Abhakorosaayi 3:16 - Eriiraghano Eriihë

¹⁶ Angʼana e Kirisito yiikare kwo bhwaru moose yaanyu. Mwegherani, na ghutöngërana mo‑mangʼiini ghoose. Moryembere Eryobha gho Sabhuri, na kwo myembo, na gho chatensi che mo‑metema. Hano mookubha moraryembera, mubhe morariitabheri mo‑metema gheenyu.

Abhakorosaayi 3:16 Referans Kwoze

Abhaebheeso 5:19

Gho ghayo, mubhe moreemberana gho Sabhuri, na kwo myembo na gho chatensi che mo‑motema. Mubhe moramwembera na komuchaghanera Omutëmi Yesu, kwo metema gheenyu ghyose.

Yohana 15:7

Aribha moghwikara moose yaane na amangʼana ghaane ghiikare moose yaanyu, mbe, musabhe Taata ghyokyose kino mokwënda, na niinyu mokuhaabhu.

Abharuumi 10:17

Gho ghayo, abhaato mbaghotora komokumi Kirisito erabha bharooghu angʼana ighoro e Kirisito. Wiiki mbaghotora kooghu erabha angʼana iyo e Kirisito iraghiinu.

1 Yohana 2:24

Ibheere, mwëndërërë ghoghatoora mo‑metema gheenyu amangʼana ghano mweghuru korwera hano mokumiri Kirisito. Moraköra hangʼu, niho na niinyu mokwëndërëra kubha no obhumu no Omoona, na Taata Waryobha.

Abhaebheeso 1:17

Nekwëndërëra korisabha Eryobha re Mutëmi wiito Yesu Kirisito, Taata o bhokumi obhokoro, abhahë inyu Akörö yaache kubha mubhe na amangʼiini no obhohunyurëru, motore korimënya bhoheene.

Yakobho 3:17

Amare, amangʼiini ghano ghaakoru kwo Waryobha, m‑machömu wiiki n‑gha murëmbë, no obhuhörëëru, igho ngaghutëghëërëra amangʼana gha abhaato. Igho ngiichwire changori na amaköri amachömu, na ghataanyi no obhwahukani koru obhobhiihi.

2 Yohana 1:2

Nebhasiighiri gho kubha eni na niinyu ntweche obhuhëënë, wiiki ntokwëndërëra kobhumënya miishe ghyose.

2 Timotewo 3:15

Wiiki, weeche Amandëkö Amatööbhiyu koru bhoona. Amandëkö ghayo ngaanyi no obhotoro bho ghokumënyi kubha obhotoori mbokubhönëka gho nchëra e komokumi Kirisito Yesu.

Abhakorosaayi 1:9

Gho ghiri iyo ntokobhasabhera chaasiko choose korwera riibhagha rino tooghwire amangʼana ghaanyu. Ntoghusabha kubha Eryobha rebhahë obhumënyi bhoose gho ghaare iryo rekwënda, na amangʼiini ghoose no obhumënyi koru mo‑Körö Ahörëëru.

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.

1 Yohana 2:27

Inyu motakongʼiinu, gho kubha Kirisito nabhaheere Akörö Ahörëëru, ino eghwikara moose yaanyu. Iyo niyo ekobheeghi ghoose, ameeghi ghaache n‑gha mahëënë, ghataanyi gha bhuröngö. Gho ghayo, teekwëndëru kubha omooto abheeghi. Kinya bhuure Akörö ebheeghiri, ibheere mwëndërërë kubha no obhumu na Kirisito.

Abhakorosaayi 4:6

Eriibhagha ryose amangʼana ghaanyu ghabhe amachömu na gha ghotegheri, kubha mumënyë komugharokeri bhoheene omooto woose.

Abhaebheeso 5:17

Gho ghayo, motabha bhaghëëghë, amare mwiköngʼi ghoghamënya amiigha gha Mutëmi Yesu.

Yakobho 5:13

Moonyi no omooto uno akunyaaka ghate yaanyu? Nakwëndëru asabhe Eryobha. Hamu naanyi‑ho wowoose uno achömiiru? Nakwëndëru embe emyembo ghe ghoghoghi.

Tiito 3:6

Eryobha ndetwiteriire kwo bhwaru Akörö Ahörëëru koheta ekirëngërë, gho nchëra e Yesu Kirisito Omotoori wiito.

1 Abhakorinto 14:26

Ibheere abhahiiri bhaane, tobhughe bhu? Hano mookubha mwikomiine ghusabha, umu nakwemba omwembo, no owonde nakweghi, no owonde naghosiikëra ghano Eryobha remohunyuriire, no owonde naghosiikëra eghighambo ekihë, no owonde naghugharura eghighambo. Amangʼana ghayo ghoose ghaköru gho ghuköngʼi abhakumi.

