Abhakorosaayi 4:12 - Eriiraghano Eriihë

¹² Ebhaabhura, omutamishi o Yesu Kirisito, no omooto o bhowaanyu, nakobhakëëri. Eriibhagha ryaru naghwiköngʼi kobhasabhera inyu kubha muköngʼëri, na muköngʼë mo‑chaakörö na kubha bhasubhesubhe gho ghoose ghano Eryobha rekwënda.

Abhakorosaayi 4:12 Referans Kwoze

Abharuumi 15:30

Mbe, abhahiiri bhaane, kurëngʼaana na ghughöötana kwito no Omutëmi wiito Yesu Kirisito, na kurëngʼaana no obhosiighi bhuno Akörö Ahörëëru etoheere, ˆnekabhasasaama kwo motema waane woose kubha, mwiköngʼi ghughöötana na neeni gho ghunsabhera kwo Waryobha.

Abhakorosaayi 1:9

Gho ghiri iyo ntokobhasabhera chaasiko choose korwera riibhagha rino tooghwire amangʼana ghaanyu. Ntoghusabha kubha Eryobha rebhahë obhumënyi bhoose gho ghaare iryo rekwënda, na amangʼiini ghoose no obhumënyi koru mo‑Körö Ahörëëru.

Bhiremooni 1:23

Ebhaabhura, uno abhöhuru haghirohamu na neeni gho ghiri e Kirisito Yesu naghoghukëëri.

Abhakorosaayi 1:28

Iwe Kirisito niwe tokuraghani amangʼana ghaache, ntokobhashaangʼi na kobheeghi abhaato bhoose kwo mangʼiini ghoose, kubha tobharëëtë bhoose ambërë e Ryobha bhaköngʼiri gho ghughöötana koobho na Kirisito.

Abhakorosaayi 1:7

꞉Mweeghiri Angʼana Anchömu iyo koru o‑Ebhaabhura. Iwe naghuköra emeremo kinya omutamishi mughëndi wiito omosiighani, no omuhëënë o Kirisito gho ghiri yaanyu.

2 Bheetero 1:1

Anyaarubha ino neyandëkiri eni Simiyooni Bheetero, omutamishi no omotomu o Yesu Kirisito. ˆNekabhaandëkëra inyu bhano mobhwine obhokumi bhuno bho riighori ikoro, kinya bhuno itu bhoose ꞉toobhwine gho kohetera obhuhëënë bho Ryobha no Omotoori wiito Yesu Kirisito.

Abhagharatiya 4:19

Abhaana bhaane, rino n‑eriibhagha erende wiiki ghokoone kooghu obhororo gho ghiri yaanyu, kinya bhuno obhosongo bhohaamure omukari uno anyi inda, eriibhagha re kwibhora. Nekwiyoghu hangʼu hangʼu, mbagha atëëmö e Kirisito erighibhu mo‑tëëmö yaanyu.

Abhagharatiya 1:10

Ibheere, mokwihëëbha kubha neghutabhara ghwisherereru na abhaato? Tiyaanyi, eni neghutabhara ghwisherereru ne Eryobha eryene chiri. Ghasi mokwihëëbha kubha neghutabhara ghuchömëri abhaato? Aribha nengatabhiire kobhachömëri abhaato, ntengabheere omutamishi o Kirisito.

Abharuumi 15:14

Abhahiiri bhaane, eni omwene neenyi no obhuhëënë kubha inyu n‑abhaato abhahöriicho chwee, na moonyi no obhumënyi bhoose, wiiki moonyi no obhotoro bho korwachana inyu bheene kwo bheene.

Yuuta 1:24

Eryobha niryo reenyi no obhotoro bho kobhachonga motaacha kobhora. Wiiki ndeenyi no obhotoro bho kobharëëta ambërë yaache mo‑bhokumi bhooche obhokoro, moonyi no oghuchömëru, motaanyi no obhobhe bhobhoose.

Abheebhuraaniya 5:14

Amare abhantomonkoro mbahaaraaghëra ebhiinyakurë ebhiköngʼu, ibho mbeeghiri na mbanariri kwahukani amachömu na amabhe.

