Abhakorosaayi 2:2 - Eriiraghano Eriihë

² Kino nekwënda n‑kubha, motooru omukörö na ghutëmëëranibhu mo‑bhosiighi. Nekwënda mubhönë obhumënyi bhoose bhuno bhokobhaha obhuhëënë. Hayo mokumënya ekebhisere ke Ryobha, nikyo Kirisito omwene.

Abhakorosaayi 2:2 Referans Kwoze

Abhakorosaayi 1:27

Bhayo nibho Eryobha ꞉reesiighiri kobhahunyurera ekebhisere kiyo ghe koroghoori kino riköriri gho ghiri e bhaato bha matöngö. Angʼana iyo e kebhisere n‑kubha, Kirisito naanyi moose yaanyu, wiiki niwe akobhaha amiitëngʼërö kubha moghusanga obhokumi obhokoro bho Ryobha.

Abhakorosaayi 4:8

ˆNekamotoma bhowaanyu, kubha abhahë amangʼana ghiito na ghuköngʼi emetema gheenyu.

Abhaebheeso 6:22

ˆNekamotoma bhowaanyu, kubha abhahë amangʼana ghiito na ghuköngʼi emetema gheenyu.

Abhakorosaayi 3:14

Ghokera ghayo ghoose mosiighane, gho kubha, obhosiighi nibho bhokobhaghöötani inyu mo‑bhumu bhuno bhohikeriine.

Abharuumi 16:25

Ibheere, ntokoreghongi Eryobha! Iryo ndeghotora kobhaköra mubhe moriiköngʼi mo‑bhokumi bhoonyu, kohetera mo‑Ngʼana Anchömu ighoro e Yesu Kirisito ino neere neraraghani ghokoonyu. Angʼana iyo neere ebhisuru korwera kare, amare ibheere, nehunyuuru,

Abhabhiribhi 3:8

Koru taanyi ghayo agheene, amare nerighi ghoose kubha ghataanyi no obhwëra bho ghokera obhwëra obhokoro bho komumënya Kirisito Yesu, Omutëmi waane. Gho ghiri yaache, netighiri aghande ghoose. Neghoghabhara ghayo kinya abhuusa, kubha nibhe omooto o Kirisito,

Abhabhiribhi 2:1

Mbe, erabha motooruru omukörö kubha inyu na abhaato bha Kirisito moonyi, erabha wiiki moghughambisanu no obhosiighi bhooche, wiiki erabha moonyi no obhughöötani na Akörö Ahörëëru, ne erabha wiiki mosiighiru na korigheru changori na Kirisito,

2 Bheetero 1:3

Eryobha kohetera mo‑bhotoro bhooche, ndetoheere amangʼana ghoose ghano tookwënda, kubha tubhe no obhuhöru, na tukörë ghano ghakwëndëru ambërë yaache. Ndetoheere ghayo gho nchëra e korimënya rino atobherekiire gho ghiri e bhokumi obhokoro no obhuhöriicho bhooche eryene.

Abharuumi 15:13

Eryobha niryo toghwitëngʼëra kubha ndeghuköra ghoose ghano ꞉reeturaghiri. Gho ghayo, nekobhasabhera kubha, rebhahë omurëmbë chwee na ghuchömëru kwaru hano mokwëndërëra korekumi. Hayo niho mookubha ne eriitëngʼërö ikoro, rino moonyi naryo gho changuru che Körö Ahörëëru.

Yohana 10:30

Eni na Taata m‑bhamu toonyi.”

Yohana 6:69

Itu ntoghokumi, wiiki ntweche kubha iye n‑Omutööbhiyu koru kwo Ryobha.”

Abheebhuraaniya 10:22

Mbe, tubhe toraghe ambërë e Ryobha ne emetema myero ghino ghekomokumi kwo bhuhëënë, gho kubha Eryobha ndetomusiri emetema ghiito emebhe gho nchëra e masaahë gha Yesu na ghoghyeghi emebhere ghiito na amanche ameero.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

Abheebhuraaniya 6:11

Neghwighomba chwee kubha, omooto woose iköngʼi ghuköra amangʼana ghayo mbagha mo‑ntenero kubha moghasongʼaane ghaare ghoose moghwitëngʼëra.