Yakobho 1:5

Amare uno aghosuuheru na amangʼiini, nakwëndëru arisabhe Eryobha naryo ndekomuha, gho kubha ndehaabhaha abhaato bhoose, kwo bhosiighi, koru iryo retaanyi na anyaanyi.

Abhakorosaayi 1:28

Iwe Kirisito niwe tokuraghani amangʼana ghaache, ntokobhashaangʼi na kobheeghi abhaato bhoose kwo mangʼiini ghoose, kubha tobharëëtë bhoose ambërë e Ryobha bhaköngʼiri gho ghughöötana koobho na Kirisito.

Obhohunyurëru 15:3

Mbaare bhareemba omwembo o Musa omusësë o Ryobha, no o Moona o Ngʼöndu, bharabhugha, “Omutëmi Waryobha o Bhotoro Bhoose, amaköri ghaacho m‑makoro na gha koroghoori. Iye niiye Omutëmi o matöngö ghoose, na chanchëra cheecho n‑che hëënë, na che bhuhëënë.

1 Yohana 2:14

Nabhaandëkiire bhataata, gho kubha momweche Taata Waryobha uno are‑ho korwera simoka. Nabhaandëkiire abhabhureni, gho kubha moonyi na changuru, na mokwëndërëra ghughööta angʼana e Ryobha, na morekindiri Erishambu.

1 Timotewo 6:17

Obhabhoorere abhaame bha mo‑se ino bhatighe kwihacha na ghwitëngʼëra obhwame bhoobho. Obhwame bhuyo m‑bho riibhagha ighuhe hangʼu. Amare, bhariitëngʼërë Eryobha rino reghotuha ebheghiro bhyose gho ghusambaaruka kooche, kubha tobhihökëri gho ghuchömëru.

2 Abhatesaronike 3:15

Amare motamubhara kinya omobhisa, mubhe moramoshaangʼi kinya omughëndi waanyu.

1 Abhatesaronike 4:18

Ibheere mubhe morighambisani kwo mangʼana ghayo.

1 Abhakorinto 14:15

Ibheere nekwëndëru ghuköra ke? Neghusabha mo‑körö gho ghighambo ekende, wiiki neghusabha kwo bhongo, nekwemba mo‑körö gho ghighambo ekende, wiiki nekwemba kwo bhongo.

Mataayo 26:30

Bhakamara bhakeemba emyembo ghe koreghongi Eryobha. Hano bhamariri kwemba, bhaghatanura hayo, bhaaghaye mo‑gheghoro ke Miseyituuni.

Abharuumi 15:14

Abhahiiri bhaane, eni omwene neenyi no obhuhëënë kubha inyu n‑abhaato abhahöriicho chwee, na moonyi no obhumënyi bhoose, wiiki moonyi no obhotoro bho korwachana inyu bheene kwo bheene.

Ruuka 2:51

Hano bhamariri ghayo, bhaaghaye nawe awaabho Nasareeti, akabha arabhasooka. Ghayo ghoose ꞉ghaaköruru, nyina naare aghatooriri mo‑motema waache.

Obhohunyurëru 19:10

Niho neghagho kebhuuma ambërë e marayika uyo, kubha nemusëngërë. Amare akamboorera akabhugha, “Tigha! Eni woose n‑omutamishi mughëndi waacho neenyi. Nturëngʼiine na abhahiiri bhaacho abharööti, na abhande bhoose bhano bhakoruusi obhwibhateri ighoro e Yesu. Mbe, usëngërë Eryobha eryene chiri! Gho kubha, obhuhëënë bhuno Yesu ërëkiri, nibho bhoghughëri abhaato bhararuusi obhurööti.”

Obhohunyurëru 14:3

Abhaato ekirara kimu ne ebheku miröngö ene na bhane bhayo (144,000), mbaare bhiimeeriire ambërë e ghetumbe ghe ghitëmi, na ambërë e bhetyenyi bhiire bhine bhe bhuhöru, na abhagharuka bhaare miröngö ebhere na bhane. Abhaato bhayo mbaare bhareemba omwembo omuhë, na taanyi‑ho owonde uno atoriri kwegha omwembo uyo, nanyinga abhaato bhano bhatooriibhu koru mo‑se abheene.

Abhaebheeso 5:26

꞉Naaköriri hangʼu, kubha amuse eriikanisa, gho koryeghi kwo manche gha bhubhatiiso, na kwo ngʼana e Ryobha.

1 Abhatesaronike 1:8

Korwera ghokoonyu, abhaato mbooghwire Angʼana e Mutëmi Yesu. Taanyi kwo bhaato bha Maketoniya na Akaaya abheene, amare obhokumi bhoonyu kwo Waryobha mbumanyëkiine hoose. Gho ghayo, totaakwinyaaki ghosiikëra ghyokyose ighoro e bhokumi bhoonyu.