Abhakorosaayi 2:19 - Eriiraghano Eriihë

¹⁹ Uyo niyahwire na Kirisito uno aghukangata eriikanisa, niryo omobhere waache. Koru ghokooche omobhere woose noghuchaama na ghughöötanibhu haghirohamu kwo ebhyemo ne emeghiha. Omobhere woose noghokora bhoheene kinya Eryobha rekwënda.

Abhakorosaayi 2:19 Referans Kwoze

2 Bheetero 3:18

Amare mwëndërërë ghokora mo‑ghareeya na gho komumënya Omutëmi no Omotoori wiito Yesu Kirisito. Aghongibhu, ibheere ne emiishe ghyose! Hawubhaabha.

1 Bheetero 3:8

Antenero, ˆnekabhabhoorera bhoose kubha, mughöötane, na mubhe ne eriihëëbhö rimu, na mosiighane kinya abhahiiri, na morigherani changori na mubhe bhanyööhu.

Abhakorosaayi 2:2

Kino nekwënda n‑kubha, motooru omukörö na ghutëmëëranibhu mo‑bhosiighi. Nekwënda mubhönë obhumënyi bhoose bhuno bhokobhaha obhuhëënë. Hayo mokumënya ekebhisere ke Ryobha, nikyo Kirisito omwene.

1 Abhatesaronike 4:10

Mahëënë mubheere morabhakörëra hangʼu bhaghëndi bhaanyu bhoose bha mo‑mukööwa o Maketoniya. Ibheere bhahiiri bhiito ntokobhasabha mosiighane hangʼu hangʼu na ghokera hayo.

1 Abhatesaronike 3:12

Omutëmi abhëëngërë obhosiighi na köbhëëngërëërëri ghosiighana inyu bheene na kobhasiigha abhande bhoose, kinya itu tobhasiighiri inyu.

2 Abhatesaronike 1:3

Abhahiiri bhiito, nekwëndëru koriitabheri Eryobha eriibhagha ryose gho ghiri yaanyu, gho kubha obhokumi bhoonyu mbokwiyëëngëra chwee, wiiki ghosiighana koonyu ngokwiyëëngëra.

Abhakorosaayi 1:18

Iwe niwe omutu o mobhere, niryo eriikanisa. Iwe n‑simoka e mangʼana ghoose, gho kubha niwe o mumbërë koryoka koru mo‑bhaku, kubha abhe no omweya o mumbërë, mo‑bheghiro bhyose.

Abhakorosaayi 1:10

Niho moghotora kumanya kebhuno Omutëmi Yesu akwënda, na komotegheri mo‑mangʼana ghoose. Eriimanya reenyu ndekomotegheri kwo meremo gheenyu emichömu, wiiki moghwiköngʼi korimënya Eryobha.

Abhabhiribhi 1:27

Angʼana e hëënë n‑kubha, atëëmö yaanyu irëngʼaane na Angʼana Anchömu e Kirisito. Hano nekuucha kobharighi hamu nenganga kuucha, nibhe nerooghu kubha mokwëndërëra kwimeerera muköngʼiiri na kubha no obhumu, wiiki haghirohamu moonyi gho kunyaakera obhuhëënë bho Angʼana Anchömu bhuno toghokumi.

Abhaebheeso 5:29

Taanyi‑ho omooto uno arëghiri omobhere waache, ange kowuraagheri na kowobheeki bhoheene. Hangʼu nibhu, Kirisito ahaatugha eriikanisa reeche,

Abhaebheeso 4:3

Mwiköngʼi ghochonga obhumu bhuno bhokurëëtu na Akörö Ahörëëru gho kumanya haghirohamu kwo murëmbë.

Abhaebheeso 1:22

Eryobha ndetooriri ebheghiro bhyose bhibhe haase e bhukangati bho Yesu na ndemotooriri mo‑riikanisa arikangate, iwe uno anyi omokoro ighoro e bheghiro bhyose, kinya omutu mo‑mobhere.

1 Abhakorinto 3:6

Eni nyeemiri chaatëtërë, Abhooro akahomeerera amanche, amare Eryobha niryo rekumëri na ghokori.

1 Abhakorinto 1:10

Ibheere, bhahiiri bhaane, nekobhasasaama kwo riina re Mutëmi wiito Yesu Kirisito kubha, motabha moraheteerana mo‑maghamba. Motaanga kubha no obhoghwani ghate yaanyu, amare mubhe bhamu mo‑ghano mokwënda na mo‑ghano mokwihëëbha.

Abharuumi 11:17

Ibheere, ebhisaghe ebhimu mbenunguru, na niinyu bhano moonyi kinya ebhisaghe bhe miseyituuni ghi ibhara moghaghöötanibhu moghasanga haghirohamu ne ebhisaghe bhe museyituuni uno otaanyi wi ibhara. Ebhisaghe bhyose mbekubhöna ebhiinyakurë koru mo‑merya ghe museyituuni o kare.

Amaköri gha Bhatomu 4:32

Abhakumi bhayo bhoose mbaare bhaghöötiine korwera mo‑metema na mo‑miihëëbhö ghaabho. Taanyi‑ho mooto uno ꞉ighombiire ebheghiro bheeche kubha m‑bhebheeche omwene, amare ꞉mbaaghöötiini ebheghiro bheebho bhyose.

Yohana 17:21

Neghusabha kubha bhayo bhabhe egheghiro kimu. Taata, neghusabha bhabhe moose yiito, kinya bhuno iye onyi moose yaane, na neeni neenyi moose yaacho. Neghusabha kubha bhabhe egheghiro kimu, kubha abhaato bha mo‑se bhatore ghwishereri kubha n‑iye ontomiri.

1 Abhakorinto 11:3

Amare ibheere nekwënda mumënyë kubha omutu o mosubhe wowoose uno akumiri, n‑Kirisito, no omutu o mukari, n‑omosubhe waache, no omutu o Kirisito n‑Eryobha.

Abhaebheeso 1:23

Eriikanisa n‑omobhere o Kirisito, iryo n‑obhohikeerani bho Kirisito uno akohikeerani ebheghiro bhyose.

Abhaebheeso 2:21

Iwe niwe aghughöötani anyumba yoose na koyekori koru ibhe Ahaghiro Ahatööbhiyu Mwisëngërö, gho ghiri e Mutëmi.

Ruuka 5:38

Adivaayi ahë nekwëndëru ghotooru mo‑maghöchi amahë.