Abheebhuraaniya 1:1 - Eriiraghano Eriihë

¹ Hayo kare, Eryobha ꞉ndeesiikiire na bhasookoro bhiito gho kohetera abharööti mara kaaru na gho chanchëra haghare haghare.

Abheebhuraaniya 1:1 Referans Kwoze

Ruuka 24:27

Niho, Yesu akabhëërëkërëri amangʼana ghoose ghano ghaandëkuru ighoro yaache, korwera mo‑Mandëkö gha Musa, na mo‑Mandëkö ghoose gha bharööti.

Amaköri gha Bhatomu 2:30

Amare gho kubha Tawuti m‑murööti are, ꞉naamënyiri kubha Eryobha ꞉ndeemuraghiri gho kuraheri kubha, ndekomuköra omooto umu o mo‑rwibhoro rooche ghukangata obhutëmi bhooche.

Ruuka 1:55

kinya bhuure are abhabhooriire bhasookoro bhiito, Abhurahamu na abhaato bhoose bha rwibhoro rooche, emiishe ghyose.”

Amaköri gha Bhatomu 13:32

“Itu ntokobharaghaneri Angʼana Anchömu, kubha ghano Eryobha ꞉reebharaghiire bhasookoro bhiito,

Abheebhuraaniya 2:2

Ibheere, ntweche kubha amangʼana gha meghiro ghe Ryobha ghino bhasookoro bhiito ꞉bhaasongʼaaniri gho nchëra e bhamarayika bha Ryobha ngaare no obhotoro. Mbe, abhaato bhoose bhano bhataare bharaghatambana koru ghoghasooka, Eryobha ꞉ndeebhateniire ekiina kurëngʼaana na amasari ghaabho.

Ruuka 1:72

Wiiki akabhugha kubha, naakubha araghwera bheghongi bhasookoro bhiito, na arahiita eriiraghano reeche eritööbhiyu.

Amaköri gha Bhatomu 28:23

Niho bhaghiishererani na Bhawuro orosiko runo bhaghutëmëërana. Orosiko ruyo hano rohikiri, Abhayahuuti bhayo bhaghatëmëërana kwo bhwaru ghokera ekimbërë, mo‑nyumba ino are ariikara. Bhawuro akamara omwishe woose arabheeghi, na köbhëërëkërëri kwo bhuchömu ighoro e bhutëmi bho Ryobha. Mbe, gho kubha ꞉nëëndiri bhoose bhamokumi Yesu, eghaghëri abheeghi amangʼana ighoro e Yesu gho kohetera emeghiro ghe Musa, na mo‑bhitabhu bhe bharööti.

Yohana 9:29

Ntweche kubha Eryobha ꞉ndeesiikiire na Musa, amare omooto uyo toteeche hayi arweriire.”

Yohana 7:22

Mööhi, Musa ꞉naabharagheriiri inyu ghusaara abhaana bhaanyu bha ghesubhe. Taanyi kubha asughara iyo m‑Musa ꞉ayirëëtiri, amare ꞉neeruure kwo bhasookoro bhaanyu. Inyu moonyi na asughara e kobhasaara abhaana bhaanyu koru mo‑rosiko ro Riikane.

Ruuka 24:44

Akamara akabhabhoorera akabhugha, “Eriibhagha neere nekeere neenyi haghirohamu na niinyu, ghano, nigho amangʼana ghaane ghano ꞉neebhabhooriire, kubha ghoose ghano ghaandëkuru ighoro yaane ngakwëndëru ghahikeerane. Ibhe mo‑meghiro ghe Musa, na mo‑Mandëkö gha bharööti, na gha Sabhuri.”

Yohana 16:13

Amare Akörö e bhuhëënë, hano ekuucha ghokoonyu, nekobhakangata kobhumënya obhuhëënë bhoose. Teekobhugha kwo bhotoro bhooche ayeene, amare nekobhugha ghano yoghwire na kobhabhoorera ghano ghakuucha.

Amaköri gha Bhatomu 3:21

Ibheere Yesu nakwëndëru asaaghe Mwishaaro mbagha hano Eryobha reghuköra ebheghiro bhyose bhe mo‑se ino bhibhe, kinya bhuure abhughiri korwera kare gho nchëra e bharööti bhaache abhatööbhiyu.

Abheebhuraaniya 2:3

Aribha ꞉ghaaköruru hangʼu ghokoobho, kana, itu ntoghotora bhu kuhöna ghoteneru ekiina aribha totaaghotereera obhotoori obhokoro kinya bhuno? Omutëmi Yesu niwe uno asëëmiri kuraghani obhotoori bhuyo na abhaato bhano ꞉bhooghwire, ꞉mbaahëënëhiri ghokwito kubha m‑mahëënë.

Abheebhuraaniya 3:5

Musa naare omutamishi omuhëënë ghateghate e bhaato bha nyumba e Ryobha. Emeremo gheeche ngeere kwërëki ghano Eryobha rekuucha ghosiikëra.

Abheebhuraaniya 4:8

Aribha Yoshuwa nangatoriri kobhaha abhaato orosiko ro koweera, Eryobha retangabhughiri wiiki ighoro e rosiko oronde ro koweera.

Abheebhuraaniya 5:5

Hangʼu hangʼu, Kirisito woose tiitabhariire omwene asooko e kubha Omuchaama Omokoro, amare Eryobha niryo remwahwire na komobhoorera kubha, “Iye niiye Omoona waane, eni reero nibheere Iso waacho.”

Abheebhuraaniya 9:19

Hano Musa amariri kuraghani emeghiro ghe Ryobha ambërë e Bhiisiraeri bhoose kinya bhuno ere yëndiiru, ꞉niimokiri amasaahë gha kimööri na gha ndome, aghasangerani na amanche. Hano amariri, aghasusuuteri amasaahë ghayo mo‑ghitabhu ke meghiro na mo‑bhaato bhoose gho kuhökëri obhorobha bhubhararatu bhuno bhubhöhuru mo‑ghisa ke rweri.

Abheebhuraaniya 11:2

Gho nchëra e korekumi Eryobha, bhasookoro bhiito ꞉mbiishereriiru ne Eryobha.

Abheebhuraaniya 11:18

nangabha Eryobha reere remobhooriire Abhurahamu kubha, “Kohetera kwo Isaka nokubhöna orwibhoro runo rokobherekeru ro roocho.”

Abheebhuraaniya 12:25

Mbe, mukabhaahe motaacha kwanga komutëghëërëra uno aghosiikëra na niinyu. Aribha Abhiisiraeri bhataatooriibhu hano bhaangiri komutëghëërëra wuure are arabhatöngëra hano mo‑se, itu ntoghotora bhu ghotooribhu aribha toraanga komutëghëërëra uno aghotutöngëra koru Mwishaaro?