Abhakorosaayi 3:15 - Eriiraghano Eriihë

¹⁵ Omurëmbë o Kirisito ukangate mo‑metema gheenyu. Inyu mubheere omobhere umu, gho ghayo, mumanye kwo murëmbë. Wiiki mubhe morariitabheri Eryobha.

Abhakorosaayi 3:15 Referans Kwoze

Yohana 14:27

Hano neghutanura, nekobhatighera omurëmbë, omurëmbë waane nekobhaha. Omurëmbë uno taanyi kinya uno okoru mo‑se. Motiitumata mo‑metema gheenyu, wiiki motatiina ghyokyose.

Abharuumi 15:13

Eryobha niryo toghwitëngʼëra kubha ndeghuköra ghoose ghano ꞉reeturaghiri. Gho ghayo, nekobhasabhera kubha, rebhahë omurëmbë chwee na ghuchömëru kwaru hano mokwëndërëra korekumi. Hayo niho mookubha ne eriitëngʼërö ikoro, rino moonyi naryo gho changuru che Körö Ahörëëru.

1 Abhatesaronike 5:18

Mwitabheri Eryobha mo‑ghoose, gho kubha ghayo nigho iryo rekwënda mubhe moraköra kinya bhuure Kirisito Yesu ꞉aköriri.

Abharuumi 5:1

Mbe, Eryobha ndetubhariri kubha m‑bha hëënë toonyi ambërë yaache, kurëngʼaana no obhokumi bhwito. Gho ghayo, ntoonyi no omurëmbë ne Eryobha gho kohetera Omutëmi wiito Yesu Kirisito.

Abhakorosaayi 3:17

Gho ghoose ghano moghosiikëra, hamu ghuköra, mukörë kwo riina re Mutëmi Yesu, na komwitabheri Taata Waryobha kohetera ghokooche.

Yohana 16:33

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

Abhaebheeso 5:20

Wiiki, eriibhagha ryose mubhe moramwitabheri Taata Waryobha, gho ghiri e bhaato bhoose, gho kohetera eriina re Mutëmi wiito Yesu Kirisito.

2 Abhakorinto 9:11

Ndeekubha rerabhaha obhwame mo‑ghoose, kubha mubhe abhasambaroku eriibhagha ryose. Hayo niho abhaato bhaakubha bharariitabheri Eryobha gho ghiri e bheghiro bhino tokobhahirera koru ghokoonyu.

Abhaebheeso 4:4

Itu bhoose ntoonyi kinya omobhere umu na ꞉ntoobhwine Akörö Ahörëëru imu, kinya bhuno eriitëngʼërö rino mobherekiiru ne Eryobha reenyi rimu.

Abharuumi 14:17

Amangʼana amachömu mo‑bhaato bha bhutëmi bho Ryobha taanyi ighoro e kurë hamu kunyo, amare n‑ghuköra ghano Eryobha rekwënda, kubha no omurëmbë na kumanya gho ghuchömëru. Ghayo ghoose ngaakubha kwo bhotoorereri bho Körö Ahörëëru.

1 Timotewo 2:1

Mbe, ghokera ghoose neghusabha mubhe morasabhera abhaato bhoose, kwo masabhi gha manga maaru. Wiiki, mubhe morariitabheri Eryobha gho ghiri e bhaato bhoose.

Abhakorosaayi 2:7

Mwëndërërë ghosimi emerya muköngʼëri gho Kirisito, mubhe mwabhëkuru moose yaache, na kwimeerera muköngʼiiri mo‑bhokumi kinya bhuure mweghuru, na mubhe abhaato bha koriitabheri Eryobha eriibhagha ryose.

Abhaebheeso 5:1

Mbe, gho kubha inyu n‑abhaana bha Ryobha moonyi bhano resiighiri, mweghe asughara na amaköri ghaache.

2 Abhakorinto 4:15

Ibheere amangʼana ghoose ghano ghaghotubhöna, ngaghotubhöna gho ghiri yaanyu, kubha aghareeya e Ryobha ebhahikere abhaato bhaaru chwee, kubha abhaato bhëëngërë koriitabheri Eryobha. Kurëngʼaana na ghayo, Eryobha ndekwëndërëra ghoghongibhu.

Obhohunyurëru 7:12

bharabhugha, “Hawubhaabha! Eryobha riito ndeenyi no obhokumi obhokoro, na ndeenyi na amangʼiini, wiiki ndeenyi no obhotoro na changuru choose, toreghongi, toriitabheri, toresooke, emiishe ne emiishe. Hawubhaabha!”

Abhaebheeso 4:16

Kirisito naghughöötani abhaato bhaache bhoose kubha bhamu, kinya bhuno ebhyemo bhe mobhere bhehaghöötana haghirohamu, na kubha omobhere umu. Mbe, kira kyemo keraköra omoremo waache kinya ghekwëndëru, omobhere woose nokwiyëngëra na ghuköngʼëri mo‑bhosiighi.

Abhakorosaayi 1:12

mubhe moramwitabheri Taata gho kubha nabhasakiiri ghusanga aghabho e bhaato bhaache mo‑bhutëmi bho mirëngaari.

Abheebhuraaniya 13:15

Mbe, twëndërërë koreghongi Eryobha gho kohetera Yesu ino totaaghutamu, gho kubha amangʼana ghiito gha koreghongi eriina reeche ngatuubhiine na amaruusi ghano tokomoruuseri.

1 Abhakorinto 7:15

Amare omosubhe hamu omukari uno ataanyi omokumi arëënda ghutaana no omokumi uno akwirine nawe, omotighe akörë hangʼu. Hayo omokumi uyo taakubhöhu no obhokwirani bhoobho. Amare Eryobha ndetobherekiire kubha tumanye kwo murëmbë.

Abharuumi 1:21

Nangabha bharyeche Eryobha kinya reenyi, amare bhataakoreghongi koru koriitabheri kinya Eryobha reebho. Amiihëëbhö ghaabho ghaakabha amabhe, ghaghakundekeru ne ekengʼuuri.

1 Abhakorinto 10:17

Omughaate uyo toghusanga itu bhoose n‑umu. Gho ghayo, itu bhoose n‑omobhere umu, nangabha toonyi bhaaru.

1 Timotewo 6:12

Wiköngʼi kurööna eriihë ichömu re bhokumi bhwito, ughöötërërë obhuhöru bho miishe ghyose. Obhuhöru bhuyo, Eryobha ndebhabherekiire mobhubhönë, na moruusiri obhwibhateri bho mahëënë ambërë e bhiibhateri bhaaru kubha, moghwitëngʼëra kobhubhöna.