Abhakorosaayi 2:13 - Eriiraghano Eriihë

¹³ Inyu moore mokuure mo‑chaakörö gho ghiri e masari ghaanyu, wiiki motasaaruru atëëmö yaanyu e masari. Amare Eryobha ndebhaheere obhuhöru haghirohamu na Kirisito. Wiiki ndetwabhiire amasari ghiito ghoose.

Abhakorosaayi 2:13 Referans Kwoze

Abhaebheeso 2:1

Inyu moore mokuure mo‑chaakörö gho ghiri e mabhe na amasari ghaanyu.

Abharuumi 8:11

Akörö Ahörëëru ino eghwikara moose yaanyu, niyo Akörö e Ryobha ino emoryokiri Kirisito Yesu koru mo‑bhaku. Gho ghayo, Eryobha ndeghoghiha obhuhöru emebhere gheenyu ghino ghehaaku, gho changuru che Körö Ahörëëru ino eghwikara moose yaanyu.

2 Abhakorinto 3:6

Iryo niryo ꞉reetoheere obhotoro bho kubha abhatamishi bha Riiraghano Eriihë rino reekoru mo‑Körö Ahörëëru. Eriiraghano riyo taanyi emeghiro ghino ghyandëkuru, gho kubha emeghiro ghino ghyandëkuru ngeghuköra abhaköri bha masari bhateneru ekiina ghe ghwitu, amare Akörö Ahörëëru nekurëëta obhuhöru.

Abheebhuraaniya 9:14

Amare ibheere amasaahë gha Kirisito ngaanyi na changuru chwee ghokera amasaahë gha chatyenyi chiyo! Gho nchëra e Körö ino enyi e miishe ghyose, iwe ꞉niiruusiri kwo Waryobha kubha amaruusi ghano ghahikeriine. Amasaahë ghaache nigho ghaghotomusa emetema ghiito ighoro e masari ghano ghaghughëri oroko kubha torisëngërë Eryobha rino reenyi ihöru.

2 Abhakorinto 5:19

Niko kobhugha, gho kohetera gho Kirisito, Eryobha ꞉ndiitëmëëriini abhaato na ryo, na retabhabhariire abhaato obhobhe bhoobho. Wiiki Eryobha ndetoheere emeremo ghe kobhabhoorera abhaato amangʼana gha bhoghwani bhuyo.

Abhaebheeso 2:11

Mbe, gho ghayo, moteebhu kubha, hayo ekeenyuma moore abhaato bha matöngö gho kwibhoru na kobherekeru, “Bhano motasaaruru” na bhaare bhakwibherekera, “Bhano bhasaaruru,” asaaro ino eghuköru mo‑mobhere kwo mabhökö gha bhaato.

Ruuka 15:32

Amare omonyi waacho uno, ntokwëndëru tomukörërë obhughëni na ghosiighasiigha haghirohamu. Niköriri hangʼu gho kubha naare abhoriri, amare ibheere ˆakabhönëka. Wiiki naare kinya akuure, ni ibheere m‑muhöru!’”

Ruuka 15:24

gho kubha omoona waane uno, naare abhoriri, amare ˆakabhönëka. Wiiki naare kinya akuure, amare ibheere m-muhöru!’ Niho bhayo bhoose bhaghasëëma ghuköra obhughëni gho ghuchömëru.

Yakobho 2:26

Gho ghayo, aribha omooto abheere no obhokumi amare taanyi na amaköri machömu, obhokumi bhooche bhuyo, mbokuure, kinya omobhere uno otaanyi na akörö, nookubha okuure.

Abhaebheeso 5:14

Nikyo eghughambu kubha, “Bhooka iye uno osundaghiire! Oryoke koru mo‑bhaku, na Kirisito nakuucha ghokurëngaareri.”

1 Abhakorinto 15:45

Mo‑Mandëkö Amatööbhiyu yandëkuru kubha, “Omooto o mumbërë, Ataamu, natëëmuru akabha omooto omuhöru,” amare Ataamu o ntenero, n‑Kirisito, niwe Akörö ino ekobhaha abhaato obhuhöru.

