Abheebhuraaniya 1:9 - Eriiraghano Eriihë

⁹ Iye nohaasiigha ghaare ghaanyi amahöriicho, na kurëgha ghoose ghano ghaanyi amabhe. Gho ghayo Eryobha, Eryobha reecho, ndekuhakiri amaghuta ghano ghaghëriri ubhe no oghuchömëru, kubha aghukörë omokoro, ghokera abhaghëndi bhaacho bhoose.”

Abheebhuraaniya 1:9 Referans Kwoze

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abharuumi 15:13

Eryobha niryo toghwitëngʼëra kubha ndeghuköra ghoose ghano ꞉reeturaghiri. Gho ghayo, nekobhasabhera kubha, rebhahë omurëmbë chwee na ghuchömëru kwaru hano mokwëndërëra korekumi. Hayo niho mookubha ne eriitëngʼërö ikoro, rino moonyi naryo gho changuru che Körö Ahörëëru.

Ruuka 4:18

“Akörö e Mutëmi Waryobha, neenyi haghirohamu na neeni. Wiiki, nimariri konyaahura kobhamënyi, abhahabhe Angʼana Anchömu. Nentomiri kwo bhabhöhu, nebhabhoorere kubha mbaghotighooroku. Abhahuku, bhatore korighi wiiki, na bhano bhakunyaakibhu, nebhatoori.

1 Yohana 1:3

Ntokobharaghaneri angʼana ighoro e Yesu, uno ꞉toomorooche na komooghu, kubha mubhe no bhumu na niitu mo‑bhokumi. Obhumu bhuno tughöötë n‑haghirohamu na Taata Waryobha, no Omoona waache Yesu Kirisito.

1 Bheetero 1:3

Aghongibhu Waryobha, Taata o Mutëmi wiito Yesu Kirisito. Kurëngʼaana na changori cheeche chaaru, natwibhwire mara e kabhere gho nchëra e komoryoki Yesu Kirisito koru mo‑bhaku. Gho ghayo, ntobhwine eriitëngʼërö re bhuhöru.

Abheebhuraaniya 7:26

Omuchaama Omokoro anga uyo nakwëndëru chwee ghokwito gho kubha iwe m‑Mutööbhiyu, na taanyi ni isörö, wiiki taaköriri amasari ghoghoose ghaare. Eryobha ndemwahwire koru mo‑bhaköri bha masari, rekamotiiri ghuye Mwishaaro.

Abhabhiribhi 2:9

Gho ghayo, Eryobha rekamotiiri Yesu ighoro ghokera ebheghiro bhyose, rekamuha eriina ikoro ghokera amariina ghoose,

Abhaebheeso 1:3

Mbe, reghongibhu Eryobha, Taata o Mutëmi wiito Yesu Kirisito! Iryo niryo retoheere orubhango ro mo‑chaakörö ro manga maaru mo‑se ino etaakorighibhu gho nchëra e ghughöötana kwito na Kirisito.

1 Abhakorinto 1:9

Eryobha ndeghuköra ghayo gho kubha n‑ihëënë. Iryo niryo rebhabherekiire inyu, mubhe no obhumu no Omoona waache Yesu Kirisito, Omutëmi wiito.

Yohana 20:17

Yesu akamobhoorera akabhugha, “Otangööta. Nekeere ntiimara neghi Mwishaaro o‑Taata. Mbe, nooghi obhabhoorere abhahiiri bhaane, kubha ˆneeghaye Mwishaaro o‑Taata waane, nawe n‑Taata waanyu, kwo Ryobha reene naryo n‑Eryobha reenyu.”

Yohana 1:41

Hayo hayo, aghaye komutabhara Simiyooni omokoro waache. Hano amobhwine, akamobhoorera akabhugha, “Ntomorooche Masiya!” Masiya egheteemoro keeche n‑Kirisito.

Obhohunyurëru 2:15

Hangʼu hangʼu, mbaanyi‑mu abhamu ghate yaanyu bhano bhaghutambana ameeghi gha Bhanikoraayi.

2 Abhakorinto 11:31

Waryobha, Taata o Mutëmi Yesu, uno akurëngʼaanera ghoghongibhu emiishe ghyose, neeche kubha nteeghosiikëra obhuröngö.

Abharuumi 12:9

Mobhasiighe abhaghëndi kwo mukörö mwero. Motighe kimu ghuköra amabhe, amare mukörë amachömu eriibhagha ryose.

Amaköri gha Bhatomu 10:38

Mweche kubha, Eryobha ꞉ndeemwahwire Yesu o Nasareeti gho komuha Akörö Ahörëëru no obhotoro. Yesu ꞉naaghiire ino na ino, araköra amachömu na kuhöri bhoose bhano ꞉bhaare bharanyaakibhu na changuru che Rishambu, gho kubha Eryobha ndeere haghirohamu nawe.

Amaköri gha Bhatomu 4:27

“M‑mahëënë kubha, omutëmi Herote Antibha na Bhontiyo Bhiraato, ꞉mbaatëmëëriine haghirohamu na abhaato bha matöngö na Abhiisiraeri, mo‑moghya o Yerusareemu kubha bhamwange Yesu, omutamishi waacho Omutööbhiyu uno ꞉omwahwire kubha Kirisito.

Yohana 3:34

Eryobha ꞉ndeemotomiri kubha asiikërë amangʼana ghaache, nikyo remoheere Akörö Ahörëëru etaanyi ne ekirëngërë.

Abheebhuraaniya 2:11

Yesu haghirohamu na abhaato bhano akomusa amasari ghaabho, Ishe waabho n‑umu. Nikyo ghighëriri Yesu taanyi na chaasoni kobhabherekera kubha abhahiiri bhaache.

Yohana 10:17

“Taata nansiighiri gho kubha nekoruusi obhuhöru bhoone, kubha neramara nebhwimoki wiiki.

Amaköri gha Bhatomu 4:26

Abhatëmi bha chaase na abhakangati mbiikomiine haghirohamu, kubha bhamwange Omutëmi Waryobha, na Kirisito waache.’

Abheebhuraaniya 2:9

Amare ntokomorighi Yesu uno kwo riibhagha ighuhe hangʼu, Eryobha ꞉ndeemuköriri abhe mosuuhu ghokera bhamarayika. Uyo niwe uno Eryobha remoheere obhokumi obhokoro na asooko inkoro gho ghiri e kunyaakibhu na ghoku kooche. Eryobha ꞉ndeemuköriri hangʼu, kubha gho nchëra e ghareeya yaache, Yesu aku gho ghiri e bhaato bhoose.