Bhiremooni 1:10 - Eriiraghano Eriihë

¹⁰ Neenyi ne eriisabhi rimu ghokoocho ighoro e Oneesimo. Iwe n‑kinya omoona waane, na neeni n‑kinya ishe, gho kubha nemotooriri komokumi Yesu Kirisito eriibhagha neenyi mwighërëcha.

Bhiremooni 1:10 Referans Kwoze

Abhakorosaayi 4:9

Nakuucha haghirohamu na Oneesimo, mohiiri wiito omosiighani omuhëënë, uno n‑omooto o bhowaanyu. Mbakobhaha ghoose ghano ghaghuköru hano bhowiito.

1 Abhakorinto 4:15

Koru nangabha moonyi na abhaato bhaaru bhano bhakobharëra mo‑riimanya reenyu re Ghekirisito, iso n‑umu. Eni neeni iso gho Kirisito Yesu, gho kubha n‑eni ꞉neebharaghaniiri Angʼana Anchömu.

1 Timotewo 1:2

ˆNeghakwandëkëra iye Timotewo, omoona waane o muhëënë mo‑bhokumi. Neghokwëndëra ghareeya, ne ebheghongi no omurëmbë koru kwo Waryobha Taata na gho Kirisito Yesu, Omutëmi wiito, ghibhe haghirohamu na niiye.

Abhagharatiya 4:19

Abhaana bhaane, rino n‑eriibhagha erende wiiki ghokoone kooghu obhororo gho ghiri yaanyu, kinya bhuno obhosongo bhohaamure omukari uno anyi inda, eriibhagha re kwibhora. Nekwiyoghu hangʼu hangʼu, mbagha atëëmö e Kirisito erighibhu mo‑tëëmö yaanyu.

Tiito 1:4

ˆNeghakwandëkëra iye Tiito, omoona waane o muhëënë mo‑bhokumi bhuno tusangiri haghirohamu. Neghokwëndëra aghareeya no omurëmbë koru kwo Waryobha Taata na gho Kirisito Yesu Omotoori wiito, ghibhe haghirohamu na niiye.

Maariko 9:17

Omooto umu mo‑rikinda riire aghagharokeri akabhugha, “Omweghi, nemurëëtiri omoona waane ghokoocho. Naanyi no omusambu uno omuköriri abhe erimuumu.

Abharuumi 12:1

Ibheere abhahiiri bhaane, mweche kebhuno Eryobha reghotorigheri changori. Gho ghayo, ˆnekabhasasaama kubha, moruusi eriimanya reenyu kwo Waryobha. Mubhe kinya amaruusi ghano ghaanyi amahöru, na amatööbhiyu, ghano ghakoretegheri Eryobha. Ghuköra hangʼu, niyo anchëra e hëënë e korisëngëra.

1 Abhakorinto 4:14

Nteekobhaandëkëra amangʼana ghano kobhasooki, amare nekwënda kobhashaangʼi kinya abhaana bhaane abhasiighani.

Bhiremooni 1:11

Ekimbërë iwe taare arakurëngʼaanera, amare ibheere naghokurëngʼaanera iye na neeni woose.

Bhiremooni 1:13

Wiiki, nengasiighiri ikare na neeni, kubha abhönë omweya o ghunsakeri imeerere mo‑mweya waacho, eriibhagha neenyi mo‑riighërëcha gho ghiri e Ngʼana Anchömu.

3 Yohana 1:4

Ghetaanyi‑ho egheghiro kino gheghotegheri ghokera hano nekooghu kubha, abhaana bhaane mbakwëndërëra kumanya mo‑bhuhëënë.