Abharuumi 6:13

Motiishereri ebhyemo bhyobhyose bhe mebhere gheenyu bhihökëru gho ghiri e masari kinya ebheghiro ebhebhe, amare mwiruusi kwo Waryobha. Mwirighi kubha moonyi abhaato bhano bharyokiibhu koru mo‑bhaku, na ghusöhibhu mo‑bhuhöru obhuhë. Mwiruusi kwo Waryobha, ne ebhyemo bhyose bhe emebhere gheenyu bhibhe bherarikörëra emeremo kinya ebheghiro ebhihëënë.

1 Yohana 2:12

Nabhaandëkiire abhaana bhaane abhasiighani, gho kubha amasari ghaanyu ngaabhiiru gho kohetera Yesu Kirisito.

1 Abhakorinto 15:36

Ghayo n‑amabhoori gha bhuraghaanu! Gho ghetuubhaani, oreemi ambusuro, teeghotora kumëra aribha etakuure.

Yohana 5:21

Kebhuno Taata akobharyoki abhaku na kobhaha obhuhöru bho miishe ghyose, hangʼu hangʼu Omoona nahaabhaha obhuhöru abhaato bhano asiighiri kobhaha.

Ruuka 9:60

Amare Yesu akamugharokeri akabhugha, “Iye nutambane! Abhaato bhano bhataakorekumi Eryobha n‑kinya abhaku. Tigha bharyekane abheene kwo bheene. Amare iye, nooghi uraghaneri abhaato angʼana ighoro e bhutëmi bho Ryobha.”

Abheebhuraaniya 6:1

Gho ghiri iyo, totabha törëëndërëra ghusaagha mo‑ghaare tweghiri ighoro Kirisito hayo ekimbërë, amare twiköngʼi kwegha mbagha tuköngʼëri mo‑bhokumi. Totaabhëka wiiki obhoroso bho meeghi gha ghotuukuuna ighoro e maköri ghano ghaghughëri oroko na ghaare gha korekumi Eryobha.

1 Timotewo 5:6

Amare omosino uno asiighiri amiigha gha se, uyo nakuure nangabha anyi muhöru.

Abharuumi 4:17

N‑kinya bhuno Eryobha ꞉reebhooriire Abhurahamu mo‑Mandëkö Amatööbhiyu kubha, “Neghuköriri kubha ishe o matöngö maaru.” Abhurahamu ꞉nooghwire amangʼana ghayo anyi ambërë e Ryobha, akarekumi Eryobha rino rehaabhaha abhaku obhuhöru, na rino rehaahatëka ebheghiro bhibhe‑ho bhino bhetaamara bhibha‑ho.

Yohana 6:63

Akörö e Ryobha niyo ekobhaha abhaato obhuhöru. Omooto taaghotora ghuköra ghyokyose gho changuru cheeche omwene. Amangʼana ghano nebhabhooriire n‑gha Akörö e Ryobha, nagho ngakoruusi obhuhöru.

Yakobho 2:20

Iye m‑mughëëghë onyi! Kana okeere örëndëru kwërëkibhu kubha, obhokumi bhuno bhotaanyi na amaköri amachömu, bhotaanyi no obhwëra?

Yakobho 2:17

Hangʼu hangʼu, morabha no obhokumi, amare motaanyi na amaköri amachömu, obhokumi bhoonyu, mbokuure.

1 Timotewo 6:13

Neghaghokumereri ambërë e Ryobha rino reghotoora obhuhöru moose e bheghiro bhyose, na ambërë e Kirisito Yesu uno aruusiri obhwibhateri bho mahëënë ambërë e Bhontiyo Bhiraato, kubha,

Abhakorosaayi 2:12

Hano mubhatiisuru, atëëmö e kare ꞉neekuure ekaryeku haghirohamu na Kirisito, wiiki atëëmö ahë, ekaryoka haghirohamu nawe, gho kubha mokumiri changuru che Ryobha rino remoryokiri koru mo‑bhaku.