Abhakorosaayi 3:5 - Eriiraghano Eriihë

⁵ Mbe, mute kurë amangʼana gha mo‑se ino ghano ghaanyi moose yaanyu, kinya obhutaari, no obhoghonchu, no omuraka, na amiihëëbhö amabhe, no oghwighomba ebheghiro. Obhwighombi bhonga hangʼu, n‑kinya ghusëngëra asanaamu taanyi Eryobha.

Abhakorosaayi 3:5 Referans Kwoze

Abharuumi 8:13

Aribha moramanya gho ghukangatu na simoka e masari, mooghoku. Amare, moraanga kimu gho changuru che Körö Ahörëëru ghuköra amangʼana ghano simoka yaanyu e masari ekwënda mukörë, mokumanya emiishe ghyose.

Abhagharatiya 5:24

Abhaato bhano bhaghöötiine na Kirisito Yesu, bhatahakangatu na simoka yaabho e masari haghirohamu na amiigha ghaabho amabhe. N‑kinya bhamambiri simoka yaabho e masari mo‑musarabha o Yesu.

Abharuumi 6:13

Motiishereri ebhyemo bhyobhyose bhe mebhere gheenyu bhihökëru gho ghiri e masari kinya ebheghiro ebhebhe, amare mwiruusi kwo Waryobha. Mwirighi kubha moonyi abhaato bhano bharyokiibhu koru mo‑bhaku, na ghusöhibhu mo‑bhuhöru obhuhë. Mwiruusi kwo Waryobha, ne ebhyemo bhyose bhe emebhere gheenyu bhibhe bherarikörëra emeremo kinya ebheghiro ebhihëënë.

1 Bheetero 2:11

Abhasiighani bhaane, inyu m‑bhaghëni moonyi na abhaheti mo‑se ino. Gho ghayo nekobhasasaama kubha, motiishereri amiigha ghaanyu amabhe, ghano ghaghokindana na niinyu, ghabhakinde.

1 Abhakorinto 6:18

Gho ghayo, mwisache obhutaari. Amasari aghande ghoose ghano omooto aghuköra ngaanyi anche e mobhere waache, amare omooto uno aghuköra obhutaari, uyo naghuköra amasari ighoro e mobhere waache omwene.

Abhaebheeso 4:19

Mbataasiri na bhataanyi na chaasoni, mbiisöhiri mo‑mangʼana amabhe gha chaasoni. Wiiki mbaghwighomba kwëndërëra ghuköra amangʼana ghayo ghoose.

2 Abhakorinto 12:21

Neghotiina kubha eriibhagha nekuucha bhowaanyu wiiki, Eryobha reene ndeghuköra nerighi chaasoni ambërë yaanyu. Neekubha na amacheeche korighi abhaato bhaaru ghate yaanyu bhano ꞉bhaaköriri amasari ekeenyuma, bhakeere ghotuukuuna. Bhakeere bhaanyi na atëëmö imbe e bhutaari, no obhoghonchu na amangʼana aghande gha chaasoni ghano ꞉bhaare nagho.

Obhohunyurëru 21:8

Amare abhatiini, na bhano bhataakorekumi Eryobha, na bhano bhakorikarari Eryobha, na abhiiti, na abhataari, na abhaturutumbi, na abhasëngëri bha misambu, na abharöngö, bhayo bhoose ahaghiro haabho n‑anyancha e mororo muhaari chwee. Na ruyo niro oroko ro kabhere.”

Abharuumi 7:23

Amare ˆnekamënya kubha ebhyemo bhe mobhere waane, mbehaakangatu na changuru che masari ghano ghaghokindana na amiihëëbhö ghaane amachömu. Changuru chiyo nicho cheghunköra nibhe omusësë o masari ghano ghaanyi moose yaane.

Mataayo 15:19

Mo‑körö e mooto, nimu muyo ghakorwera amiihëëbhö amabhe, no obhwiti, no obhutaari, no obhwibhi, no obhwibhateri bho bhuröngö na amatoki.

Obhohunyurëru 22:15

Amare abhaturutumbi bhoose, na abhataari, na abhiiti, na bhano bhaghusëngëra emisambu na abhande bhoose bhano bhasiighiri ghosiikëra obhuröngö, mbaakubha anche e moghya uyo kinya chaseese.

Yakobho 4:1

Eriihë no obhurööni bhuno bhoonyi ghate yaanyu, mbekurëëtu na ke? Mbekurëëtu na amiighombo amabhe ghano ghakuhakaana moose yaanyu.

