Abhakorosaayi 2:12 - Eriiraghano Eriihë

¹² Hano mubhatiisuru, atëëmö e kare ꞉neekuure ekaryeku haghirohamu na Kirisito, wiiki atëëmö ahë, ekaryoka haghirohamu nawe, gho kubha mokumiri changuru che Ryobha rino remoryokiri koru mo‑bhaku.

Abhakorosaayi 2:12 Referans Kwoze

1 Bheetero 3:21

Amanche ghayo n‑eghetuubhaani ke bhubhatiiso, bhuno bhoghototoori, taanyi gho koruusi eriiku mo‑mobhere, amare n‑eriiraghano re mënda meero kwo Waryobha. Amangʼana ghayo, ngaakubha gho kohetera koryoka kwo Yesu Kirisito.

Abhagharatiya 3:27

Inyu bhoose bhano mubhatiisuru, mughöötiine na Kirisito, mubheere kinya momobheekiri Kirisito.

Amaköri gha Bhatomu 2:24

Amare Eryobha rekamotoori koru mo‑mabhe ghayo gho komoryoki koru mo‑bhaku, gho kubha oroko rotangatoriri komwangera Yesu!

Abhaebheeso 3:17

kubha gho nchëra e bhokumi, Kirisito abhe ariikara mo‑metema gheenyu. Hayo niho obhosiighi bhooche, bhookubha bhorabhaha changuru che kwimeerera muköngʼiiri kinya omote uno osimiri emerya haase chwee, hamu kinya anyumba ino yabhëkuru ighoro e bhoroso bhuchömu.

Abharuumi 4:24

amare ngaandëkuru koru gho ghiri yiito bhoose. Amangʼana ghayo ngaghotobhoorera kubha torarekumi Eryobha rino remoryokiri Yesu Omutëmi wiito koru mo‑bhaku, niho koru itu tokubhareru kubha bhano toonyi no obhuhëënë ambërë e Ryobha.

Abhaebheeso 4:5

Omutëmi wiito n‑umu, no obhokumi m‑bhumu no obhubhatiiso bhwito m‑bhumu.

Abhaebheeso 2:8

Mbe, hangʼu nibhu aghareeya e Ryobha ebhatooriri, gho nchëra e komokumi Yesu Kirisito. Obhotoori bhuyo bhotabhönëkiri gho ghwiköngʼi koonyu, Eryobha niryo retoheere kinya atuho.

1 Abhakorinto 15:20

Amare ibheere, obhuhëënë n‑kubha Kirisito naryokiri koru mo‑bhaku, na niwe o mumbërë koryoka kwo bhano bhakuure.

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

Abheebhuraaniya 6:2

Totabha toragharukera kwegha ameeghi gha bhubhatiiso, na gha kobhatoorera amabhökö abhaato, na gha koryoka kwo bhaku na gha ghoteneru ekiina ke miishe ghyose.

Abhabhiribhi 1:29

Motahaabhuru komokumi Kirisito okwene, amare muhaabhuru koru kunyaakibhu gho ghiri yaache.

Abhaebheeso 5:14

Nikyo eghughambu kubha, “Bhooka iye uno osundaghiire! Oryoke koru mo‑bhaku, na Kirisito nakuucha ghokurëngaareri.”

Abhaebheeso 3:7

Mbe, eni ꞉niiköruru kubha omutamishi o kuraghani Angʼana Anchömu, gho kihaano ghe ghareeya e Ryobha kino ꞉reeheere gho kurëngʼaana no obhotoro bhooche.

1 Abhakorinto 12:13

Neghosiikëra hangʼu, gho kubha itu bhoose, tubhe Abhayahuuti hamu abhaato bha matöngö aghande, tubhe abhasësë hamu abhaato huuru, ntubhatiisuru gho Körö imu na kuhaabhu Akörö iyo, kubha tubhe omobhere umu.

Abharuumi 7:4

Abhahiiri bhaane, amangʼana ghayo nibhu ghaanyi na ghokoonyu. Koru inyu motaakubhöhu wiiki ne emeghiro ghe Musa, gho kubha mokuure haghirohamu na Kirisito mo‑musarabha. Ibheere inyu n‑abhaato bhaache moonyi, uno ꞉aryokiibhu koru mo‑bhaku, kubha eriimanya riito ribhe na amakorobhese amachömu gho ghiri e Ryobha.

Amaköri gha Bhatomu 14:27

Hano bhahikiri Antiyokiya, bhakabhakoma abhaato bha mo‑kanisa. Bhakabhabhoorera ghoose ghano Eryobha riköriri gho kohetera ghokoobho, na kinya bhuure rebhaheere abhaato bha matöngö omweya o komokumi Yesu.

Ruuka 17:5

Niho abhatomu bhayo bhakamobhoorera Omutëmi bhakabhugha, “Otwëngërërëri obhokumi bhwito!”

Amaköri gha Bhatomu 2:32

Yesu uyo, Eryobha ꞉ndeemoryokiri koru mo‑bhaku, itu bhoose n‑abhiibhatereri bha ngʼana iyo toonyi.

Abhakorosaayi 1:29

Kwo riyo neghwiköngʼi na ghuköra emeremo gho kuhökëri changuru inkoro chino Kirisito aheere.

Abhakorosaayi 2:13

Inyu moore mokuure mo‑chaakörö gho ghiri e masari ghaanyu, wiiki motasaaruru atëëmö yaanyu e masari. Amare Eryobha ndebhaheere obhuhöru haghirohamu na Kirisito. Wiiki ndetwabhiire amasari ghiito ghoose.