Biblia Todo Logo
Bib sou entènèt

- Piblisite -




Abharuumi 1:3 - Eriiraghano Eriihë

3 Angʼana Anchömu iyo n‑angʼana ighoro e Moona waache. Omoona uyo, ꞉niibhwiru kinya omooto mo‑rwibhoro ro mutëmi Tawuti,

Gade chapit la Kopi




Abharuumi 1:3
66 Referans Kwoze  

Ghano nigho amariina gha rwibhoro ro Yesu Kirisito uno arweriire mo‑rwibhoro ro mutëmi Tawuti o mo‑rwibhoro ro Abhurahamu.


Amare eriibhagha rino rirënguru hano rehikiri, Eryobha rekamotoma Omoona waache mo‑se ino. Omoona waache akiibhoru no omukari kinya itu, akamanya haase e meghiro ghe Musa.


Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.


Niho Natanaheri akamugharokeri akabhugha, “Oo Omweghi, iye n‑Omoona o Ryobha! Iye n‑Omutëmi o Isiraeri!”


Akamugharokeri akabhugha, “Akörö Ahörëëru neghoghwikera, no obhotoro bho Ryobha Omokoro o Bhyose, mbookubha ighoro yaacho ghe kiriiri. Omoona uyo okwibhora, naakubha omwahöru, naakubha arabherekeru Omoona o Ryobha.


na komughanya omoona waache Yesu koru Mwishaaro. Iwe niwe Eryobha ꞉reemoryokiri, wiiki niwe aghototoori mo‑rosiko runo toghoteneru ekiina ne Eryobha.


Abhiisiraeri bhayo ꞉mbiibhwiru na bhasookoro bhaabho, Abhurahamu, na Isaka na Yakobho. Gho kohetera omobhere, koru Kirisito n‑Omwisiraeri. Kirisito, uno anyi Eryobha, Omokoro o bhyose, aghongibhu emiishe ghyose! Hawubhaabha.


Tomaso akamugharokeri akabhugha, “Omutëmi waane ne Eryobha reene!”


Eni na Taata m‑bhamu toonyi.”


Yakobho akiibhora Yusubhu, omosubhe o Mariyamu. Mariyamu akiibhora Yesu uno akobherekeru Kirisito.


Omohiite Yesu Kirisito o mo‑rwibhoro ro mutëmi Tawuti, uno Eryobha ꞉reemoryokiri koru mo‑bhaku. Iyo niyo Angʼana Anchömu ino nekuraghani.


Eryobha ndeghuköra ghayo gho kubha n‑ihëënë. Iryo niryo rebhabherekiire inyu, mubhe no obhumu no Omoona waache Yesu Kirisito, Omutëmi wiito.


Amare gho kubha Tawuti m‑murööti are, ꞉naamënyiri kubha Eryobha ꞉ndeemuraghiri gho kuraheri kubha, ndekomuköra omooto umu o mo‑rwibhoro rooche ghukangata obhutëmi bhooche.


Amare ebhyërëkërëri bhino bheenyi mo‑ghitabhu kino bhyandëkuru motore ghokumi kubha Yesu niwe Kirisito, Omoona o Ryobha, na gho komokumi mubhönë obhuhöru bho miishe ghyose kwo riina reeche.


Kana, ngwake mokobhugha eni neghwiköri Eryobha hano nekobhugha, ‘Eni n‑Omoona o Ryobha?’ Taata niwe anyahwire na ghontoma mo‑se.


Mahëënë ˆnekabhabhoorera, eriibhagha ndekuucha, wiiki ˆrekahika, bhano bhakuure mbakooghu eriiraka re Moona o Ryobha. Niho bhano bhakooghu, mbaakubha no obhuhöru bho miishe ghyose.


Natoheere Omotoori o bhotoro. Omotoori uyo naakubha o mo‑rwibhoro ro mutamishi waache Tawuti,


Iwe naghwitëngʼëra Eryobha, wiiki naare arasiikëra arabhugha, ‘Eni n‑Omoona o Ryobha.’ Mbe, Eryobha ndemotoori ibheere aribha remosiighiri hëënë.”


Amare Yesu tagharokiiri ghyokyose. Niho Omuchaama Omokoro uyo akamobhoorera wiiki akabhugha, “ˆNeghakoriishi ariingʼa kwo riina re Ryobha rino reenyi ihöru, notobhoorere aribha iye niiye Kirisito, Omoona o Ryobha.”


Niho omukari umu Omukananaayo o iyo, akaacha o‑Yesu, akabherekera kwo riiraka akabhugha, “Oo Omutëmi, Omoona o Tawuti, ondigheri changori! Omuukë waane nakunyaakibhu chwee no omusambu.”


Erikinda re bhaato bhano ꞉bhaare hayo bhakaroghoora na kobhoorani abheene kwo bheene bharabhugha, “Kana, uno taanyi Omoona o Tawuti?”