1 Abhakorinto 6:13

Abhande ghate yaanyu mbakobhugha kubha, “Hano tookubha na anchëra ntokwëndëru kuraaghëra, gho kubha emebhere ghiito ngekwënda ebhiinyakurë.” Hangʼu keenyi, amare eriibhagha ndekuucha rino Eryobha reghugharura emebhere ghiito ghibhe ghetaakwënda ebhiinyakurë. Motabhugha kubha nturëngʼaaniire ghuköra obhutaari, kinya bhuno tokwëndëru kuraaghëra eriibhagha toonyi na anchëra. Nekobhugha hangʼu, gho kubha Eryobha retatëëmiri emebhere ghiito gho ghiri e bhutaari, amare ꞉ndeeghitëëmiri gho ghiri e komuhökëri Omutëmi, nawe Omutëmi naghoghetugha bhoheene emebhere ghiito.

Abharuumi 6:6

Ntweche kubha eriimanya riito re kare ꞉ndiimamburu haghirohamu na Kirisito mo‑musarabha, kubha changuru che masari chetatukangata wiiki, na ghotuköra tubhe abhasësë bha masari.

Abheebhuraaniya 13:4

Obhokwiri mbokwëndëru ghosooku na abhaato bhoose, wiiki omosubhe no omukari bhiikabhaahane no obhutaari gho kubha Eryobha ndekobhatenera ekiina abhaato bhoose bhano bhaghuköra obhutaari.

Abheebhuraaniya 12:16

Mubhe miisho kubha ataacha kubha‑ho omooto wowoose ghate yaanyu omutaari hamu uno ataakoresooka Eryobha kinya Esaawu. Iwe aghaghori omweya waache o bhutange gho ghiri e kiinyakurë ke riibhagha rimu hangʼu.

1 Abhatesaronike 4:3

Eryobha ndekwënda mubhe abhatööbhiyu, motighe ghuköra obhutaari.

1 Abhakorinto 5:1

Mahëënë amangʼana ngasanchiri kubha, mboonyi‑ho obhutaari ghate yaanyu, obhutaari bho mooto ghutaara no omukari wi ishe! Obhutaari bhonga bhuyo, bhotaamara korighibhu koru mo‑bhaato bhano bhataryeche Eryobha.

Abharuumi 7:5

Eriibhagha rino simoka yiito e masari ere eratukangata, emeghiro ꞉ngiiköriri amiigha ghiito amabhe ghabhe na changuru chwee ghokwito, toghiighomba ghuköra amasari eriibhagha ryose. Kurëngʼaana na riyo, oroko rokabha‑ho.

Abharuumi 1:29

Mbiichwire amasari gha manga maaru, mbaghuköra amabhe haghare haghare, wiiki m‑bhiighombi bha bheghiro, na mbaanyi ne eriihari. Mbasiighiri eriihë, obhwiti no obhokobhooshani. Mbaghosiikëra obhuröngö na mbaanyi no omukörö mobhe. M‑bhari bha bhaato,

Abharuumi 1:26

Gho ghiri iyo, Eryobha ndebhatighiri bhabhe bharaköra amangʼana gha chaasoni kinya bhuno bhakwënda. Abhakari mbatighiri kuhökëri emebhere gheebho kinya bhuno bhatëëmuru, mbagharwire na ghoghihökëri bhuno etaakwëndëru.

1 Abhatesaronike 4:5

Motabha na ghwighomba kobhe kinya abhaato bhano bhataryeche Eryobha.

1 Abhakorinto 6:11

Abhande ghate yaanyu hangʼu moore. Amare ibheere, gho kohetera kwo Mutëmi wiito Yesu Kirisito, na gho changuru che Körö e Ryobha, obhobhe bhoonyu mbweghuru, mbomusuru, na kubhareru obhuhëënë ambërë e Ryobha.

Abhakorosaayi 2:11

Ibheere gho kubha moonyi no obhumu na Kirisito, ꞉naabhasaariri gho ghotooru kurë na simoka e masari. ꞉Naabhasaariri taanyi kwo mabhökö gha bhaato, amare gho nchëra yaache omwene.

1 Timotewo 6:10

gho kubha ghosiigha chambiiri niko simoka e bhobhe bhoose. Abhande ꞉mbaasiighiri obhwame bhoghaghëri bhangʼiinu, na mbatighiri obhokumi. Ibheere bhayo mbaanyi no obhororo bhwaru kinya omooto uno ingʼuutiri ne eghighësö.

Abheebhuraaniya 13:5

Motabha na atëëmö e ghosiigha chambiiri, amare muhaabhe na bhino moonyi nabhyo, gho kubha Eryobha eryene ꞉ndeebhughiri kubha, “Nteeghoghotigha koru nteeghoghosuuhera naabha.”