Abhakorosaayi 2:5 - Eriiraghano Eriihë

⁵ Ibheere gho kubha eni nteenyi haghirohamu na niinyu kwo mobhere, amare gho körö, neenyi haghirohamu na niinyu. Eni neghuchömëru kooghu kinya mokwëndërëra mo‑bhumu bhoonyu na ghuköngʼëri obhokumi bhoonyu gho Kirisito.

Abhakorosaayi 2:5 Referans Kwoze

1 Abhatesaronike 2:17

Bhahiiri bhiito, ghutaana kwito na niinyu nkoore kwo riibhagha isuuhu hangʼu, wiiki ghutaana kuyo nkoore kwo mobhere, teenyi gho körö. Na kwo riibhagha riyo ryose, ntoore na amiigha chwee gha korighani na niinyu.

1 Bheetero 5:9

Mbe, moryange Erishambu gho kwimeerera muköngʼiiri gho komokumi Waryobha. Mumënyë kubha, abhakumi abhaghëndi bhaanyu mo‑se yoose, mbakunyaaka kinya inyu.

1 Abhakorinto 16:13

Mutëngë, muköngʼëri mo‑bhokumi, wiiki mubhe abhasubhesubhe na mubhe na changuru.

Abheebhuraaniya 3:14

Gho ghayo ntoghughöötana na Kirisito, erabha tokwëndërëra komwitëngʼëra mbagha antenero e bhuhöru bhwito, kinya bhuno ꞉tuusëëmiri ghokumi.

1 Abhakorinto 14:40

Amare amangʼana ghoose ghaköru bhoheene, wiiki kwo mëërëkërëri.

Abheebhuraaniya 6:19

Ntoonyi ne eriitëngʼërö mo‑metema ghiito, rino reenyi kinya ananga, ino ehaaghöötërëra ameeri etahiru no obhukama. Amiitëngʼërö ghayo ꞉ngaasöhiri Ahatööbhiyu ha Hatööbhiyu iyo Mwishaaro gho kohetera hano omwando ore oteniini.

1 Abhatesaronike 3:8

Ibheere tokahëëchëra, gho kubha inyu mwimeeriire muköngʼiiri mo‑Mutëmi Yesu.

1 Abhakorinto 15:58

Mbe, abhahiiri bhaane abhasiighani, muköngʼëri mo‑bhokumi bhuyo, motaku omukörö. Mwëndërërë ghuköra emeremo ghe Mutëmi gho ghwiköngʼi chaasiko choose, gho kubha mweche kubha emeremo ghino moghuköra gho ghiri e Mutëmi, ghetaanyi ghe bhoowa.

Abhakorosaayi 2:1

Mbe, nekwënda mumënyë kinya nekwinyaaki ighoro yaanyu na gho ghiri e bhakumi bhaare bhaanyi Rawotikiya, na kwo bhande bhoose bhano bhakeere kondighi eni.

1 Abhakorinto 11:34

Aribha omooto anyi na anchëra, araaghërë awaache, kubha ghwikomana koonyu ghotabhaköra moteneru ekiina. Amangʼana aghande ghano ghasaaghiri, neraacha neghoghatoora bhoheene.

Amaköri gha Bhatomu 2:42

Abhaghëndi bha Yesu ꞉mbaaköngʼiiri mo‑bhughöötani bhuyo, bhareegha ameeghi gha bhatomu bha Yesu, na ghosuura omughaate haghirohamu, na korisabha Eryobha.

Amaköri gha Bhatomu 20:21

Neere nerabhabhoorera Abhayahuuti haghirohamu na abhaato bha matöngö kubha bhatuukuunere amasari ghaabho kwo Waryobha, wiiki bhamokumi Omutëmi wiito Yesu Kirisito.