Hano Yesu amariri ghutanura hayo, abhahuku bhabhere bhakamutambana, bhaghatiiri amaraka ghaabho bharabhugha, “Oo Omoona o Tawuti, otorigheri changori!”


Eriiraka rekarwera Mwishaaro rerabhugha, “Uno n‑Omoona waane omosiighani, neghuchömëru nawe.”


na Yeese akiibhora omutëmi Tawuti. Tawuti akiibhora Seremaani kwo mukari uno are muka Huriya.


Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Tiyatira, no omobhoorere obhughe, ‘Eni neeni Omoona o Ryobha. Neenyi na amiisho kinya orumëmi ro omororo na amaghoro gha kurëngaari kinya ashabha ino ꞉yeeghuru mo‑mororo. Mutëghëërërë ghano nekobhabhoorera!


Nekobhugha hangʼu gho kubha abharöngö bhaaru mbarweriire mo‑se ino, bhano bhataaghwishereri kubha Yesu Kirisito ꞉niichiri akabha no omobhere kinya omooto. Omooto wowoose uno aghosiikëra ghayo n‑omuröngö, wiiki n‑omobhisa o Kirisito.


Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.


Kana! N‑niwe uno aghotora ghoghakinda gha mo‑se ino? W‑wuure aghokumi kubha Yesu n‑Omoona o Ryobha.


Omooto wowoose uno aghokumi kubha Yesu n‑Kirisito, niwe omoona o Ryobha. Wowoose uno akomosiigha omwibhori, nakobhasiigha na abhaana bha mwibhori uyo.


Omooto wowoose uno aghokumi na aghwishereri kubha Yesu n‑Omoona o Ryobha, Eryobha ndeenyi no obhumu nawe, woose naanyi no obhumu ne Eryobha.


Omoghiro waache niwe uno, kubha tomokumi Omoona waache, Yesu Kirisito, na ghosiighana, kinya bhuno ꞉aturagheriiri.


Amare omooto wowoose uno akwëndërëra ghuköra amasari, n‑omooto o Rishambu. Ntweche ghayo gho kubha Erishambu ndyëndëriire ghuköra amasari korwera kare. Nikyo Omoona o Ryobha ꞉ichiri mo‑se, kubha aghisari emeremo ghe Rishambu.


Ntokobharaghaneri angʼana ighoro e Yesu, uno ꞉toomorooche na komooghu, kubha mubhe no bhumu na niitu mo‑bhokumi. Obhumu bhuno tughöötë n‑haghirohamu na Taata Waryobha, no Omoona waache Yesu Kirisito.


Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.


Eryobha rino nekorihökëri kwo mukörö waane woose gho kuraghaneri abhaato Angʼana Anchömu e Moona waache, ndyeche kebhuno nekobhasabhera eriibhagha ryose.


Mo‑chaasiko chiyo chiyo, aghasëëma ghuye mo‑masinaghooghi na kuraghani kubha Yesu niwe Omoona o Ryobha.


Hano bhaare mo‑rughëndö, bhakahika ahaghiro hano ꞉haare na amanche. Omokoro uyo akamobhoorera Bhiiribho akabhugha, “Mööhi! Hano, ngaanyi‑ho amanche. N‑ghento ke ghekundeki netabhatiisu?” [


Eryobha re bhasookoro bhiito, Abhurahamu, Isaka, na Yakobho, ꞉ndeemoghongiri omutamishi waache Yesu. Wiiki Yesu niwe uno inyu momoruusiri ateneru ekiina aku! Koru hano Bhiraato ëndiri abhiighorere Yesu, ꞉mwaangiri,


Kana, Amandëkö Amatööbhiyu ghataakobhugha kubha Kirisito nakorwera mo‑rwibhoro ro mutëmi Tawuti? Wiiki kubha nakwibhoru Bheserehemu, mo‑kyaro kino Tawuti ꞉ibhoriiru?”


Niho Yohana akëëndërëra kobhugha, “Eni negharooche, wiiki neghoghaghamba, kubha uyo niwe Omoona o Ryobha.”


Mbe, tobhughe bhu ighoro e Abhurahamu, taata wiito Abhiisiraeri? Nibhu Eryobha ꞉reemubhariire kubha omooto uno anyi omuhëënë ambërë yaache?


gho ghiri e bhaato bha ritöngö reene. Aribha engabheere‑ho anchëra yoyoose, eni nengiisheriiri kwihiimu na kwangu na Kirisito, erabha gho ghuköra hangʼu nkongabhatooriri abhahiiri bhaane bhayo bhamokumi Kirisito.


Mööhi eghetuubhaani ke Bhiisiraeri, ꞉mbaariire haghirohamu bhino bheruusiibhu amaruusi Mwisëngërö, bhaghaghöötana ne Eryobha gho nchëra e maruusi ghayo.


Ndeenyi‑ho Eryobha rimu hangʼu, no omorwachi ghate e bhaato ne Eryobha woose n‑umu. Uyo niwe omooto Kirisito Yesu.


Swiv nou:

Piblisite


Piblisite