Abhakorosaayi 3:12 - Eriiraghano Eriihë

¹² Ibheere gho kubha inyu n‑abhaahöru bha Ryobha moonyi, na abhatööbhiyu bhano mosiighuru, mubhe no omotema o bheghongi, na atëëmö e bhuhöriicho, no obhunyööhu, no obhuhörëëru, no obhoghumereri.

Abhakorosaayi 3:12 Referans Kwoze

Abhaebheeso 4:32

Amare morigherani changori mubhe ne emetema myero kwo bhande. Mubhe moraabhërana kinya bhuno Eryobha rebhaabhiire gho kohetera gho Kirisito.

Abhaebheeso 4:2

Eriibhagha ryose mubhe bhanyööhu, na abhahörëëru, na abhaghumereri. Moghumererani inyu bheene kwo bheene kwo bhosiighi.

1 Yohana 4:19

Ibheere itu ntosiighiri bhaghëndi bhiito ne Eryobha ntoresiighiri, gho kubha Eryobha niryo ꞉riishamiri ghotosiigha.

Abhakorosaayi 3:10

mobheekiri atëëmö ahë. Atëëmö ahë iyo nehaabha eraköru bhuhë kurëngʼaana ne eghetuubhaani keeche eryene rino reyebhombiri, kubha morimënyë bhoheene.

2 Bheetero 1:10

Mbe, abhahiiri bhaane, mwiköngʼi chwee kwërëki kubha Eryobha ndebhabherekiire na kobhaahura. Aribha eriimanya reenyu hangʼu reenyi, motaakobhora naabha.

1 Abhatesaronike 5:15

Mumööhi, omooto wowoose atamoreha omughëndi waache amabhe kwo mabhe. Amare eriibhagha ryose mubhe morakörërana amachömu inyu bheene na kobhakörëra abhande bhoose.

2 Abhakorinto 6:6

Wiiki ntokwërëki kubha itu n‑abhatamishi bha Ryobha mo‑bhughöröröku, na mo‑bhumënyi, na mo‑bhoghumereri, na mo‑bhuhöriicho, na gho nchëra e ghukangatu na Akörö Ahörëëru, na mo‑bhosiighi bho hëënë,

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

1 Bheetero 1:2

Korwera kare, Taata Waryobha nabhamënyiri na kobhaahura gho ghiri yaache. Akörö yaache nebhaköriri mubhe abhatööbhiyu, kubha momosooke Yesu Kirisito na komusu kwo masaahë ghaache. Nëköbhëëndëra aghareeya no omurëmbë kwo bhwaru, ghibhe na niinyu.

2 Timotewo 2:10

Gho ghayo, neghoghumereri ghoose gho ghiri e bhaato bhano bhaahwiru ne Eryobha bhabhe abhaato bhaache. Neghuköra hangʼu, kubha bhoose bhasongʼaane obhotoori kohetera Kirisito Yesu, na ghusanga obhokumi bhooche obhokoro bho emiishe ghyose.

Abharuumi 1:7

ˆNekabhaandëkëra inyu abhakumi bhoose bhano moonyi iyo Ruumi. Eryobha ndebhasiighiri chwee, na ꞉ndeebhabherekiire kubha mubhe abhaato bhaache abhatööbhiyu. Nëköbhëëndëra aghareeya no omurëmbë koru kwo Waryobha Taata wiito, na kwo Mutëmi wiito Yesu Kirisito, ghibhe haghirohamu na niinyu.

Tiito 1:1

Anyaarubha ino neyandëkiri eni Bhawuro, omutamishi o Ryobha, no omotomu o Yesu Kirisito. Eni netomuru gho ghiri e kwërëkërëri abhaato bhano bhaahwiru ne Eryobha, kubha bhatore komokumi na kumënya obhuhëënë ighoro e Yesu Kirisito. Obhuhëënë bhuyo mbokobhakangata ghuköra ghano ghakwëndëru ambërë e Ryobha,

Mataayo 24:31

Niho nekobhatoma bhamarayika bhaane bhatëmë chantaara kwo riiraka ikoro, kubha bhabhakome abhaahöru bhoose bha Ryobha koru chambaara choose che se. Abhaahöru bhayo mbakuucha korwera eribhaara rimu mbagha ghutabhura eribhaara erende.”

