Maariko 10:2 - Eriiraghano Eriihë

² Orosiko rumu, Amabharisaayo bhakaacha komusaki. Bhakamobhoori bhakabhugha, “Kana, omosubhe naghwisherereru ghutaana no omukari waache?”

Maariko 10:2 Referans Kwoze

Yohana 8:6

Ibho ꞉mbaabhughiri hangʼu gho komusaki, kubha bhabhönë eghitaamereri ghe komusëma. Amare Yesu akiihiinya, akaandëka ne ekyara keeche haase mwiröbhë.

Mataayo 23:13

“Horeera mokorighi, inyu abheeghi bha meghiro na niinyu Amabharisaayo, inyu chaghughuuti, gho kubha mokobharëki abhaato ghusöha mo‑bhutëmi bho Mwishaaro gho nchëra e meeghi ghaanyu. Amare inyu bheene motaaghusöha‑mu, wiiki motaakobhiisherereri abhaato abhande bhano bhakwënda ghusöha, bhasöhë. [

1 Abhakorinto 10:9

Wiiki totabha toramusaki Omutëmi, kinya bhuno abhande ghate yaabho ꞉bhaaköriri, bhakaromu na chanchöka, bhaaghaku.

Yohana 11:57

Abhakoro bha bhachaama na Amabharisaayo mbaare bhahatëkiri kubha, omooto wowoose uno eche hano Yesu anyi, arëëtë amangʼana kubha bhamughöötë.

Yohana 11:47

Mbe, abhakoro bha bhachaama na Amabharisaayo bhakabherekera ekiina ke riibharacha eriikoro bhakabhoorani bharabhugha, “Tukörë bhu? Omooto uno naghuköra ebhyërëkërëri bhyaru.

Yohana 7:48

Kana, naanyi‑ho omukangati wowoose wuure hamu Omubharisaayo umu uno amokumiri?

Yohana 7:32

Amabharisaayo bhakooghu erikinda re bhaato bharingʼunyera ighoro yaache, ibho haghirohamu na abhakoro bha bhachaama bhakabhatoma abhaashirikare kubha bhamughöötë Yesu.

Ruuka 16:14

Amabharisaayo, hano bhooghwire amangʼana ghayo gha Yesu, bhaghasëëma komusëka gho ghitaraaho, gho kubha mbaare bhasiighiri chwee chambiiri.

Ruuka 11:39

Amare, Omutëmi akamobhoorera akabhugha, “Inyu Amabharisaayo na abheeghi bha meghiro, moheeghi eghisënchö ne ekehoncho gho nche. Amare moose e metema gheenyu, ngiichwire obhunyangara na amabhe.

Ruuka 7:30

Amare Amabharisaayo na abheeghi bha meghiro, ibho bhakaanga ghano Eryobha rëbhëëndiire, gho kubha ꞉mbaangiri kubhatiisu na Yohana.

Ruuka 6:7

Mbe, Amabharisaayo na abheeghi bha meghiro, mbaare bharatëngëra bharighi Yesu, aribha akomuhöri omooto uyo orosiko ro Riikane. Mbaare bharatabhara angʼana e komusëmëra.

Ruuka 5:30

Eghaghëri Amabharisaayo na abheeghi bhaabho bha meghiro ghe Musa, bhakabhingʼunyerangʼunyera abhaanabheegha bha Yesu, bharabhugha, “Kana mokuraaghëra na kunyo haghirohamu na abhatöbhi bha righööti, na abhaköri bha masari?”

Maariko 8:15

Yesu akabhashaangʼi akabhugha, “Mubhe amiisho no obhotondoru bho Mabharisaayo na bho mutëmi Herote Antibha.”

Maariko 8:11

Eriibhagha Yesu na abhaanabheegha bhaache bhahikiri Tarumanuta, Amabharisaayo bhakaacha o‑Yesu. Bhaghasëëma ghoshangʼaana nawe kubha bhamutëghë. Mbaare bharamusabha abhëërëki ekyërëkërëri ghe kwërëki kubha ꞉naaruure kwo Waryobha.

Mataayo 22:35

Umu o Amabharisaayo bhayo uno are omweghi o meghiro, aghasaki komutëgha Yesu, akamobhoori akabhugha,

Mataayo 19:3

Niho Amabharisaayo nyarebhe bhakamutambana Yesu, bhakamusaki bharabhugha, “Kana, emeghiro ghe Musa ngeghwishereri omosubhe komotigha omukari waache gho ghiri yoyoose yiire?”

Mataayo 16:1

Niho Amabharisaayo na Amasatukaayo nyarebhe bhakamutambana Yesu, bhakamusaki kubha, ntokwënda ukörë ekiraghe kwërëki kubha noruure kwo Waryobha.

Mataayo 15:12

Niho abhaanabheegha bhaaghaye o‑Yesu, bhakamobhoori bhakabhugha, “Weeche kubha Amabharisaayo eriibhagha bhooghwire amangʼana ghaare ꞉obhughiri, ꞉mbaakariire chwee?”

Mataayo 9:34

Amare Amabharisaayo bhakabhugha, “Mööhi, nakuhëëbha emisambu kwo bhotoro bho mokoro o misambu!”

Maariko 10:1

Niho Yesu na abhaanabheegha bhaache bhaghatanura iyo Kabherenawumu, bhaaghaye mo‑mukööwa o Yuteya. Bhakaheta na ghutëënya amwambuko e rooche ro Yorotaani. Amakinda maaru gha bhaato ghaakabha gharamwikomanera wiiki, na naare arabheeghi kinya bhuno are anariri.

Maariko 10:3

Yesu akabhagharokeri akabhugha, “Musa ꞉naabharagheriiri emeghiro ke?”