Abhakorosaayi 3:2 - Eriiraghano Eriihë

² Moghiihëëbhërë ghano ghaanyi Mwishaaro, motiihëëbha gha hano mo‑se,

Abhakorosaayi 3:2 Referans Kwoze

Abhakorosaayi 3:1

Ibheere gho kubha atëëmö yaanyu ahë neryokiibhu haghirohamu na Kirisito, mutabhare amangʼana gha Mwishaaro, hano Kirisito ikeere eribhaara re kwiro re Ryobha.

Mataayo 16:23

Amare Yesu akamwishororeri Bheetero, akamobhoorera akabhugha, “Nooru ambërë yaane ugharuke anyuma, iye Erishambu! Noghusaki kundëki ghuköra amënda gha Ryobha! Nokwihëëbha ghano ghataanyi gha Ryobha, amare n‑gha bhaato okwihëëbha.”

Mataayo 6:19

“Motitoorera agharinga mo‑se ino, gho kubha nekwiröötëra ne ebhebhongi mbeghusari, na abhiibhi mbaghusöha na kwibha.

Abhakorosaayi 3:5

Mbe, mute kurë amangʼana gha mo‑se ino ghano ghaanyi moose yaanyu, kinya obhutaari, no obhoghonchu, no omuraka, na amiihëëbhö amabhe, no oghwighomba ebheghiro. Obhwighombi bhonga hangʼu, n‑kinya ghusëngëra asanaamu taanyi Eryobha.

Ruuka 12:15

Akamara Yesu akabhabhoorera abhaato bhayo akabhugha, “Mwimööhërëri! Mwichonge na atëëmö e bhwighomberi bho bheghiro, gho kubha, obhuhöru bho mooto, bhotaakorwera mo‑bhwaru bho bheghiro bheeche bhino anyi nabhyo.”

Ruuka 16:11

Ibheere aribha inyu motabheere abhahëënë gho kuhökëri obhwame bhoonyu bho mo‑se ino, n‑niwe akobhaha obhwame bho hëënë?

Abhabhiribhi 1:23

Nekorutu ghate e mangʼana abhere. Neghwighomba koru mo‑se ino, niikare haghirohamu na Kirisito. Rino niryo nekorighi ichömu chwee ghokoone.