Abhakorosaayi 1:9

Gho ghiri iyo ntokobhasabhera chaasiko choose korwera riibhagha rino tooghwire amangʼana ghaanyu. Ntoghusabha kubha Eryobha rebhahë obhumënyi bhoose gho ghaare iryo rekwënda, na amangʼiini ghoose no obhumënyi koru mo‑Körö Ahörëëru.

Abhagharatiya 3:28

Gho ghayo, bhotaanyi‑ho obhwahukani ghate e Muyahuuti no omooto o matöngö, hamu omusësë no omooto huuru, hamu omosubhe no omukari. Bhoose murëngʼiine, gho kubha mughöötiine na Kirisito Yesu.

1 Abhakorinto 2:12

Eryobha ndetoheere itu Akörö yaache, kubha toghamënyë ghano tuhaabhuru gho ghareeya yaache. Mbe, totaakwihëëbha kinya bhuno abhaato bha mo‑se bhakwihëëbha.

Yohana 17:3

Obhuhöru bho miishe ghyose nibho bhuno, abhaato bhakumënyë iye mwene uno onyi Eryobha re hëënë, wiiki bhamënyë eni Yesu Kirisito, uno ontomiri.

Yohana 16:15

Ebheghiro bhyose bhino Taata anyi nabhyo m‑bhebheene. Gho ghiri iyo neghosiikëra kubha Akörö iyo nekobhabhoorera ghoose ghano ekubha ebhwine koru ghokoone.

Yohana 10:38

Amare aribha neghuköra emeremo ghino Taata aghoghiköra, koru nangabha motaaghonkumi eni, moghekumi emeremo ghiyo. Gho nchëra iyo, niho mokumënya kubha Taata naanyi moose yaane, na neeni neenyi moose yaache.”

Yohana 5:23

Gho nchëra iyo, abhaato bhoose mbakomosooka Omoona kinya bhuno bhakomosooka Taata. Omooto wowoose uno ataakomosooka Omoona, mbe, taakomosooka Taata uno amotomiri.

Yohana 5:17

Mbe, Yesu akabhabhoorera akabhugha, “Taata waane naghuköra emeremo chaasiko choose, eni woose neghuköra emeremo hangʼu hangʼu.”

Mataayo 11:27

Yesu akëëndërëra kweghi abhaato bhayo arabhugha, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.

Mataayo 11:25

Eriibhagha riyo Yesu aghasabha, “Oo Taata, ˆoghachömi, iye Omutëmi o Mwishaaro na ase yoose, gho kubha, amangʼana ghano, nobhabhisiri bhano bhaanyi na amangʼiini na abhasömi, amare okabhahunyurera abhaato bhano bhakwinyööhi ghokoocho kinya abhaana abhasuuhu.

1 Yohana 5:7

Wiiki Akörö Ahörëëru neghoghaghambera ghayo kubha n‑nga hëënë, gho kubha Akörö Ahörëëru niyo obhuhëënë.

1 Yohana 3:19

Torasiighana hangʼu, ntoghotora kubha no obhuhëënë kubha, ntoghutambana obhuhëënë. Wiiki emetema ghiito ghetaakubha na ahaho ambërë e Ryobha.

2 Bheetero 3:18

Amare mwëndërërë ghokora mo‑ghareeya na gho komumënya Omutëmi no Omotoori wiito Yesu Kirisito. Aghongibhu, ibheere ne emiishe ghyose! Hawubhaabha.

2 Bheetero 1:10

Mbe, abhahiiri bhaane, mwiköngʼi chwee kwërëki kubha Eryobha ndebhabherekiire na kobhaahura. Aribha eriimanya reenyu hangʼu reenyi, motaakobhora naabha.

