Abhakorosaayi 2:16 - Eriiraghano Eriihë

¹⁶ Mbe, omooto wowoose atabhatenera ekiina ighoro e ebhiinyakurë, hamu ebhinywebhu, hamu anyangi e tiini, hamu anyangi e kurörana kwo mwëri, hamu orosiko ro Riikane.

Abhakorosaayi 2:16 Referans Kwoze

Abharuumi 14:10

Ibheere, iye n‑niwe uno oghotenera ekiina omokumi mughëndi waacho? Na niiye ngwake oghutaraaha mughëndi waacho? Itu bhoose ntokwimeerera ambërë e ghetumbe ke Ryobha, na ghoteneru ekiina.

Abhagharatiya 4:10

Mokeere mughöötiri chanyangi che Kiyahuuti? Moghosooka chaasiko nyarebhe che wiiki, ne emyëri, na amabhagha ne emeeka, kubha n‑chanyangi che koresooka Eryobha!

Abheebhuraaniya 13:9

Motangʼiinu na ameeghi aghande amahë gha ghighëni, gho kubha changuru che metema gheenyu nchekoru mo‑ghareeya e Ryobha, taanyi mo‑meghiro ghe bhiinyakurë. Emeghiro ghiyo ghetaakobhatoori ghyokyose bhano bhaghoghitambana.

Mataayo 15:11

Egheghiro kino omooto akurë ghetaakomuköra abhe moghonchu. Amare, amangʼana ghano ghaakoru mo‑monu waache, nigho ghakomuköra omooto abhe moghonchu.”

Abheebhuraaniya 9:10

Amangʼana ghayo, ngaare ighoro e bhiinyakurë, ne ebhinywebhu na kwimusa emebhere. Ghoose ghayo ngaghosira eriibhagha rino Eryobha reghugharura ebheghiro kubha bhihë.

Yakobho 4:11

Abhahiiri bhaane, motabha moratëmana amasörö, gho kubha, omooto woose uno aghutëma amasörö mughëndi waache, hamu komotenera ekiina, naakubha ataraahiri emeghiro ghe Ryobha. Aribha oraghitaraaha emeghiro, nekwërëki kubha toghesookiri emeghiro, amare nubheere omoteni o kiina o kobhiihera meghiro ghiyo.

Maariko 7:19

Ekiinyakurë kino omooto akurë ghetahaayi mo‑körö yaache, nkehaasöha mo‑nda, keramara kehoroka anche e mobhere waache.” Gho kobhugha hangʼu, Yesu ꞉nëërëkiri kubha, ebhiinyakurë bhyose mbiishereriiru koreebhu.

Amaköri gha Bhatomu 15:20

Ntokwëndëru tobhaandëkërë anyaarubha e kobhabhoorera kubha, bhatarë ebhiinyakurë bhino bhiköruru kubha bheghonchu gho kuhëërana chasanaamu, bhataköra obhutaari, na bhatarë chaanyama che chatyenyi chino chinyëëturu, wiiki bhatarë amasaahë.

Abhakorosaayi 2:20

Inyu atëëmö yaanyu e kare ꞉neekuure haghirohamu na Kirisito, gho kubha ꞉naabhatooriri koru mo‑chaakörö chambe chino cheghukangata ase ino. Mbe, ngwake mokeere mwikeere kinya abhaato bha mo‑se ino? Motiishereri ghosooka emeghiro ghenga ghino,