Ruuka 18:7

Eryobha kana, retaakobhakörëra bhoheene abhaato bhaache bhano bhakorisasaama rebhatoori, obhotiko no omwishe? Hëënë ndeghukëëchëra kobhatoori?

Ruuka 1:78

Eryobha riito, ndetoghweriire ebheghongi chwee. Obhotoori bhooche koru Mwishaaro, mboghotorwera ke mirëngaari,

Maariko 13:27

Nekobhatoma bhamarayika bhaane bhabhakome abhaahöru bhoose bha Ryobha koru chambaara choose che se, korwera hano ase irëngiire, mbagha hano esiriire.

Abhaebheeso 4:24

Mwitoorere asughara ahë, ino ꞉itëëmuru gho tëëmö e Ryobha. Atëëmö iyo nekorighibhu gho ghuköra ghano iryo rekwënda na kubha no obhutööbhiyu.

2 Timotewo 1:9

Iryo ꞉ndeetotooriri, reghatobherekera tubhe abhaana bhaache abhatööbhiyu. Retaaköriri hangʼu gho ghiri e maköri ghiito, amare ꞉ndiiköriri gho ghiri e miigha ghaache na aghareeya yaache. ꞉Ndeetoheere aghareeya iyo gho nchëra e Kirisito Yesu, koru ase ino ekeere ghutëëmu.

Abhabhiribhi 1:8

Eryobha ndyeche kubha neghosiikëra obhuhëënë hano neghokumereri kubha neghwighomba korighani na niinyu wiiki. Nebhasiighiri inyu kwo bhosiighi bhuure bhuure kinya Kirisito Yesu abhasiighiri inyu.

Abhaebheeso 1:4

Hano Eryobha reere rekeere ghutëëma ase ino, ꞉ndeetwahwire tubhe abhaato bhaache gho ghughöötanibhu na Kirisito kubha, tubhe abhatööbhiyu na totaanyi ni isörö ambërë yaache. Kwo bhosiighi bhooche,

Abharuumi 9:11

Amare, ebhisare bhiyo hano bheere bhekeere kwibhoru, na koru bhekeere ghuköra ghyokyose kibhe ghichömu hamu ekebhe, Eryobha rëkëërëki amënda ghaache gha kwahura,

Maariko 13:22

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri ne ebhiraghe, kubha bhasaki kobhangʼiina bhano bhaahwiru ne Eryobha.

Maariko 13:20

Wiiki, aribha Omutëmi atangatoriri ghoghuheehi eriibhagha riyo re nyaako, mbe, taanyi‑ho omooto uno angahöniri. Amare gho ghiri e bhaahöru bhaache, naghochiköra chibhe inguhe chaasiko chiyo.

Mataayo 24:22

Aribha Eryobha retangatoriri ghoghuheehi eriibhagha riyo re nyaako, mbe, taanyi‑ho omooto uno angahöniri. Amare gho ghiri e bhaahöru bhaache, Eryobha ndeghochiköra chibhe inguhe chaasiko chiyo.

Obhohunyurëru 17:14

Mbaghughöötana nagho ghuköra eriihë no Omoona o Ngʼöndu. Amare Omoona o Ngʼöndu haghirohamu na abhaato bhaache mbakobhahicha, gho kubha iwe n‑Omutëmi o bhatëmi no Omukangati o bhakangati. Abhaato bhaache m‑bhaare ꞉bhaabherekiiru na kwahoru ne Eryobha, abhaato bhayo m‑bha hëënë.”

2 Yohana 1:13

Mbe, abhaana bha mosubhaati waanyu uno ahwiru ne Eryobha, mbaghoghukëëri.

Mataayo 24:24

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri bhekoro ne ebhiraghe bhekoro, kubha bhasaki kobhangʼiina koru bhano bhaahwiru ne Eryobha.

Abharuumi 13:14

Amare ibheere, mo‑riimanya reenyu ryose, mubhe morakangatu no Omutëmi Yesu Kirisito. Motiishereri koru hasuuhu ghukangatu na simoka yaanyu e masari moratambana amiigha ghaanyu amabhe.

1 Abhakorinto 13:4

Obhosiighi mbokomuköra omooto abhe no obhoghumereri, na abhe omuhöriicho, na atabha ne eriihari, na atabha no obhwihachi, wiiki atabha no omutu muköngʼu.