Abhakorosaayi 4:10 - Eriiraghano Eriihë

¹⁰ Arisitaariko, uno abhöhuru haghirohamu na neeni, nakobhakëëri. Maariko woose, omohiiri o Bharinaabha nakobhakëëri. Mosongʼaaniri amëërëkërëri ighoro yaache. Hano akohika bhowaanyu momughënëhi bhoheene.

Abhakorosaayi 4:10 Referans Kwoze

Bhiremooni 1:24

Wiiki abhatamishi bhaghëndi bhaane Maariko, na Arisitaariko, na Tema, na Ruuka, mbaghoghukëëri.

2 Timotewo 4:11

Ruuka omwene chiri niwe asaaghiri haghirohamu na neeni hano. Ibheere, oraacha ino, uche na Maariko, gho kubha narëngʼaaniire kubha omotoorereri waane mo‑meremo ghe Ryobha.

Amaköri gha Bhatomu 19:29

Omoghya woose o Ebheeso oghiichora anyööri. Abhaato bhayo bha Ebheeso bhakabhaghööta, Ghaayo na Arisitaariko abhiikari bha Maketoniya bhano ꞉bhaare bharaköra orughëndö haghirohamu na Bhawuro. Bhaghasöha nabho bhwango mwibhancha rino ꞉bhaare bharakörëra eriibhina.

Amaköri gha Bhatomu 27:2

Mo‑rughëndö ruyo tooghaye haghirohamu na Arisitaariko, o moghya o Tesaronike o mo‑mukööwa o Maketoniya. Mbe, toghatiira mo‑meeri ino ere eraru mo‑moghya o Atiramitiyo erëërëkëra mo‑chabhandaari che mo‑mukööwa o Asiya.

Amaköri gha Bhatomu 20:4

Eriibhagha riyo, Bhawuro naare araköra orughëndö haghirohamu na Sobhateeri mwërëëti o Bhiiro o mo‑moghya o Bherooya, haghirohamu na abhaato bhabhere bha Tesaronike, Arisitaariko na Sekundo, Ghaayo o mo‑moghya o Teeribhe, na Timotewo, na abhaato bhabhere bha Asiya, Tikiko na Torobhiimo.

Amaköri gha Bhatomu 12:12

Hano Bheetero amënyiri ghayo, aghaye kimu kimu awaache Mariyamu, nyina Yohana uno are arabherekeru Maariko. Mo‑nyumba iyo abhakumi bhaaru mbaare bhiikomiine‑mu bhararisabha Eryobha.

1 Bheetero 5:13

Abhakumi bha riikanisa rino reenyi Bhabheeri, abhaahöru abhaghëndi bhaanyu, mbakobhakëëri. Na Maariko woose, omoona waane mo‑bhokumi, nakobhakëëri.

Abharuumi 16:7

Momukëëri Andironiko na Yuuniya. Bhayo n‑Abhayahuuti abhaghëndi bhaane bhano ꞉bhaabhöhuru haghirohamu na neeni mwighërëcha. ꞉Mbaankangatiri komokumi Kirisito, wiiki m‑bha sooko chwee ghate e bhatomu.

Abharuumi 16:2

Neghusabha momughënëhi bhoheene, gho kubha woose n‑omokumi o Mutëmi Yesu. Momughënëhi kinya bhuno ekwëndëru ghate e bhakumi bha Yesu Kirisito. Wiiki, neghusabha kubha, momusakeri ghyokyose kino akwënda, gho kubha iwe woose ꞉naabhasakiiri abhaato bhaaru, koru eni woose.

Amaköri gha Bhatomu 13:13

Bhawuro na abhaghëndi bhaache bhaakaru hayo Bhaafo. Bhaghaköra orughëndö mo‑bhwato mbagha bhakahika mo‑moghya o Bhereghi mo‑mukööwa o Bhambiriya. Yohana Maariko iwe akabhatigha hayo, aghagharuka Yerusareemu.

Amaköri gha Bhatomu 4:36

Gho ghetuubhaani naare‑ho Omuraawi umu eriina reeche Yusubhu, omwibhoru o se e Kiibhuro, uno abhatomu bha Yesu bhamoheere eriina re Bharinaabha, egheteemoro keeche Uno Aghotoora Omukörö.

Amaköri gha Bhatomu 13:5

Hano bhahikiri mo‑moghya o Sarami, bhaakabha bharaghe mo‑masinaghooghi gha Bhayahuuti, bhareeghi abhaato angʼana e Ryobha. Wiiki ꞉mbaaghiire haghirohamu na Yohana Maariko, omotoorereri waabho.

Amaköri gha Bhatomu 12:25

Bharinaabha na Sawuri bhoose, hano bhamariri omoremo waabho o kobhatoori abhakumi, bhaghagharuka koru Yerusareemu bhakamwimoki na Yohana uno are arabherekeru Maariko.

Bhiremooni 1:23

Ebhaabhura, uno abhöhuru haghirohamu na neeni gho ghiri e Kirisito Yesu naghoghukëëri.