Maariko 10:21 - Eriiraghano Eriihë

²¹ Yesu akamumööhërëri, akamosiigha, akamobhoorera akabhugha, “Nosuuhiiru ne egheghiro kimu. Nooghi oghori ebheghiro bhyose bhino onyi nabhyo, chambiiri chino okubhöna obhahë abhahabhe. Gho ghuköra hangʼu, niho okubha na agharinga Mwishaaro. Oramara uche untambane.”

Maariko 10:21 Referans Kwoze

Obhohunyurëru 2:4

Amare neenyi na angʼana imu ino ekunyaaki ighoro yaanyu. Motighiri obhosiighi bhoonyu o bhumbërë.

Ruuka 10:42

Amare neenyi‑ho angʼana imu hangʼu ino ekwëndëru, wiiki n‑e hëënë ghokera ghoose. Mariyamu niyo ahwire, ghutëghëërëra angʼana yaane ino omooto wowoose ataaghotora komuhöka.”

Yakobho 2:10

Omooto arasooka emeghiro ghyose, amare ataasi omoghiro umu, nakubharu kubha nataasiri ghyose.

Amaköri gha Bhatomu 2:45

Mbaare bharaghori ebheghiro bheebho na chambiiri chino ꞉bhaare bharabhöna, bhaghachihööha, kurëngʼaana na amënda gha mooto woose.

Ruuka 18:22

Hano Yesu oghwire ghayo, akamobhoorera akabhugha, “Okeere nokwëndëru ghuköra angʼana imu. Nooghi obheghori ebheghiro bheecho bhyose bhino onyi nabhyo, chambiiri chino okubhöna, obhahë abhahabhe. Gho ghuköra hangʼu, niho okubha na agharinga Mwishaaro. Oramara uche, untambane.”

Mataayo 16:24

Niho Yesu akabhabhoorera abhaanabheegha bhaache akabhugha, “Omooto wowoose uno akwënda ghuntambana, nakwëndëru iyange omwene, aghëghë omusarabha waache, antambane.

Obhohunyurëru 2:20

Amare neenyi na angʼana imu ino ekunyaaki ighoro yaanyu. Inyu motaaghoghanga amangʼana gha mukari wuure Yesebheeri. Iwe nakwibherekera kubha m‑murööti, amare tiyaanyi. Mokomwisherereri angʼiine abhatamishi bhaane gho kobheeghi bhakörë obhutaari, na kurë ebhiinyakurë bhino ꞉bhiihëriinu amaruusi gho sanaamu.

Obhohunyurëru 2:14

Amare moonyi na amangʼana marëngʼaaneru ghano ghakunyaaki ighoro yaanyu. Ghate yaanyu, abhande mbaghutambana ameeghi gha Bharaamu. Bharaamu uyo ꞉neeghiri Bharaki ghutëgha Abhiisiraeri kubha bhakörë amasari gha kurë ebhiinyakurë bhino ꞉bhiihëriinu amaruusi gho sanaamu, na ghuköra obhutaari.

Abheebhuraaniya 10:34

Wiiki moore morabharigheri changori abhaghëndi bhaanyu bhano ꞉bhaare bhabhöhuru mwighërëcha. Wiiki hano ꞉bhaare bharabhahöka obhwame bhoonyu, moore morachömëru mo‑metema gheenyu gho kubha moore mweche kubha moonyi ne ebheghiro bhyaru bhichömu chwee bhino bhetaaghosira naabha.

Ruuka 12:33

Mbe, moghori ebheghiro bheenyu, mobhahë abhahabhe. Mwitoorere amaghöchi ghano ghataaghokunguha, mubhe na agharinga ino etaaghosuuha Mwishaaro, hano omwibhi ataakohika, koru ebhebhongi bhetaakobhongi.

Maariko 8:34

Akabherekera erikinda re bhaato haghirohamu na abhaanabheegha bhaache, akabhabhoorera akabhugha, “Omooto wowoose uno akwënda ghuntambana, nakwëndëru iyange omwene, aghëghë omusarabha waache, antambane.

Ruuka 19:41

Hano Yesu atingʼiri omoghya o Yerusareemu, akaworighi aghasëëma koworerera.

Ruuka 9:23

Akamara, Yesu akabhabhoorera bhoose kubha, “Omooto wowoose uno akwënda ghuntambana, nakwëndëru iyange omwene, aghëghë omusarabha waache chaasiko choose, antambane.

Mataayo 19:21

Yesu akamobhoorera akabhugha, “Aribha okwënda kubha omuhëënë, nooghi oghori ebheghiro bhyose bhino onyi nabhyo, chambiiri chiyo okubhöna, obhahë abhahabhe. Gho ghuköra hangʼu, niho okubha na agharinga Mwishaaro. Oramara uche, untambane.”

2 Abhakorinto 12:15

Neghuchömëru koruusi ebheghiro bheene na kwiruusi eni mwene kobhatoori inyu. Amare ibheere nekorighibhu kubha, hano nekwëngëra kobhasiigha, niho inyu moghosuuhi obhosiighi bhoonyu ghokoone.

Yohana 16:33

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

Yohana 12:26

Omooto wowoose uno akwënda kuuhökëri eni, nekwëndëru antambane. Wiiki hohoose hano neekubha, hayo niho no omutamishi waane akubha. Taata nakomosooka omooto wowoose uno akuuhökëri eni.

Ruuka 16:9

Eni ˆnekabhabhoorera, muhökëri ebheghiro bheenyu mo‑se ino mwibhönërë abhasaani mo‑bhutëmi bho Ryobha, kubha eriibhagha moghosireru ebheghiro, bhabhaghënëhi mo‑bhwikari bho miishe ghyose.”

2 Timotewo 3:12

Mbe, bhoose bhano bhakomokumi Kirisito Yesu na mbakwënda kumanya eriimanya re korisëngëra Eryobha, mbaakubha bharanyaakibhu.

Maariko 10:22

Amare, hano oghwire hangʼu, akabha na amacheeche chwee mo‑körö. Aghatanura anyi na amacheeche, gho kubha naare no obhwame bhwaru chwee.