Abharuumi 1:5 - Eriiraghano Eriihë

⁵ Gho kohetera ghokooche Eryobha ndeheere aghareeya e kubha omotomu o Mutëmi Yesu, kubha nebharaghaneri Angʼana Anchömu abhaato bhoose bha matöngö, bhabhönë komokumi na komosooka.

Abharuumi 1:5 Referans Kwoze

Amaköri gha Bhatomu 9:15

Omutëmi akamobhoorera akabhugha, “Nooghi! Omooto uyo, nemwahwire abhe omutamishi waane, kubha ariraghani eriina reene kwo bhaato bha matöngö, na kwo bhatëmi bhaabho, koru na kwo Bhayahuuti abheene.

Abharuumi 16:26

na kohetera mo‑Mandëkö Amatööbhiyu gha abharööti, angʼana iyo nimënyuru kwo bhaato bha amatöngö ghoose mo‑se. Eryobha re miishe ghyose niryo rihatëkiri angʼana iyo iraghanibhu mo‑bhaato bhoose, kubha bhayo bhoose bhatore komokumi na komosooka Omutëmi Yesu.

Amaköri gha Bhatomu 6:7

Angʼana e Ryobha ëkëëndërëra ghusancha mo‑bhaato. Wiiki ekirëngërë ke bhaghëndi bha Yesu ghëkëëngëra chwee iyo Yerusareemu, na koru erikinda ikoro re bhachaama bhakamokumi Yesu.

1 Abhakorinto 15:10

Amare aghareeya e Ryobha niyo inköriri eni kubha omotomu. Na aghareeya yaache ghokoone teere bhoowa, gho kubha kohetera aghareeya iyo niköriri emeremo ghokera abhatomu bhoose. Ntiköriri ghayo gho changuru cheene omwene, amare na aghareeya e Ryobha niyo iköriri emeremo haghirohamu na neeni.

Abheebhuraaniya 5:9

Kurëngʼaana na ghayo, Eryobha rekamohikeerani na kurëngʼaanera kubha simoka e bhotoori bho miishe ghyose gho ghiri e bhaato bhoose bhano bhakomosooka.

Abharuumi 12:3

Ibheere, Kirisito naaheere aghareeya nibhe omotomu waache. Gho ghayo, ˆnekabhoorera omooto woose kubha, atiirighi kubha nakurëngʼaanera ghokera kebhuno anyi, amare abhe na amangʼiini. Amare mubhe moriirighi kubha, omooto woose nahaabhuru obhokumi bhuure bhuure ne Eryobha.

Amaköri gha Bhatomu 1:25

Omooto uyo okwahura, imoki omweya o bhotomu bhuno ꞉bhootighuru na Yuuta, uno akuure na ghuye ahaghiro hano hamurëngʼaaniire.”

1 Abhakorinto 9:2

Koru aribha abhaato abhande bhakorighi kubha eni taanyi omotomu neenyi, amare eni ghokoonyu n‑omotomu, gho kubha obhokumi bhoonyu mo‑Kirisito n‑ekingʼöchö kino ghekwërëki kubha eni netomuru no Omutëmi.

Abharuumi 3:29

Kana, Eryobha n‑Eryobha re Bhayahuuti abheene, ghasi koru na bha matöngö? Hee, Eryobha n‑de bhaato bhoose!

Yohana 1:16

Kurëngʼaana no obhohikeerani bhooche, Eryobha ndetoheere itu bhoose aghareeya, ndyëngërëriiri mo‑ghareeya ino ꞉riishamiri ghotuha.

Abhaebheeso 1:12

꞉Ndiiköriri hangʼu, gho ghiri yiito itu Abhayahuuti bhano ꞉tuushamiri komwitëngʼëra Kirisito, Eryobha reghongibhu kwo bhokumi bhooche obhokoro.

Abhaebheeso 1:6

Gho ghayo, toreghongi Eryobha gho ghareeya yaache ino retoheere kwo bhwaru gho kohetera Omoona waache omosiighani.

Amaköri gha Bhatomu 15:14

Bheetero namariri ghotobhoorera kinya Eryobha ꞉riinyaakiire abhaato bha matöngö, kubha ryahure ghate yaabho bhabhe abhaato bhaache.