Abhakorosaayi 3:25 - Eriiraghano Eriihë

²⁵ Amare wowoose uno aghuköra amabhe nakorehu kurëngʼaana na amabhe ghaache, gho kubha Eryobha retaanyi no obhwingʼaheri.

Abhakorosaayi 3:25 Referans Kwoze

Amaköri gha Bhatomu 10:34

Mbe, Bheetero akabhabhoorera abhaato bhayo akabhugha, “Ibheere niho ˆnekamënya kubha, m‑mahëënë Eryobha retaghöötë obhwingʼaheri!

Abharuumi 2:11

Eryobha retaanyi no obhwahukani kwo mooto wowoose.

2 Abhakorinto 5:10

Hangʼu keenyi, gho kubha itu bhoose ntokwimeerera ambërë e ghetumbe ghe Kirisito ghe ghotenera ekiina. Gho ghayo, omooto woose naghosongʼaana amareho kurëngʼaana na ghano aghuköra mo‑se ino, ghabhe amachömu hamu ghabhe amabhe.

1 Abhatesaronike 4:6

Gho ghayo, omooto wowoose atamutaaseri mughëndi waache, koru komongʼiina. Kinya bhuure ꞉toobhashaangʼiri na kobhabhoorera kubha, bhano bhoose bhaghuköra ghayo, Omutëmi nakobharööna.

1 Bheetero 1:17

Inyu mokorebherekera Eryobha, Taata. Iryo retaakwahukani omooto wowoose, amare ndeghotenera ekiina abhaato bhoose kurëngʼaana na amaköri ghano ꞉bhaaköriri. Gho ghayo, mumanye gho korisëngëra Eryobha kwo riibhagha rino risaaghiri ghokoonyu re kumanya hano mo‑se kinya abhaghëni.

Abhaebheeso 6:9

Na niinyu abhatëmi, hangʼu hangʼu mubhe morabhakörëra abhasësë bhaanyu amachömu. Motabhatiini, gho kubha mweche kubha, Omutëmi waabho no Omutëmi waanyu n‑umu, Mwishaaro anyi, na mweche kubha iwe taanyi no obhwingʼaheri.

Abheebhuraaniya 2:2

Ibheere, ntweche kubha amangʼana gha meghiro ghe Ryobha ghino bhasookoro bhiito ꞉bhaasongʼaaniri gho nchëra e bhamarayika bha Ryobha ngaare no obhotoro. Mbe, abhaato bhoose bhano bhataare bharaghatambana koru ghoghasooka, Eryobha ꞉ndeebhateniire ekiina kurëngʼaana na amasari ghaabho.

Abhakorosaayi 4:1

Inyu abhatëmi, mobhakörërë abhasësë bhaanyu kwo bhuhëënë na ghano gharëngʼaaniire, mubhe morahiita kubha inyu bhoose moonyi no Omutëmi Mwishaaro.

Ruuka 20:21

Ibheere, abhaseghaayi bhayo bhakamobhoori bhakabhugha, “Omweghi, ntweche kubha angʼana yoose ino oghosiikëra na kweghi n‑e hëënë. Wiiki nokweghi amangʼana gha Ryobha kwo bhuhëënë, abhaato bhamënyë kinya okwënda, wiiki tookomwikara a‑mughöngö omooto wowoose wuure.

Yuuta 1:16

Abhaato bhayo mbahiingʼunyerangʼunyera na kwirereeri, bharatambana amiigha ghaabho amabhe. Mbiihachi chwee, na mbahaasiikëra amangʼana gha ghuchömëri abhaato gho ghiri e kwibhönëra obhwëra.

Bhiremooni 1:18

Aribha Oneesimo aghutasiiri angʼana yoyoose yiire, hamu nokwënda akorehe egheghiro, ondehi eni.

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Abhaebheeso 6:8

Mumënyë kubha, omooto woose uno aghuköra amachömu, abhe n‑omusësë hamu uno ataanyi omusësë, Omutëmi Yesu nakomotuha kwo maköri ghaache amachömu.

2 Abhatesaronike 1:6

Eryobha ndeghuköra gha hëënë, ndekobhareha anyaako bhano bhakobhanyaaki inyu,