Abhakorosaayi 3:13 - Eriiraghano Eriihë

¹³ Moghumererani inyu bheene kwo bheene na kwabhërana. Aribha umu ghate yaanyu naanyi na angʼana kwo mughëndi, mokwëndëru mwabhërane kinya bhuno Omutëmi Yesu abhaabhiire inyu.

Abhakorosaayi 3:13 Referans Kwoze

Abhaebheeso 4:32

Amare morigherani changori mubhe ne emetema myero kwo bhande. Mubhe moraabhërana kinya bhuno Eryobha rebhaabhiire gho kohetera gho Kirisito.

Maariko 11:25

Amare hano moghusabha, momwabhërë omooto wowoose uno abhatasiiri. Niho Iso waanyu uno anyi Mwishaaro akobhaabhëra na niinyu amasari ghaanyu. [

Yakobho 2:13

Eryobha retaakubha na changori hano rekomotenera ekiina omooto uno ataanyi na changori. Amare changori che Ryobha ncheghokinda ghoteneru ekiina!

Abhaebheeso 4:2

Eriibhagha ryose mubhe bhanyööhu, na abhahörëëru, na abhaghumereri. Moghumererani inyu bheene kwo bheene kwo bhosiighi.

Mataayo 6:12

Otwabhërë chasiire chiito, kinya na niitu bhoose tohaabhaabhëra abhasiire bhiito.

2 Abhakorinto 6:6

Wiiki ntokwërëki kubha itu n‑abhatamishi bha Ryobha mo‑bhughöröröku, na mo‑bhumënyi, na mo‑bhoghumereri, na mo‑bhuhöriicho, na gho nchëra e ghukangatu na Akörö Ahörëëru, na mo‑bhosiighi bho hëënë,

Abhagharatiya 6:2

Mubhe moratoorani gho ghusakerani obhorito bho merigho gheenyu. Niho mokohikeerani emeghiro ghe Kirisito.

2 Abhakorinto 2:10

Omooto wowoose uno mokomwabhëra, na neeni neekubha nemwabhiire. Na aribha enyi‑ho angʼana ino nekwëndëru kwabhëra, neryabhiire ambërë e Kirisito gho ghiri yaanyu,

Ruuka 23:34

Yesu akabhugha, “Oo Taata! Obhaabhërë, gho kubha bhateeche kino bhaghuköra.” Bhakamara, abhaashirikare bhayo bhakahööha amaghööti gha Yesu gho ghoghatëmëra akuura.

Ruuka 11:4

Otwabhërë amasari ghiito, kinya tokwabhëra bhano bhaghotutaaseri. Wiiki otatusöhi mo‑masaki, [amare ototoori no Omobhisa wuure].’”

Mataayo 5:44

Amare eni ˆnekabhabhoorera kubha, mobhasiighe abhabhisa bhaanyu. Wiiki, mobhasabhere kwo Ryobha bhoose bhano bhakobhanyaaki.

1 Bheetero 2:21

Eryobha ndebhabherekiire kwo bhoghumereri bhuyo, gho kubha koru Kirisito omwene nanyaakiru gho ghiri yaanyu. Gho ghuköra hangʼu, akabhatighera eghetuubhaani, kubha mubhe moramwegha.

Abharuumi 15:7

Ibheere, mubhe moriighënëhi inyu bheene kwo bheene, kinya bhuno Kirisito abhaghënëhiri inyu, kubha abhaato bhareghongi Eryobha.

Abhakorosaayi 3:12

Ibheere gho kubha inyu n‑abhaahöru bha Ryobha moonyi, na abhatööbhiyu bhano mosiighuru, mubhe no omotema o bheghongi, na atëëmö e bhuhöriicho, no obhunyööhu, no obhuhörëëru, no obhoghumereri.

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.