Maariko 1:24 - Eriiraghano Eriihë

²⁴ arabhugha, “Iye Yesu o Nasareeti, neke okwënda ghokwito! Kana, wichiri ghotosireekereri? Nekweche niiye we, iye n‑Omutööbhiyu o Ryobha onyi.”

Maariko 1:24 Referans Kwoze

Mataayo 8:29

Mbe, ghaghaköra eriireghe gharabhugha, “Oo Omoona o Ryobha, neke okwënda ghokwito? Kana, wichiri hano ghotunyaaki eriibhagha riito rekeere?”

Yakobho 2:19

Kana iye nookumiri kubha ndeenyi‑ho Eryobha rimu? Hangʼu keenyi! Nuköriri bhoheene! Koru emisambu ghyose, ngeghokumi na ghosingisa kwo bhotiini!

Ruuka 4:34

“Oo Yesu o Nasareeti, neke okwënda ghokwito! Kana, wichiri ghotosireekereri? Nekweche niiye we, iye n‑Omutööbhiyu o Ryobha onyi!”

Amaköri gha Bhatomu 3:14

mokamusabha Bhiraato kubha, omwiti ighoreru, amare Yesu aku. Mokamwanga Yesu Omutööbhiyu o Ryobha, uno niwe omwene chiri omuhëënë ambërë e Ryobha.

Obhohunyurëru 3:7

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Bhirateribhiya, no omobhoorere obhughe, ‘Eni neeni Omutööbhiyu uno neenyi o muhëënë. Wiiki eni neenyi no orohunguro ro bhukangati ro mutëmi Tawuti. Neriighara orwighe, taanyi‑ho owonde uno aghotora ghwighora. Neriighora, taanyi‑ho owonde uno aghotora ghwighara.

Amaköri gha Bhatomu 2:27

gho kubha iye Omutëmi Waryobha tooghontigha nyaari, tooghwishereri kubha omobhere waane obhushere iyo, eni Omutööbhiyu waacho.

Ruuka 8:28

Hano amorooche Yesu, aghaköra eriireghe, akiirëkëra haase ambërë yaache, aghasiikëra kwo riiraka ikoro akabhugha, “Neke okwënda ghokoone, iye Yesu Omoona o Ryobha Omokoro o Bhyose? Neghusabha otaanyaaki.”

Maariko 5:7

Aghaköra eriireghe kwo riiraka ikoro arabhugha, “Neke okwënda ghokoone, iye Yesu Omoona o Ryobha Omokoro o Bhyose? ˆNeghakoriishi ariingʼa kwo riina re Ryobha, otanyaaki!”

Yohana 6:69

Itu ntoghokumi, wiiki ntweche kubha iye n‑Omutööbhiyu koru kwo Ryobha.”

Ruuka 1:35

Akamugharokeri akabhugha, “Akörö Ahörëëru neghoghwikera, no obhotoro bho Ryobha Omokoro o Bhyose, mbookubha ighoro yaacho ghe kiriiri. Omoona uyo okwibhora, naakubha omwahöru, naakubha arabherekeru Omoona o Ryobha.

Amaköri gha Bhatomu 24:5

“Ntorooche kubha, omooto uno m‑mobhe chwee, gho kubha nakobhaseeghereri Abhayahuuti mo‑chaase choose, na ghuköra anyööri ghate yaabho. Haghirohamu na ghayo, iwe m‑mokoro o tiini e bhuröngö e Bhanasareeti.

Amaköri gha Bhatomu 4:27

“M‑mahëënë kubha, omutëmi Herote Antibha na Bhontiyo Bhiraato, ꞉mbaatëmëëriine haghirohamu na abhaato bha matöngö na Abhiisiraeri, mo‑moghya o Yerusareemu kubha bhamwange Yesu, omutamishi waacho Omutööbhiyu uno ꞉omwahwire kubha Kirisito.

Ruuka 24:19

Yesu woose akabhoori akabhugha, “Mangʼana ke ghayo?” Bhakamugharokeri bhakabhugha, “Itu ntoghosiikëra ighoro e ghano ꞉ghaakörëkiine o‑Yesu o Nasareeti. Eryobha na abhaato bhoose ꞉mbaarooche kubha, iwe m‑murööti are, wiiki naare no obhotoro bho ghuköra na ghosiikëra.

Mataayo 2:23

Bhakahika na kumanya mo‑moghya o Nasareeti. Niho ꞉ehikeriine angʼana ino ighamburu ighoro e Yesu gho kohetera abharööti, kubha, “Nakobherekeru Omunasareeti.”

Ruuka 8:37

Abhaato bhoose bha mo‑se e Bhagheraasi, bhaghaghöötu no obhotiini chwee. Bhakamusabha Yesu kubha aru hayo mo‑se yaabho. Mbe, aghatiira obhwato ghugharuka Ghariraaya.

Maariko 1:23

Mo‑risinaghooghi reebho, naare‑mu omooto uno are no omusambu. Aghatiiri eriiraka,

Maariko 1:25

Yesu akawohiinya omusambu uyo akabhugha, “Okiri omonu waacho! Omoru omooto uno!”

Maariko 10:47

Hano oghwire kubha Yesu o Nasareeti niwe akoheta hayo, aghasëëma ghotiiri amaraka ghaache arabhugha, “Yesu, Omoona o Tawuti, ondigheri changori!”

Maariko 14:67

Akamorighi Bheetero araata omororo, akamoomeri amiisho. Akamobhoorera akabhugha, “Na niiye noore haghirohamu no Omunasareeti uyo, Yesu.”

Maariko 16:6

Niho akabhabhoorera akabhugha, “Motaroghoora. Nyeeche kubha mokomutabhara Yesu o Nasareeti, uno ꞉bhaamumambiri mo‑musarabha. Naryokiibhu, taanyi hano! Mumööhi hano niho bhaare bhamuraariri.

1 Yohana 2:20

Amare inyu, Omutööbhiyu Yesu nabhaheere Akörö yaache, ibheere inyu bhoose mweche obhuhëënë.