Bhiremooni 1:17 - Eriiraghano Eriihë

¹⁷ Ibheere mbe, aribha onyeche eni kubha neenyi no obhughöötani na niiye, omwishereri uyo kinya bhuure onganyiisheriiri eni omwene.

Bhiremooni 1:17 Referans Kwoze

2 Abhakorinto 8:23

Ibheere aribha omooto akwënda kumënya amangʼana gha Tiito, iwe m‑mughëndi waane, uno aghuköra emeremo haghirohamu na neeni gho ghiri e kobhasakeri inyu. Na aribha omooto akwënda kumënya amangʼana gha bhande bhano bhiichiri haghirohamu nawe, bhayo n‑abhahiiri bhiito, mbatomuru na amakanisa, bhoose mbakomoghongi Kirisito.

Mataayo 10:40

“Omooto wowoose uno akobhaghënëhi inyu, nangënëhiri na neeni. Wiiki, wowoose uno angënëhiri eni, namughënëhiri wuure antomiri eni.

Bhiremooni 1:12

Ibheere ˆnekamugharoki ghokoocho, iwe nemosiighiri kwo mukörö waane woose.

Yakobho 2:5

Abhahiiri bhaane abhasiighani, muntëghëërërë bhoheene! Eryobha ndebhahwire abhaato abhahabhe mo‑se ino kubha bhatore kubha abhaame mo‑bhokumi na ghosongʼaana obhutëmi bhuno rebharaghiire bhaare bharesiighiri.

Abheebhuraaniya 3:1

Gho ghayo, inyu abhakumi abhaghëndi bhaane, bhano Eryobha rebherekiire kubha abhaato bhaache, mwituuri ighoro e Yesu, uno anyi Omotomu o Ryobha wiiki n‑Omuchaama Omokoro uno tokomokumi.

Abhaebheeso 3:6

Ekebhisere ekyene nikyo kino, gho nchëra e ghokumi Angʼana Anchömu abhaato bha matöngö mbakubhöna aghabho haghirohamu na Abhayahuuti. Wiiki abhaato bhayo n‑kinya omobhere umu na Abhayahuuti, na mbaghusanga haghirohamu eriiraghano riire riire rino Eryobha ꞉riiköriri gho nchëra e Kirisito Yesu.

Amaköri gha Bhatomu 16:15

Niho akabhatiisu haghirohamu na abhaato bha mo‑ka yaache, aghatusasaama akabhugha, “Aribha mokarighi kubha eni woose hëënë nemokumiri Omutëmi, ˆnekabhaghënëhi awaane, mwikare.” Aghatuhënërëra chwee tooghaye.

Mataayo 25:40

Niho eni uno neenyi Omutëmi nekobhagharokeri nebhughe, ‘Mahëënë ˆnekabhabhoorera, ghyokyose kino muköriire umu mo‑bhakumi bhano bhakorighibhu bhataanyi no obhwëra, mbe, neeni muköriire.’

Mataayo 18:5

Wiiki, omooto wowoose uno akomughënëhi omoona omosuuhu kinya uno kwo riina reene, nangënëhiri eni.

1 Yohana 1:3

Ntokobharaghaneri angʼana ighoro e Yesu, uno ꞉toomorooche na komooghu, kubha mubhe no bhumu na niitu mo‑bhokumi. Obhumu bhuno tughöötë n‑haghirohamu na Taata Waryobha, no Omoona waache Yesu Kirisito.

1 Bheetero 5:1

Ibheere neghosiikëra na niinyu abhagharuka bha riikanisa. Eni n‑omugharuka mughëndi waanyu neenyi, na nerooche kwo miisho ghaane bhuno Kirisito anyaakiru. Wiiki, eni neghusanga na niinyu mo‑bhokumi obhokoro bhuno ˆbhoghatingʼi korighibhu. Gho ghayo ˆnekabhasasaama inyu,

Abheebhuraaniya 3:14

Gho ghayo ntoghughöötana na Kirisito, erabha tokwëndërëra komwitëngʼëra mbagha antenero e bhuhöru bhwito, kinya bhuno ꞉tuusëëmiri ghokumi.

Bhiremooni 1:10

Neenyi ne eriisabhi rimu ghokoocho ighoro e Oneesimo. Iwe n‑kinya omoona waane, na neeni n‑kinya ishe, gho kubha nemotooriri komokumi Yesu Kirisito eriibhagha neenyi mwighërëcha.

1 Timotewo 6:2

Aribha mbaanyi‑ho abhasësë bhano abhantomonkoro bhaabho n‑abhakumi abhaghëndi bhaabho, iyo etabha eghitaamereri ke bhasësë kobhataraaha. Mbakwëndëru kobhahökëri bhoheene na ghokera hayo, gho kubha mbaakubha bharabhatoori abhakumi abhaghëndi bhaabho, wiiki m‑bhasiighani bhaabho. Ghayo ogheeghi na ghoghatöngëra.

Abhabhiribhi 1:7

N‑kumangi niituuri hangʼu ighoro yaanyu, gho kubha moonyi mo‑motema waane. Musangiri aghareeya e Ryobha haghirohamu na neeni, erabha nibhöhuru hamu erabha nekwibhateri na koyihëënëhi Angʼana Anchömu.

Bhiremooni 1:18

Aribha Oneesimo aghutasiiri angʼana yoyoose yiire, hamu nokwënda akorehe egheghiro, ondehi eni.