1 Abhatesaronike 5:14

Mbe, bhahiiri bhiito, ntokobhasasaama, mubhe morabhashaangʼi abhatöbhu na kobhaköngʼi bhano bhakuure omukörö. Wiiki mubhe morabhaköngʼëërëri bhano bhataamara bhaköngʼëri mo‑bhakumi na kobhaghumereri abhaato bhoose.

1 Abhatesaronike 3:2

tomotome Timotewo mohiiri wiito, kubha ache abhaköngʼi na kobhatoora omukörö mo‑bhokumi bhoonyu. Iwe n‑omutamishi mughëndi wiito o Ryobha gho kuraghani Angʼana Anchömu ighoro e Kirisito.

1 Abhatesaronike 1:5

Ntweche hangʼu gho kubha, hano toore toraraghani Angʼana Anchömu bhowaanyu, totaraghiini kwo mangʼana agheene hangʼu. Amare nturaghiini gho changuru na gho Körö Ahörëëru na kwo bhuhëënë. Inyu mweche bhoheene bhuno toore haghirohamu na niinyu, kubha tobhatoorereri.

Amaköri gha Bhatomu 4:32

Abhakumi bhayo bhoose mbaare bhaghöötiine korwera mo‑metema na mo‑miihëëbhö ghaabho. Taanyi‑ho mooto uno ꞉ighombiire ebheghiro bheeche kubha m‑bhebheeche omwene, amare ꞉mbaaghöötiini ebheghiro bheebho bhyose.

Mataayo 13:11

Akabhagharokeri akabhugha, “Eryobha ndebhahunyuriire inyu kumënya ghano ghaanyi mo‑kebhisere ighoro e bhutëmi bho Mwishaaro, amare ibho bhakeere kumënya ghayo,

Ruuka 1:1

Oo omosooku Tewobhiro, ghaare ꞉ghaakörëkiine ghate yiito, abhaato bhaaru mbamariri ghwiköngʼi gho kwandëka ighoro yaache.

Abharuumi 2:4

Eryobha n‑ihöriicho chwee, ndeghokorigheri ebheghongi bhyaru, na ndeghoghoghumereri chwee. Amare iye ibheere, nokwënda ghutaraaha ghayo ghoose? Tweche kubha ndeghokwërëki obhuhöriicho bhooche, kubha otore ghotuukuunera amasari ghaacho?

1 Abhakorinto 14:31

Gho nchëra iyo, omooto woose nakubhöna omweya o ghosiikëra, kubha abhaato bhoose bhatore kwegha na ghotooru omukörö.

Abhaebheeso 1:7

Eryobha ndetotingwiri gho nchëra e masaahë gha Yesu Kirisito, niko kobhugha ndetwabhiire amasari ghiito ghoose, kurëngʼaana no obhwaru bho ghareeya yaache.

Abhaebheeso 3:3

꞉Ndeembooriire gho nchëra e kohunyurera amangʼana ghaache ghano reere rebhisiri, na nimariri kobhaandëkëra hasuuhu ighoro e mangʼana ghayo.

Abhaebheeso 3:16

Nekorisabha, kurëngʼaana no obhwaru bho bhokumi bhooche obhokoro, gho nchëra e Körö yaache, rebhahë changuru motore ghuköngʼëri mo‑metema gheenyu,

Abhakorosaayi 1:26

Angʼana iyo n‑ekebhisere kino ꞉keebhisuru korwera kare na gho chanyiibhoro choose. Amare ibheere Eryobha ndebhahunyuriire abhaato bhaache abhatööbhiyu.

Abhakorosaayi 2:19

Uyo niyahwire na Kirisito uno aghukangata eriikanisa, niryo omobhere waache. Koru ghokooche omobhere woose noghuchaama na ghughöötanibhu haghirohamu kwo ebhyemo ne emeghiha. Omobhere woose noghokora bhoheene kinya Eryobha rekwënda.

Abhakorosaayi 4:3

Motusabhere na niitu kubha Eryobha retukörërë anchëra e kuraghani angʼana yaache, na ghosiikëra amangʼana ighoro e Kirisito ghano ꞉ghaare mo‑kebhisere. Eni nibhöhuru gho ghiri e kuraghani amangʼana ghayo.