Abharuumi 3:3 - Eriiraghano Eriihë

³ Amare Abhayahuuti abhande bhataare abhahëënë gho ghughööta amangʼana ghaache. Mbe, tobhughe kubha bhuure ꞉bhaare Abhayahuuti bhayo, ꞉mbaaköriri Eryobha ryose retighe kubha ihëënë gho ghuköra amangʼana ghano ꞉reebhughiri?

Abharuumi 3:3 Referans Kwoze

2 Timotewo 2:13

Nangabha itu totaanyi abhahëënë ghokooche, iwe naghusaagha kubha omuhëënë, gho kubha iwe taaghotora kwiyanga omwene.”

Abheebhuraaniya 4:2

Na niitu nturaghaniiru Angʼana Anchömu kinya bhuno bhasookoro bhiito bhoose ꞉bhooghwire. Amare ibho eriibhagha ꞉bhooghwire amangʼana ghayo, ghatabhatooriri ghyokyose gho kubha bhataaghakumiri.

Abharuumi 9:6

Nteeghosiikëra kubha Eryobha ndekeyuru kohikeerani ghano ꞉riiraghiri kwo Abhiisiraeri. Tiyaanyi, gho kubha taanyi Abhiisiraeri bhoose bhano bhaahwiru ne Eryobha.

2 Abhatesaronike 1:3

Abhahiiri bhiito, nekwëndëru koriitabheri Eryobha eriibhagha ryose gho ghiri yaanyu, gho kubha obhokumi bhoonyu mbokwiyëëngëra chwee, wiiki ghosiighana koonyu ngokwiyëëngëra.

Abharuumi 10:16

Koru hangʼu, taanyi Abhiisiraeri bhoose bhayiisheriiri na koyesooka Angʼana Anchömu iyo, abhaaru ꞉mbaayaangiri. Omurööti Isaaya ꞉naabhughiri kubha, “Omutëmi, n‑niwe uno ꞉akumiri amangʼana ghiito?”

2 Abhakorinto 3:18

Ibheere itu bhoose bhano totaaghwikundekeri mo‑bhosho ne eghitambara, ntokwërëki obhokumi obhokoro bho Mutëmi kinya ekiröri. Omutëmi uno anyi Akörö, nahaatugharura totuubhaane nawe. Naakubha aratugharura koru obhokumi obhokoro mbagha kohika obhokumi obhokoro chwee.

Mataayo 24:35

Erishaaro na ase mbekoheta, amare amangʼana ghaane ghataakoheta naabha.

Abharuumi 11:29

Eryobha reraahura abhaato bhaache na kobhiitabheri, retaaghotora ghwigharura.

Yohana 1:16

Kurëngʼaana no obhohikeerani bhooche, Eryobha ndetoheere itu bhoose aghareeya, ndyëngërëriiri mo‑ghareeya ino ꞉riishamiri ghotuha.