Abhakorosaayi 4:3 - Eriiraghano Eriihë

³ Motusabhere na niitu kubha Eryobha retukörërë anchëra e kuraghani angʼana yaache, na ghosiikëra amangʼana ighoro e Kirisito ghano ꞉ghaare mo‑kebhisere. Eni nibhöhuru gho ghiri e kuraghani amangʼana ghayo.

Abhakorosaayi 4:3 Referans Kwoze

Amaköri gha Bhatomu 14:27

Hano bhahikiri Antiyokiya, bhakabhakoma abhaato bha mo‑kanisa. Bhakabhabhoorera ghoose ghano Eryobha riköriri gho kohetera ghokoobho, na kinya bhuure rebhaheere abhaato bha matöngö omweya o komokumi Yesu.

Abhakorosaayi 1:26

Angʼana iyo n‑ekebhisere kino ꞉keebhisuru korwera kare na gho chanyiibhoro choose. Amare ibheere Eryobha ndebhahunyuriire abhaato bhaache abhatööbhiyu.

2 Abhakorinto 2:12

Ibheere, hano nehikiri mo‑moghya o Torowa kuraghani Angʼana Anchömu ighoro e Kirisito, nekabhöna Omutëmi amariri ghunkörëra anchëra e ghuköra emeremo gheeche hayo.

2 Timotewo 2:9

Gho ghiri e ngʼana iyo, eni nekunyaaka na nibhöhuru ne eminyörörö kinya omuköri o mabhe. Amare angʼana e Ryobha teeghotora kubhöhu.

Abhabhiribhi 1:7

N‑kumangi niituuri hangʼu ighoro yaanyu, gho kubha moonyi mo‑motema waane. Musangiri aghareeya e Ryobha haghirohamu na neeni, erabha nibhöhuru hamu erabha nekwibhateri na koyihëënëhi Angʼana Anchömu.

Abhaebheeso 4:1

Mbe, eni uno nibhöhuru gho ghiri e komuhökëri Omutëmi, nekobhasasaama mubhe na asughara ino ekurëngʼaana na amberekerera yaanyu ino Eryobha ꞉reebhabherekeriire.

1 Abhakorinto 16:9

Neghusaagha hano gho kubha, Eryobha ndinköriire anchëra e ghuköra emeremo mekoro mo‑moghya uno, nangabha bhaanyi‑ho abhaato bhaaru bhano bhakuhööcherera.

1 Abhakorinto 4:1

Abhaato bhatubhare kubha itu n‑abhatamishi bha Kirisito toonyi, ntuhaabhuru emeremo ghe kuraghani angʼana e Ryobha ino ere ebhisuru.

1 Abhatesaronike 5:25

Bhahiiri bhiito, itu bhoose motusabhere kwo Waryobha.

Mataayo 13:11

Akabhagharokeri akabhugha, “Eryobha ndebhahunyuriire inyu kumënya ghano ghaanyi mo‑kebhisere ighoro e bhutëmi bho Mwishaaro, amare ibho bhakeere kumënya ghayo,

Bhiremooni 1:22

Haghirohamu na ghayo, unsëëmërë ha kohikera, gho kubha neghwitëngʼëra kubha kwo masabhi ghaanyu, Eryobha ndeghontoori niiche bhowaanyu.

Abhabhiribhi 1:19

gho kubha nyeeche kubha mo‑ghoose ghano ghambwine, neghotooribhu, gho kubha moghunsabhera kwo Waryobha, wiiki Akörö Ahörëëru koru kwo Yesu Kirisito neghontoori.

2 Timotewo 1:16

Neghusabha Omutëmi Yesu abharigheri changori abhaato bha mo‑ka e Onesibhooro, gho kubha mara kaaru naare arasambaaroki omukörö waane. Wiiki, tarooche chaasoni kuucha kondighi mo‑kibhöhö keene.

Abhaebheeso 3:1

Kurëngʼaana na amangʼana ghayo, eni Bhawuro nekobhasabhera. Eni nibhöhuru gho ghiri emeremo ghino Kirisito Yesu aheere nebharaghaneri inyu abhaato bha matöngö.

Abharuumi 16:25

Ibheere, ntokoreghongi Eryobha! Iryo ndeghotora kobhaköra mubhe moriiköngʼi mo‑bhokumi bhoonyu, kohetera mo‑Ngʼana Anchömu ighoro e Yesu Kirisito ino neere neraraghani ghokoonyu. Angʼana iyo neere ebhisuru korwera kare, amare ibheere, nehunyuuru,

Abhaebheeso 3:3

꞉Ndeembooriire gho nchëra e kohunyurera amangʼana ghaache ghano reere rebhisiri, na nimariri kobhaandëkëra hasuuhu ighoro e mangʼana ghayo.

Abhaebheeso 3:4

Gho ghayo, moraghasöma amangʼana ghayo, moghotora kumënya bhuno nimënyiri amangʼana ghano ꞉ghaare ghabhisuru ighoro e Kirisito.

Abhaebheeso 3:9

Wiiki nebhatoorere haheero abhaato bhoose bharighi amangʼana gha Ryobha ghano ꞉ghaare ghabhisuru kinya ghakohikeeranibhu. Eryobha rino ritëëmiri ebheghiro bhyose ꞉ndeebhisiri amangʼana ghayo korwera simoka.

Abhakorosaayi 4:18

Eni Bhawuro nabhaandëkiire amakëërani ghano gho kubhökö koone eni mwene. Mohiite kubha nibhöhuru mwighërëcha. Aghareeya e Ryobha ibhe haghirohamu na niinyu.

2 Timotewo 4:2

Ibheere, ubhe oraraghani Angʼana Anchömu e Ryobha. Ubhe wiisëëmiri ghuköra hangʼu eriibhagha ryoryose, kwo riibhagha rino rirëngʼaaniire na rino retarëngʼaaniire. Ubhe oratöngëra, no orahiinya no orabhaköngʼi abhaato. Ukörë hangʼu, ino oreeghi kwo bhoghumereri bhoose.