Abhakorosaayi 2:15 - Eriiraghano Eriihë

¹⁵ Gho nchëra e musarabha, Eryobha rekahöka emisambu obhutëmi no obhotoro bhoobho, reghakinda gho chandiryato, reghaghesooki haheero.

Abhakorosaayi 2:15 Referans Kwoze

Abheebhuraaniya 2:14

Mbe, gho kubha abhaana bhano mbaanyi ne emebhere na amasaahë, Yesu woose ꞉niichiri anyi no omobhere kinya emebhere gheebho. ꞉Naaköriri hangʼu kubha gho nchëra e roko rooche, achekinde changuru che Rishambu rino reenyi no obhotoro bho ghughëri abhaato bhabhe bharaku.

Abhaebheeso 4:8

Kinya bhuure Amandëkö Amatööbhiyu ghakobhugha, “Hano atiiriri ighoro chwee, ꞉niimokiri bhano ꞉bhaare bhaghööturu mwihë, akabhaha abhaato atuho.”

Mataayo 12:29

Amare, obhuhëënë n‑kubha, omooto taaghotora ghusöha mo‑nyumba e mooto uno anyi na changuru, na komuhöka ebheghiro bheeche, aribha atashamiri komubhöha singa. Aramubhöha, niho aghotora komuhöka ebheghiro bheeche.

Abhaebheeso 6:12

Nekobhugha hangʼu gho kubha, eriihë riito retaanyi ghate yiito na abhaato. Amare ntokurööna ne emisambu ghino gheenyi no obhotoro, ghino gheghukangata ase ino e kengʼuuri, ghyose ghino ngighöötëriire mo‑se ino etaakorighibhu.

Yohana 16:11

Naakubha arabhëërëki kubha Eryobha ndekuucha kobhatenera ekiina gho kubha, ndimariri ghotenera ekiina Erishambu omokoro o se ino.

Ruuka 10:18

Yesu akabhagharokeri akabhugha, “꞉Neerooche Erishambu reragho kinya orunanehi koru Mwishaaro.

Obhohunyurëru 20:10

Mbe, Erishambu, rino rebhangʼiiniri, ndekurëkëru mo‑nyancha e mororo muhaari chwee. Hayo niho ahaghiro hano bharëkiire oghotyenyi ghuure no omurööti wuure o bhuröngö. Ibho mbakunyaakibhu iyo obhotiko no omwishe, emiishe ne emiishe.

Abhakorosaayi 1:16

Gho kubha gho kohetera ghokooche, ebheghiro bhyose ꞉mbiitëëmuru, bhino bheenyi mwishaaro, na bhino bheenyi mo‑se, bhino bhekorighibhu, na bhino bhetaakorighibhu, erabha bhano bhaanyi n‑obhotoro, hamu abhatëmi, na abhakoro, hamu bha changuru. Bhyose ꞉mbiitëëmuru gho kohetera iwe, na gho ghiri yaache.

Ruuka 11:22

Amare, omooto owonde uno akamokeri changuru, araacha komurööna, nakomokinda. Nakomuhöka ebhiröönërö bheeche bhyose bhino are ariitëngʼëra, ne ebheghiro bhe mo‑nyumba yaache na kobhihööhi abhande.

2 Abhakorinto 4:4

Angʼana Anchömu timënyuru mo‑bhaato bhano gho kubha, Erishambu rino reenyi omutëmi o se ino, ndehunyiri obhongo bho bhano bhataakomokumi Yesu. ꞉Ndiiköriri hangʼu kubha bhakindu korighi obhwero bho Angʼana Anchömu e bhokumi obhokoro bho Kirisito, uno anyi eghetuubhaani ke Ryobha.

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.

Yohana 19:30

Hano Yesu asamiri adivaayi iyo, aghasiikëra akabhugha, “Emeremo gheene ghekahikeerana!” Mbe, akahiinya omutu, aghaye mo‑bhaaru.

1 Abhakorinto 15:24

Hayo niho antenero e bhyose ekohikeerana. Eriibhagha riyo Kirisito naghosireekereri abhakangati bhoose, na bhano bhaanyi no obhotoro na bha changuru bhoose, aramara nakomuha Waryobha Taata obhutëmi.

2 Abhakorinto 2:14

Amare ntokoriitabheri Eryobha gho kubha ndeghotukangata eriibhagha ryose mo‑murööbhö o ghuchaghanera obhokindi bho Kirisito ighoro e bhabhisa bhaache. Wiiki Eryobha ndeghotuköra itu ghusanchi obhumënyi bho ngʼana ighoro e Kirisito chambaara choose, nibheere kinya bhuno ekeneeso eghichömu kehaasancha ahaghiro hoose.

Abhaebheeso 3:10

Nebhatoorere haheero kubha, gho nchëra e riikanisa, abhakangati na bhano bhaanyi no obhotoro mo‑se ino etaakorighibhu, bhamënyë amangʼiini gha Ryobha ghano ghaanyi gha manga maaru.

Abhakorosaayi 2:10

Inyu muhaabhuru bhyose gho ghughöötana na Kirisito, iwe niwe Omutëmi omokoro uno anyi no obhotoro bhoose mo‑se ino etaakorighibhu.