Abheebhuraaniya 2:8 - Eriiraghano Eriihë

⁸ na kobhetoora ebheghiro bhyose haase e bhukangati bhooche.” Mbe, Eryobha ꞉ndeemotooriri omooto kubha abhe arakangata ebheghiro bhyose. Ghetaare‑ho egheghiro ghyokyose kino ghetakangaturu no omooto. Amare kwi ibheere totaakomorighi arakangata ebheghiro bhiyo bhyose.

Abheebhuraaniya 2:8 Referans Kwoze

Yohana 13:3

Yesu ꞉naamënyiri kubha Taata namoheere obhotoro bho kobhikangata ebheghiro bhyose. Wiiki ꞉naamënyiri kubha ꞉naaruure kwo Waryobha, na kubha naghugharuka wiiki kwo Waryobha.

1 Abhakorinto 15:27

Amandëkö Amatööbhiyu ngakobhugha kubha, “Eryobha ndetooriri ebheghiro bhyose haase e bhukangati bhooche.” Amangʼana ghayo, “ebheghiro bhyose,” taanyi kubha Eryobha ryose ndetooruru haase e bhukangati bhuyo. Tiyaanyi, gho kubha iryo niryo retooriri ebheghiro bhiyo haase e bhukangati bho Kirisito.

1 Bheetero 3:22

Iwe naghiire Mwishaaro, ni ibheere niikeere okubhökö gho kwiro kwo Waryobha, ahaghiro ha sooko chwee. Naghukangata bhamarayika, ne ebhetyenyi bhyose bhe bhotoro, na bhe changuru.

Obhohunyurëru 1:18

Eni neeni obhuhöru! Neere nekuure amare ibheere, umööhi, muhöru neenyi koru emiishe ne emiishe! Wiiki eni neenyi na chahunguru che roko na nyaari.

Abheebhuraaniya 1:13

Eryobha retaamobhooriire marayika ghyokyose kubha, “Wiikare eribhaara re kubhökö koone gho kwiro, mbagha neghukörë okinde abhabhisa bhaacho, na kobhakangata.”

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

Abheebhuraaniya 2:5

Ntweche kubha Eryobha retabhaheere bhamarayika bhaache obhotoro bho ghukangata ase ahë ino ekuucha, ino toghosiikërëra amangʼana ghaache. Amare omooto umu ꞉naasiikiire amangʼana ghano mo‑Mandëkö Amatööbhiyu kubha,

Yohana 3:35

Taata Waryobha namosiighiri Omoona waache, wiiki namoheere obhotoro ighoro e bheghiro bhyose.

Mataayo 28:18

Yesu akaacha ghokoobho, aghasiikëra nabho, akabhabhoorera akabhugha, “Eryobha ndeheere obhotoro bhoose bho Mwishaaro na mo‑se.

Abheebhuraaniya 1:2

Amare chaasiko chino che ntenero, Eryobha ndeghosiikëra na niitu kohetera Omoona waache. ꞉Ndeemwahwire Omoona uyo abhe omughabhi o bheghiro bhyose, wiiki gho kohetera ghokooche Eryobha ꞉ndiitëëmiri ase.