Abhakorosaayi 3:11 - Eriiraghano Eriihë

¹¹ Gho ghayo, bhotaanyi‑ho bhwahukani bho Muyahuuti hamu omooto o matöngö, uno asaaruru, hamu uno atasaaruru, uno aghutaraahu na uno atasömiri, omusësë hamu uno ataanyi omusësë. Amare Kirisito niwe akohikeerani ghoose, wiiki naanyi moose e bhoose.

Abhakorosaayi 3:11 Referans Kwoze

1 Abhakorinto 12:13

Neghosiikëra hangʼu, gho kubha itu bhoose, tubhe Abhayahuuti hamu abhaato bha matöngö aghande, tubhe abhasësë hamu abhaato huuru, ntubhatiisuru gho Körö imu na kuhaabhu Akörö iyo, kubha tubhe omobhere umu.

Abharuumi 10:12

Amangʼana ghayo ngakwërëki kubha bhotaanyi‑ho obhwahukani ghate e Abhayahuuti hamu abhaato bha matöngö. Naanyi‑ho Omutëmi umu hangʼu kwo bhaato bhoose. Iwe m‑muhaani chwee kwo bhaato bhoose bhano bhakomusabha.

Abhaebheeso 3:6

Ekebhisere ekyene nikyo kino, gho nchëra e ghokumi Angʼana Anchömu abhaato bha matöngö mbakubhöna aghabho haghirohamu na Abhayahuuti. Wiiki abhaato bhayo n‑kinya omobhere umu na Abhayahuuti, na mbaghusanga haghirohamu eriiraghano riire riire rino Eryobha ꞉riiköriri gho nchëra e Kirisito Yesu.

Abhaebheeso 1:23

Eriikanisa n‑omobhere o Kirisito, iryo n‑obhohikeerani bho Kirisito uno akohikeerani ebheghiro bhyose.

Abharuumi 3:29

Kana, Eryobha n‑Eryobha re Bhayahuuti abheene, ghasi koru na bha matöngö? Hee, Eryobha n‑de bhaato bhoose!

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

Yohana 17:23

Eni neenyi moose yaabho, na niiye noonyi moose yaane. Neghusabha kubha bhabhe egheghiro kimu inkongʼorimu, kubha gho nchëra iyo abhaato bhoose bha se bhamënyë kubha n‑iye uno ontomiri, wiiki bhamënyë kubha nobhasiighiri kinya bhuno onsiighiri eni.

Abhagharatiya 2:20

Eriimanya reene riire re kare ndekuure haghirohamu na Kirisito mo‑musarabha. Ibheere muhöru neenyi, amare taanyi eni, gho kubha Kirisito niwe anyi omuhöru moose yaane. Obhuhöru bhuno neenyi nabho eriibhagha rino, nebhughöötë gho ghiri e ghokumi Omoona o Ryobha. Iwe nansiighiri na akaruusi obhuhöru bhooche ghokoone kubha antoori.

1 Abhakorinto 7:19

Ghusaaru hamu ghotigha ghusaaru ghotaanyi no obhwëra. Egheghiro kino keenyi no obhwëra n‑ghughööta emeghiro ghe Ryobha.

Amaköri gha Bhatomu 15:17

niho abhaato bha matöngö bhoose mbaghuntabhara, bhaare nebhabherekiire kubha bhabhe abhaato bhaane. Amangʼana ghayo, eni neghoghaköra,

Abhakorosaayi 2:10

Inyu muhaabhuru bhyose gho ghughöötana na Kirisito, iwe niwe Omutëmi omokoro uno anyi no obhotoro bhoose mo‑se ino etaakorighibhu.

Abharuumi 1:14

Eryobha ndihatëkiri nibhe neraraghani Angʼana Anchömu kwo bhaato bhoose, kwo Bhayunaani na kwo bhano bhataanyi Abhayunaani, na kwo bhasömi na kwo bhano bhatasömiri.

Yohana 15:5

“Eni n‑omusabhiibhu, na niinyu n‑ebhihaghe. Omooto uno aghwikara moose yaane, na neeni moose yaache, uyo naakubha arasönga amakorobhese maaru, gho kubha aribha taanyi eni motaaghotora ghuköra ngʼana yoyoose.

Amaköri gha Bhatomu 28:4

Abhaato bha hayo, hano bharooche kubha anchöka iyo nekwiniina mo‑kubhökö gho Bhawuro, bhakabhoorani bhakabhugha, “Omooto uno m‑mahëënë m‑mwiti are, nangabha ahöniri mo‑nyancha, omusambu wiito uno okobherekeru Obhuhëënë tookomwisherereri ëndërërë kubha muhöru.”

Amaköri gha Bhatomu 28:2

Abhiikari bha hayo bhaghatughënëhi bhoheene chwee. Bhaghatukörëra amachömu, bhaghatuhëmbëra omororo twate, gho kubha ndeere eriibhagha re nyighita, na ambura neere eratëëka.

Yohana 14:23

Yesu akamugharokeri akabhugha, “Omooto wowoose uno ansiighiri, naghughööta angʼana yaane. Taata waane nakomosiigha, wiiki eni na Taata ntookuucha ghokooche na ghwikara haghirohamu nawe.

2 Yohana 1:9

Wowoose uno ataakwëndërëra ghughööta ameeghi gha Kirisito, wiiki naghugharura ameeghi ghayo, uyo taanyi no obhumu ne Eryobha. Amare, uno akwëndërëra ghughööta ameeghi gha Kirisito, naanyi no obhumu na Taata Waryobha no Omoona waache.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.

Abhaebheeso 6:8

Mumënyë kubha, omooto woose uno aghuköra amachömu, abhe n‑omusësë hamu uno ataanyi omusësë, Omutëmi Yesu nakomotuha kwo maköri ghaache amachömu.

Abhaebheeso 3:17

kubha gho nchëra e bhokumi, Kirisito abhe ariikara mo‑metema gheenyu. Hayo niho obhosiighi bhooche, bhookubha bhorabhaha changuru che kwimeerera muköngʼiiri kinya omote uno osimiri emerya haase chwee, hamu kinya anyumba ino yabhëkuru ighoro e bhoroso bhuchömu.

1 Abhakorinto 14:11

Ibheere, erabha ntyeche eghighambo kino owonde aghosiikëra, neekubha kinya omughëni mo‑mooto uyo, woose naakubha kinya omughëni ghokoone.

Abharuumi 3:22

Abhaato bhoose bhano bhakomokumi Yesu Kirisito, Eryobha ndekobhabhara kubha abhahëënë ambërë yaache, gho kohetera obhuhëënë bho Yesu. Taahukiini omooto wowoose,

Abhaebheeso 2:14

Kirisito omwene naturëëtiire omurëmbë gho kobhaköra Abhayahuuti na abhaato bha matöngö kubha egheghiro kimu. ꞉Naaköriri hangʼu gho nchëra e kuhaanyura oroghito runo roore rotutaaniri na ghotuköra abhabhisa. Oroghito ruyo nduhanywiru gho nchëra e roko rooche,

Abhaebheeso 2:15

aghatoruuseri emeghiro ghe Kiyahuuti ghino gheenyi na amahatëkö na amëërëkërëri. Gho ghayo, aghaköra itu Abhayahuuti na abhaato bha matöngö kubha egheghiro kimu ekihë kino keenyi no obhumu nawe, na akarëëta omurëmbë.