Maariko 12:10 - Eriiraghano Eriihë

¹⁰ Kana, motaamara musöma Amandëkö Amatööbhiyu ghano? ‘Eriibhohe rino abhaabhëki ꞉bhaangiri, niryo ribheere eriibhohe ikoro re bhoroso.

Maariko 12:10 Referans Kwoze

Mataayo 21:42

Niho Yesu akabhabhoorera wiiki akabhugha, “Kana, motaamara musöma ghano ghaandëkuru mo‑Mandëkö Amatööbhiyu? Ngaandëkuru kubha, ‘Eriibhohe rino abhaabhëki ꞉bhaangiri, niryo ribheere eriibhohe ikoro re bhoroso. Omutëmi Waryobha niwe aköriri riyo, naryo n‑de koroghoori ghokwito.’

Abharuumi 9:33

kinya bhuno Eryobha ꞉reebhughiri mo‑Mandëkö Amatööbhiyu kubha, “Mööhi, netooriri eriibhohe Sayuuni. Eriibhohe riyo niryo reghughëri abhaato bhariituuratuura, na abhaato abhabhe bharagho. Amare omooto wowoose uno akomokumi uyo anyi eriibhohe riyo, taaghosookibhu!”

Maariko 2:25

Yesu akabhagharokeri akabhugha, “Kana, motaasömiri mo‑Mandëkö Amatööbhiyu bhuno omutëmi Tawuti ꞉aköriri, eriibhagha are na anchëra iwe na abhaghëndi?

Mataayo 21:16

Bhakamobhoori Yesu bhakabhugha, “Kana, nokooghu bhuno abhaana bhano bhakobhugha?” Yesu akabhagharokeri akabhugha, “Nyoghwire. Kana motaamara musöma amangʼana ghano ghaandëkuru mo‑Mandëkö Amatööbhiyu kubha, ‘Mo‑menu ghe bhaana abhasuuhu ne ebhengʼwerere, nimu muyo asëëmiiri aghongo’?”

Mataayo 19:4

Yesu akabhagharokeri akabhugha, “Kana, mokeere motaamara musöma mo‑Mandëkö Amatööbhiyu kubha korwera simoka, ‘Eryobha ꞉ndeebhabhombiri omosubhe no omukari?’

Ruuka 6:3

Yesu akabhagharokeri akabhugha, “Kana, motaasömiri mo‑Mandëkö Amatööbhiyu bhuno omutëmi Tawuti ꞉aköriri, eriibhagha are na anchëra iwe na abhaghëndi?

Maariko 13:14

“Kwo riibhagha riyo mokorighi ‘egheghiro kino kehaaghonchi na ghusari,’ kimeeriire Ahaghiro Ahatööbhiyu mo‑Risëngërö re Ryobha, hano ghetaakwëndëru kubha‑ho. Omooto wowoose uno aghusöma amangʼana ghano, amënyë kebhuno ghakobhugha. Hayo niho abhaato bhano bhaanyi Yuteya, bhangʼösërë mo‑bheghoro!

Mataayo 22:31

Amare, mahëënë abhaku mbakoryoka. Mbe, motaamara ghusöma kebhuno Eryobha ꞉reebhabhooriire? Rekabhabhoorera rekabhugha,

Mataayo 12:3

Yesu akabhagharokeri akabhugha, “Kana, motaasömiri mo‑Mandëkö Amatööbhiyu bhuno omutëmi Tawuti ꞉aköriri, eriibhagha are na anchëra iwe na abhaghëndi?

Maariko 12:26

Amare, mahëënë abhaku mbakoryoka. Mbe, motaamara ghusöma mo‑ghitabhu ke Musa, kebhuno Eryobha ꞉reebhughiri mo‑ghisaka kiire keere keraaka omororo? Eryobha ꞉ndeemobhooriire Musa rekabhugha, ‘Eni n‑Eryobha re Abhurahamu, na Isaka na Yakobho.’

Maariko 12:9

“Ibheere, omwene omoghondo uyo nibhu aghuköra? Nakuucha na kobhiita abharemi bhayo, no omoghondo uyo, nakobhaha abhande.