Abhakorosaayi 3:17 - Eriiraghano Eriihë

¹⁷ Gho ghoose ghano moghosiikëra, hamu ghuköra, mukörë kwo riina re Mutëmi Yesu, na komwitabheri Taata Waryobha kohetera ghokooche.

Abhakorosaayi 3:17 Referans Kwoze

1 Abhakorinto 10:31

Mbe, ibheere, ghyokyose kino moghuköra, ibhe n‑kurë, hamu kunyo, hande koru ghuköra egheghiro ghyokyose, mukörë gho ghiri e koreghongi Eryobha.

Abhakorosaayi 3:23

Ghyokyose kino moghuköra, mukörë kwo mukörö umu, kinya abhaato bhano mokomuhökëri Omutëmi, taanyi abhaato.

Abhaebheeso 5:20

Wiiki, eriibhagha ryose mubhe moramwitabheri Taata Waryobha, gho ghiri e bhaato bhoose, gho kohetera eriina re Mutëmi wiito Yesu Kirisito.

1 Bheetero 4:11

Aribha omooto anyi na amangʼana gha ghosiikëra, asiikërë kinya n‑kwo Ryobha gharuure. Na aribha omooto aghusakeri abhaghëndi bhaache, abhasakeri kwo bhotoro bhuno bhookoru kwo Waryobha. Gho ghayo, Eryobha ndeghoghongibhu mo‑mangʼana ghoose, gho nchëra e Yesu Kirisito omwene uno anyi no obhokumi obhokoro no obhotoro emiishe ne emiishe. Hawubhaabha.

1 Abhatesaronike 5:18

Mwitabheri Eryobha mo‑ghoose, gho kubha ghayo nigho iryo rekwënda mubhe moraköra kinya bhuure Kirisito Yesu ꞉aköriri.

1 Bheetero 2:5

Mbe, mumënyë kubha koru inyu n‑kinya amabhohe ghano ghaanyi amahöru, mokwabhëku ne Eryobha mubhe erikindahaase re körö. Wiiki ndekobhaköra mubhe abhachaama bhaache bhano bhaahwiru koruusi amaruusi gha mo‑chaakörö gho nchëra e Yesu Kirisito.

Abheebhuraaniya 13:15

Mbe, twëndërërë koreghongi Eryobha gho kohetera Yesu ino totaaghutamu, gho kubha amangʼana ghiito gha koreghongi eriina reeche ngatuubhiine na amaruusi ghano tokomoruuseri.

1 Yohana 3:18

Abhaana bhaane abhasiighani, totabhasiigha bhaghëndi bhiito kwo mangʼana agheene, amare tosiighane kwo bhuhëënë gho nchëra e ghukörërana amachömu.

1 Bheetero 2:9

Amare inyu n‑orwibhoro orwahöru, na abhachaama bha ghitëmi, na abhaato abhatööbhiyu, na abhaato bha Ryobha eryene, kubha muraghani amaköri amakoro gha Ryobha. Iryo ndebhabherekiire koru mo‑kengʼuuri, moghi mo‑bhwero bhooche obhokoro bho koroghoori.

Abhabhiribhi 2:11

Wiiki omooto woose ishereri kubha, yesu kirisito n‑omutëmi, kwo bhokumi obhokoro, bho Waryobha Taata wiito.

Amaköri gha Bhatomu 4:30

Taata, ughöröröki okubhökö koocho otukörë totore kuhöri abhaato, otusakeri ghuköra ebhyërëkërëri ne ebhiraghe kwo eriina re Yesu, omutamishi waacho Omutööbhiyu!”

2 Abhatesaronike 2:17

abhaghambisani emetema gheenyu na kobhaköngʼëërëri kwo mangʼana amachömu ghoose ghano moghosiikëra hamu ghuköra.

Abhabhiribhi 1:11

Eriimanya reenyu ndeghwichora amangʼana gha hëënë ghano ghakubhönëka gho nchëra e Yesu Kirisito. Ghayo ghoose gharekumi na koreghongi Eryobha.

Amaköri gha Bhatomu 19:17

Angʼana iyo eghasancha chwee mo‑Bhayahuuti bha hayo Ebheeso, koru na mo‑bhaato bha matöngö. Abhaato bhoose bhaghaghöötu na ahaho. Eriina re Mutëmi Yesu reekabha reraghongibhu.

Abhakorosaayi 1:12

mubhe moramwitabheri Taata gho kubha nabhasakiiri ghusanga aghabho e bhaato bhaache mo‑bhutëmi bho mirëngaari.

Abhaebheeso 1:17

Nekwëndërëra korisabha Eryobha re Mutëmi wiito Yesu Kirisito, Taata o bhokumi obhokoro, abhahë inyu Akörö yaache kubha mubhe na amangʼiini no obhohunyurëru, motore korimënya bhoheene.

Abhakorosaayi 2:7

Mwëndërërë ghosimi emerya muköngʼëri gho Kirisito, mubhe mwabhëkuru moose yaache, na kwimeerera muköngʼiiri mo‑bhokumi kinya bhuure mweghuru, na mubhe abhaato bha koriitabheri Eryobha eriibhagha ryose.

Mataayo 28:19

Mbe, mughëndë kwo bhaato bha matöngö ghoose na kobhaköra kubha abhaanabheegha bhaane. Mobhakörë bhabhe abhaanabheegha bhaane gho kobhabhatiisa, kwo riina re Taata, na re Moona na re Akörö Ahörëëru.

1 Yohana 2:23

Omooto uno akomwanga Omoona, tamweche Taata Waryobha. Amare uno akomokumi Omoona ambërë e bhaato, iwe naanyi no obhumu na Taata Waryobha.

Abharuumi 1:8

Nisëëmë gho kobhugha kubha, nekoriitabheri Eryobha kohetera kwo Yesu Kirisito, gho ghiri yaanyu bhoose, gho kubha amangʼana ighoro e bhokumi bhoonyu ngamënyuru mo‑se yoose.

Abheebhuraaniya 1:5

Taanyi‑ho marayika uno ꞉abhooriiru ne Eryobha ghano ꞉amobhooriire Yesu kubha, “Iye niiye Omoona waane, eni reero nibheere Iso waacho.” Eryobha retabhooriire marayika wowoose kubha, “Neekubha Ishe, woose naakubha Omoona waane.”

1 Abhatesaronike 1:1

Anyaarubha ino neyandëkiri eni Bhawuro, haghirohamu na Sirwano na Timotewo. Ntokobhaandëkëra inyu bhano moonyi mo‑riikanisa re moghya o Tesaronike, bha rikinda re bhaato bhano momokumiri Taata Waryobha no Omutëmi wiito Yesu Kirisito. Ntököbhëëndëra aghareeya no omurëmbë ghibhe haghirohamu na niinyu.

Abhakorosaayi 3:15

Omurëmbë o Kirisito ukangate mo‑metema gheenyu. Inyu mubheere omobhere umu, gho ghayo, mumanye kwo murëmbë. Wiiki mubhe morariitabheri Eryobha.