Bhiremooni 1:16 - Eriiraghano Eriihë

¹⁶ Korwera ibheere, iwe taanyi kinya omusësë ghokoocho, amare iwe n‑ngʼoni ghokera omusësë. Iwe n‑kinya omohiiri omosiighani. Eni nemosiighiri chwee, iye nokomosiigha ghokera eni, kinya omusësë o mo‑nyumba yaacho, wiiki kinya omohiiri kwo Mutëmi Yesu.

Bhiremooni 1:16 Referans Kwoze

Abhakorosaayi 3:22

Inyu abhasësë, mubhe morabhasooka abhatëmi bhaanyu mo‑mangʼana ghoose hano mo‑se. Motaköra hangʼu hano bhaakubha bharabharighi okwene, ango mwiyëërëki kubha murëngʼaaniire ghokoobho, amare mobhasooke eriibhagha ryose gho körö imu, gho kubha, mokomosooka Omutëmi Yesu.

Mataayo 23:8

“Amare inyu motabha moriishereri bharabhabherekera bharabhugha, ‘Oo omweghi’, gho kubha moonyi no Omweghi umu hangʼu, inyu n‑abhaghëndi bhaache moonyi.

1 Timotewo 6:2

Aribha mbaanyi‑ho abhasësë bhano abhantomonkoro bhaabho n‑abhakumi abhaghëndi bhaabho, iyo etabha eghitaamereri ke bhasësë kobhataraaha. Mbakwëndëru kobhahökëri bhoheene na ghokera hayo, gho kubha mbaakubha bharabhatoori abhakumi abhaghëndi bhaabho, wiiki m‑bhasiighani bhaabho. Ghayo ogheeghi na ghoghatöngëra.

1 Abhakorinto 7:22

Nebhughiri kubha riyo retakunyaaki, gho kubha omooto uno are omusësë eriibhagha abherekiiru no Omutëmi, uyo naanyi huuru kwo Mutëmi. Nawe uno are huuru eriibhagha abherekiiru, uyo n‑omusësë o Kirisito.

Abheebhuraaniya 3:1

Gho ghayo, inyu abhakumi abhaghëndi bhaane, bhano Eryobha rebherekiire kubha abhaato bhaache, mwituuri ighoro e Yesu, uno anyi Omotomu o Ryobha wiiki n‑Omuchaama Omokoro uno tokomokumi.

Amaköri gha Bhatomu 9:17

Mbe, Ananiya aghaye, aghasöha mo‑nyumba iyo. Niho akamotoorera Sawuri amabhökö ighoro yaache, akamobhoorera, “Oo mohiiri waane Sawuri, Omutëmi nantomiri ghokoocho, kubha otore korighi wiiki na wiichöribhu Akörö Ahörëëru. Omutëmi uyo niwe Yesu uno akorweriire mo‑nchëra, eriibhagha ore oraacha hano.”

1 Yohana 5:1

Omooto wowoose uno aghokumi kubha Yesu n‑Kirisito, niwe omoona o Ryobha. Wowoose uno akomosiigha omwibhori, nakobhasiigha na abhaana bha mwibhori uyo.