Maariko 1:19 - Eriiraghano Eriihë

¹⁹ Hano Yesu are haghirohamu na abhaanabheegha bhaache bhaare bhabhere, aghiishuka ambërë hasuuhu, akarighi Yakobho no omonyi waache Yohana, bhërëëti bha Sebhetaayo, bhaanyi mo‑bhwato bhoobho bharaköra charwërö cheebho.

Maariko 1:19 Referans Kwoze

Amaköri gha Bhatomu 12:2

Akahatëka kubha, Yakobho ömööbhö Yohana itu gho kinyamiino.

Amaköri gha Bhatomu 1:13

Bhaghasöha mo‑moghya, bhaaghaye bhaghatiira mo‑kenyumba ki irëngö kino ꞉bhaare bhariikara abhatomu bhayo. Abhatomu bhayo nibho bhano, Bheetero, na Yohana, na Yakobho, na Andereya, na Bhiiribho, na Tomaso, na Bhatoromaayo, na Mataayo, na Yakobho mwërëëti o Arubhaayo, na Simiyooni uno are o mo‑bhoyo bho Bhasërötë, na Yuuta mwërëëti o Yakobho.

Maariko 14:33

Akabhiimoki Bheetero, na Yakobho na Yohana, aghaye nabho kurë hasuuhu, aghasëëma kubha na amacheeche chwee na kunyaaka mo‑körö.

Maariko 10:35

Mbe, Yakobho na Yohana, bhërëëti bha Sebhetaayo, bhakamwishukerera Yesu bhakamobhoorera bhakabhugha, “Omweghi, ntoghusabha otukörërë ghyokyose kino toghoghusabha.”

Maariko 9:2

Hano chehetiri chaasiko ishaasabhe, Yesu akabhiimoki Bheetero, na Yakobho, na Yohana, aghatiira nabho mo‑gheghoro kire, ahaghiro hano abhaato bhataanyi. Hano bhaare iyo, Yesu aghiigharura eghisösö keeche ambërë yaabho.

Maariko 5:37

Yesu akabharëki abhaato abhande kubha bhataghöötana nawe. Aghaye na Bheetero, na Yakobho na Yohana ömööbhö Yakobho.

Maariko 3:17

Yakobho na Yohana bhërëëti bha Sebhetaayo, bhano abhaheere eriina re Bhowanerighe, egheteemoro keeche Abhaana bha Kerumo,

Mataayo 4:21

Hano Yesu aghëndiri ghuye ambërë hasuuhu, akabharighi abhaato abhande bhabhere, bhërëëti bha Sebhetaayo Yakobho na Yohana. Bhayo bhabhere mbaare mo‑bhwato haghirohamu na Sebhetaayo ishe waabho, mbaare bharaköra charwërö cheebho. Yesu akabhabherekera.

Maariko 1:18

Hayo hayo, bhaghatigha charwërö cheebho, bhakamutambana Yesu.

Maariko 1:20

Eriibhagha riyo riyo, akabhabhoorera kubha bhamutambane, bhabhe abhaanabheegha bhaache. Bhakamotigha ishe haghirohamu na abhahöki bhaache bha meremo mo‑bhwato, bhakamutambana Yesu.

Yohana 21:2

Mbaare‑ho Simiyooni Bheetero, Tomaso uno eriina reeche erende n‑Eghisare, Natanaheri uno aruure Kana e Ghariraaya, abhaana bhabhere bha Sebhetaayo, na abhaanabheegha bhaache abhande bhabhere mbaare haghirohamu.