Abheebhuraaniya 5:7

Eriibhagha Yesu are mo‑se ino, ꞉naasabhiri, na ghusasaama na korera chwee ambërë e Ryobha rino reenyi na changuru che komotoori koru mo‑roko. Eryobha ndyoghwire amasabhi ghaache gho ghiri e kwinyööhi kooche.

Abhakorosaayi 1:22

gho nchëra e mobhere o Kirisito, gho ghoku kooche. ꞉Naaköriri hangʼu kubha abharëëtë ambërë yaache moonyi bhatööbhiyu, motaanyi na angʼana koru eriisörö.

2 Abhakorinto 13:11

Ibheere, abhahiiri bhaane, masaraamu! Mubhe bhaghöröröku, na mwighambisani, na mubhe no obhumu, na mubhe no omurëmbë. Eryobha ryose rino reenyi no obhosiighi no omurëmbë ndeekubha haghirohamu na niinyu.

1 Abhakorinto 14:20

Abhahiiri bhaane, motiihëëbha kinya abhaana, amare mubhe moriihëëbha kinya abhantomonkoro. Amare ighoro e mabhe, mubhe kinya ebhengʼwerere.

1 Abhakorinto 2:6

Amare itu, ntoghosiikëra amangʼana gha mangʼiini mo‑bhaato bhano bhaköngʼiri mo‑bhokumi, amare amangʼiini ghayo ghataanyi gha se ino, wiiki ghataanyi gha bhakangati bha se ino bhano bhaakoru‑ho.

Yohana 12:26

Omooto wowoose uno akwënda kuuhökëri eni, nekwëndëru antambane. Wiiki hohoose hano neekubha, hayo niho no omutamishi waane akubha. Taata nakomosooka omooto wowoose uno akuuhökëri eni.

Mataayo 5:48

Mbe, mubhe bhaghöröröku kinya bhuure Taata waanyu uno anyi Mwishaaro anyi mughöröröku.

Yakobho 5:16

Mbe, mubhe moratuukuunerana amasari ghaanyu na ghusabherana kwo Waryobha, kubha mubhönë kuhöribhu amabhabharu ghaanyu. Amasabhi gha mooto omuhëënë ngaanyi no obhotoro bho ghuköra amangʼana amarito.

Yakobho 1:1

Anyaarubha ino neruure ghokoone eni Yakobho, omutamishi o Ryobha no o Mutëmi Yesu Kirisito. Nekobhakëëri inyu amatöngö ikomi na abhere, ghano ghasanchiri mo‑chaase.

1 Abhatesaronike 5:23

Eryobha eryene niryo reghotuha omurëmbë, rebhamuse inyu mo‑ghoose. Reghechonge emetema gheenyu no obhuhöru bhoonyu ne emebhere gheenyu, kubha mubhe motaanyi ni isörö mbagha kohikera eriibhagha re kuucha Omutëmi wiito Yesu Kirisito.

Ruuka 22:44

Eriibhagha riyo Yesu naare mo‑bhororo bhwaru chwee, bhokamuköra iköngʼi ghusabha Eryobha. Hano are arasabha Eryobha, akaru ebhigheri bhetuubhiine na amasaahë, bheekabha bheratoonya haase.]

Ruuka 1:1

Oo omosooku Tewobhiro, ghaare ꞉ghaakörëkiine ghate yiito, abhaato bhaaru mbamariri ghwiköngʼi gho kwandëka ighoro yaache.

Abhakorosaayi 1:29

Kwo riyo neghwiköngʼi na ghuköra emeremo gho kuhökëri changuru inkoro chino Kirisito aheere.

Abhakorosaayi 4:9

Nakuucha haghirohamu na Oneesimo, mohiiri wiito omosiighani omuhëënë, uno n‑omooto o bhowaanyu. Mbakobhaha ghoose ghano ghaghuköru hano bhowiito.

Yakobho 1:4

Mubhe no obhuhëënë kubha moghoghumereri mbagha mo‑ntenero, kubha mubhe abhahëënë mo‑metema gheenyu, motaacha ghosuuheru ne egheghiro ghyokyose.