Abhakorosaayi 3:8 - Eriiraghano Eriihë

⁸ Amare ibheere motighe inkongʼorimu, ghukarara, no obhororo, na amabhe, na amatoki, na amangʼana ghano ghatanchakiine mo‑menu gheenyu.

Abhakorosaayi 3:8 Referans Kwoze

Abhaebheeso 4:29

Emenu gheenyu ghetasiikëra amangʼana amabhe, amare ghesiikërë amangʼana amachömu ghano ghaghusakeri abhaato abhande, kubha ghabhahë aghareeya bhano bhaghoghooghu.

Abhaebheeso 4:22

Mbe, motighe ghano moore moraköra ekimbërë, asughara e kare ino eghusarëka, gho ghutambana amiigha ghano ghakobhangʼiina,

Abhaebheeso 5:4

Motasiikëra amangʼana gha chaasoni, na amangʼana gha ghighëëghë hamu kuhakaana, ghayo ghataakwëndëru ghokoonyu. Amare amangʼana ghano ghakwëndëru, n‑gha koriitabheri Eryobha.

Abhakorosaayi 3:5

Mbe, mute kurë amangʼana gha mo‑se ino ghano ghaanyi moose yaanyu, kinya obhutaari, no obhoghonchu, no omuraka, na amiihëëbhö amabhe, no oghwighomba ebheghiro. Obhwighombi bhonga hangʼu, n‑kinya ghusëngëra asanaamu taanyi Eryobha.

Abhaebheeso 4:26

Aribha morakarara, motiishereri oghukarara koonyu ghughëri mukörë amasari, na koru hangʼu eryobha retasikera mokeere mukariire,

Abheebhuraaniya 12:1

Mbe, gho kubha ntoonyi ne erikinda ikoro re bhiibhateri bhano bhatwinariiri, tobheruusi bhyose bhino bheghotuhööchërëra, wiiki toghatighe amasari ghano ghaghotoghwishi. Wiiki toyaare ahönta ino Eryobha retooriri ambërë yiito kwo bhoghumereri.

Abhakorosaayi 3:9

Motabhoorerana obhuröngö, gho kubha moruusiri atëëmö e kare haghirohamu na amaköri ghaache,

1 Bheetero 2:1

Mbe, motighe obhobhe bhoose, no obhuröngö bho manga ghoose, na amangʼana amabhe ne eriihari, koru kobhiiherana.

2 Abhakorinto 12:20

Ibheere neghotiina kubha, eriibhagha rino nekuucha bhowaanyu, nekobhabhöna moonyi na atëëmö ino etaaghunchömëri eni. Riyo ndeghughëri nikörë ghano ghataakobhachömëri inyu. Neghotiina kubha neghotora kobhabhöna moonyi ne eriireghe, no obhusööhu, no oghukarara, no obhunyawumu, no obhori bho bhaato, na kwibhora amangʼana, no obhwihachi na amahë.

1 Abhakorinto 3:3

gho kubha mokeere morakangatu na simoka yaanyu e masari. Kana, aribha ghate yaanyu ndeenyi‑ho eriihari ne eriihë, ghayo ghataakwërëki kubha mokeere morakangatu na amangʼana gha se na kumanya kinya abhaato bha mo‑se?

Mataayo 5:22

Amare eni nekobhabhoorera, wowoose uno akomukararera mughëndi waache naghoteneru ekiina. Wiiki uno akomotoka mughëndi waache kubha mughëëghë, nakwëndëru ahiru mwibharacha. Uno akobherekera mughëndi waache kubha m‑muraghaanu nakurëngʼaanera ghusöha mwiribha re mororo.

Abhagharatiya 5:15

Amare aribha mokoromana na kwiyire kinya chatyenyi, mwikabhaahe kubha motaacha ghwisireekereri.

Abharuumi 13:13

Tubhe na atëëmö inchömu kinya abhaato bhano bhamanyiri mo‑bhwero. Totabha abhaato bhano bhaghuköra chanyangi che kehobhaaru no obhurëëbhi. Totaköra obhutaari bho manga ghoghoose ghaare, koru ghuköra amangʼana gha chaasoni. Totabha abharööni, hamu kubha ne eriihari.

Yuuta 1:8

Nibhu bhaanyi abhaato bhano ꞉neebhughiri kubha bhataakoresooka Eryobha. Mbakurööta amaröötö ghano ghaghughëri bhaghonchi emebhere gheebho, mbakwanga obhotoro bho Ryobha na ghotoka bhamarayika.

2 Bheetero 2:18

Mbaghosiikëra amangʼana gha bhwihachi na ghano ghataanyi ne ekebhune, na gho ghutambana amiigha ghaabho amabhe gha mobhere mbahaatëgha abhaato bhano bhakumiri kwo riibhagha ighuhe, na ghutaana na abhaato bhano bhikareriire obhobhiihi.

Yakobho 2:7

Bhuure bhuure taanyi ibho bhakoretoka eriina ichömu re Yesu Kirisito rino mokobherekereru?

1 Timotewo 1:20

Ghate e bhaato bhayo naanyi‑mu Himenaayo, na Arekisanta. Abhaato bhayo nereheere Erishambu kubha bhabhönë ameeghi, bhatighe koretoka Eryobha.

1 Timotewo 1:13

꞉Naaköriri hangʼu, nangabha ekimbërë hayo ꞉neemotokiri, na neere mutarighanu ghokooche, wiiki ꞉neebhanyaakiri abhaato bhaache. Amare, iwe ꞉naandoochiire changori, gho kubha neere neraköra ghayo kwo bhuraghaanu bhoone na gho kwanga kubha no obhokumi.

Abhagharatiya 5:26

Totiihacha bhoowa, totanaahana koru korigherani eriihari.

Abhagharatiya 5:20

na ghusëngëra asanaamu, no obhoturutumbi, no obhobhisa, no obhurööni, no obhusööhu, ne eriihari, na ghukarara, ne eriibhutu, na kwanga koghwana, na kwibhora amangʼana,

Maariko 7:22

no obhusööhu, amiigha amabhe, no bhuröngö, na amangʼana gha chaasoni, ne eriihari, na amatoki, no omutu muköngʼu no obhughëëghë.

Obhohunyurëru 16:9

Abhaato bhagheekibhu kobhe chwee. Bhakaretoka Eryobha gho kubha ndeere no obhotoro ighoro e chanaabhi chino, amare bhatatuukuuniri koru bhatareghongiri.

Yuuta 1:13

Bhataaghotora kwihööchërëra kinya emekunda emihaari ghe mo‑nyancha, na amaköri ghaabho gha chaasoni ngaghusancha kinya eriihuru re mekunda. Mbanga kinya chanchöta chino cheeghuye ino na ino na kobhora. Eryobha ndebhatooriire ahaghiro hano haanyi ne ekengʼuuri ghe kuruu bhiikare‑mu emiishe ghyose.

2 Bheetero 2:7

Amare, Eryobha rekamotoori Rooti, omooto omuhëënë, uno omukörö waache okuure gho chatëëmö cheebho chambe che chaasoni.

Abhaebheeso 4:25

Gho ghayo, motighe obhuröngö. Omooto woose nakwëndëru kobhoorera mughëndi waache obhuhëënë, gho kubha itu bhoose n‑ebhyemo bhe mobhere o Kirisito toonyi.