Maariko 1:14 - Eriiraghano Eriihë

¹⁴ Hano chehetiri chaasiko chaaru, Yohana akabhöhu mwighërëcha. Eriibhagha are mwighërëcha, Yesu aghaye mo‑mukööwa o Ghariraaya, ino araraghani Angʼana Anchömu e Ryobha.

Maariko 1:14 Referans Kwoze

Mataayo 4:23

Yesu ꞉niinaariri Ghariraaya yoose, areeghi mo‑masinaghooghi ghaabho, na kuraghani Angʼana Anchömu e bhutëmi bho Mwishaaro, na kobhahöri amabhabharu ghaabho ghoose.

Mataayo 4:12

Mbe, Yesu hano oghwire kubha Yohana Omubhatisaachi nabhöhuru mwighërëcha, aghaye mo‑mukööwa o Ghariraaya.

Abhaebheeso 2:17

Mbe, Kirisito ꞉niichiri akaraghani Angʼana Anchömu e murëmbë ghokoonyu inyu abhaato bha matöngö bhano moore kurë ne Eryobha, na kwo Bhayahuuti bhano ꞉bhaare haghuhe ne Eryobha.

Ruuka 8:1

Achekumara ghayo, Yesu akabha arahetera mo‑meghya na mo‑bhyaro. Naare araraghaneri abhaato bha se iyo yoose, Angʼana Anchömu e bhutëmi bho Ryobha. Naare haghirohamu na abhaanabheegha bhaache ikomi na bhabhere.

Amaköri gha Bhatomu 28:23

Niho bhaghiishererani na Bhawuro orosiko runo bhaghutëmëërana. Orosiko ruyo hano rohikiri, Abhayahuuti bhayo bhaghatëmëërana kwo bhwaru ghokera ekimbërë, mo‑nyumba ino are ariikara. Bhawuro akamara omwishe woose arabheeghi, na köbhëërëkërëri kwo bhuchömu ighoro e bhutëmi bho Ryobha. Mbe, gho kubha ꞉nëëndiri bhoose bhamokumi Yesu, eghaghëri abheeghi amangʼana ighoro e Yesu gho kohetera emeghiro ghe Musa, na mo‑bhitabhu bhe bharööti.

Mataayo 9:35

Mbe, Yesu naare araheta mo‑meghya ghyose na mo‑bhyaro. Hohoose hano ahetiri, ꞉naasöhiri mo‑masinaghooghi ghaabho, naare areeghi abhaato, na kuraghani Angʼana Anchömu e bhutëmi bho Mwishaaro na kuhöri amabhabharu ghoose gha manga maaru.

Amaköri gha Bhatomu 20:25

“Inyu bhoose, mweche neere neraheta ghate yaanyu neraraghani ighoro e bhutëmi bho Ryobha. Amare ibheere, nyeeche kubha, taanyi‑ho koru umu ghate yaanyu uno aghotora kondighi wiiki.

Mataayo 14:2

Mbe, akabhabhoorera abhatamishi bhaache akabhugha, “Uyo n‑Yohana Omubhatisaachi, naryokiri koru mo‑bhaku. Nikyo anyi no obhotoro bho ghuköra ebheroghooro.”

Ruuka 3:20

Niho, Herote akëëngëra amabhe ghaache ghoose, gho komubhöha Yohana mwighërëcha.

Mataayo 11:2

Eriibhagha riyo Yohana Omubhatisaachi are abhöhuru mwighërëcha. Hano oghwire ghano Kirisito are araköra, akabhatoma abhaanabheegha bhaache abhamu,

Mataayo 4:17

Korwera eriibhagha riyo, Yesu nasëëmiri kuraghani arabhugha, “Motuukuune amasari ghaanyu, gho kubha obhutëmi bho Mwishaaro ˆbhoghatingʼi.”

Abharuumi 1:1

Anyaarubha ino neyandëkiri eni Bhawuro, omutamishi o Kirisito Yesu. Eni nebherekiiru nibhe omotomu waache, nyahwiru ne Eryobha nibhe neraraghani Angʼana yaache Anchömu.