:11 - Eriiraghano Eriihë

¹¹ Omutëmi Waryobha niwe aköriri riyo, naryo n‑de koroghoori ghokwito.’”

Maariko 12:11 Referans Kwoze

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

Abhakorosaayi 1:27

Bhayo nibho Eryobha ꞉reesiighiri kobhahunyurera ekebhisere kiyo ghe koroghoori kino riköriri gho ghiri e bhaato bha matöngö. Angʼana iyo e kebhisere n‑kubha, Kirisito naanyi moose yaanyu, wiiki niwe akobhaha amiitëngʼërö kubha moghusanga obhokumi obhokoro bho Ryobha.

Amaköri gha Bhatomu 2:12

Abhaato bhoose bhakaroghoora na kuhagha chwee, bhakabhoorani bharabhugha, “Naho ino n‑ngʼana ke?”

Mataayo 21:42

Niho Yesu akabhabhoorera wiiki akabhugha, “Kana, motaamara musöma ghano ghaandëkuru mo‑Mandëkö Amatööbhiyu? Ngaandëkuru kubha, ‘Eriibhohe rino abhaabhëki ꞉bhaangiri, niryo ribheere eriibhohe ikoro re bhoroso. Omutëmi Waryobha niwe aköriri riyo, naryo n‑de koroghoori ghokwito.’